Jeremías 9:17 - Qullan Arunaka DC

¹⁷ 17 (16) Taqi ch'aman Tatitux siwa: “¡Sum ist'apxam! Jachir warminakar jawsayanipxam.”

Aymar Bibliia 1986

¹⁷ Take ch'amani Tatitojj siwa: “¡Ist'apjjam! Warariri warminacaru jawsayanipjjam, cawquïrinacatejj warariñataquejj waquichatäpqui ucanacaru.”

Qullan Arunaca

¹⁷ Take ch'amani Tatitojj siwa: “¡Ist'apjjam! Warariri warminacaru jawsayanipjjam, cawquïrinacatejj warariñataquejj waquichatäpqui ucanacaru.”

Jeremías 9:17 Jak'a apnaqawi uñst'ayäwi

2 Crónicas 35:25

Jeremiasasti Josiasat amtasiñatak mä llakisiñ q'uchu qillqäna. Jichhürkamaw taqi q'uchurinakax Josías reyin imäwi q'uchunakapat amtasisipki. Aka q'uchunaksti Israel markan q'uchusipkakiwa, ukanakan arunakapax “Jachäwinaka” sat qillqatankiwa.

Job 3:8

¡Uka arumar layqanaka ñanqhachasapäna, Leviatán sat jach'a animalxar munañanïpki ukanaka!

Eclesiastés 12:5

amsta chiqanakax axsarañ churani, thakhinsti chijinakaw utjani. Almendro alix panqarañ qalltani, t'iju t'ijusti jan walt'añ utjayani, alcaparra alix janiw kunatakis askïkxaniti. Ukampis jaqix wiñay utjasïwiparuw sarxani, jiwatat jachirinakax niyaw marka thakhinakan ist'asi.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Lamentaciones 2:5

Tatitux uñisirïkaspas ukham uñjistu: Israel markarux q'al tukji; reyin utanakapsti taqpach t'unthapi, suma jach'a pirqanakapsa pampa tukuyaraki. Ukkha suma Judá markarusti, t'aqhisiñatsa, t'aqhisiñampiw phuqhantaraki.

Ezequiel 27:2

“Jumax Ezequiel, Tiro markatak aka amay imäwi q'uchu q'uchum,

Ezequiel 32:16

“Akasti amay imäwi q'uchuwa, ukham yaqha markankir warminakax Egiptot jachasax q'uchupxani, ukhamarak walja qamir yänakapatsa. Naya, Tatituw uk arsta.”

Amós 5:1

Israelitanaka, arunakax ist'apxitaya; jumanak tuqi arsuta llakisiñ arunaka:

Miqueas 2:4

Khaya urunakansti jumanakat larusisaxa, jachañ q'uchunak q'uchupxani. Sapxarakïtamwa: ‘Q'ala tukjatapunïtanwa; jiwasax Tatitun markapätanwa, jichhax yaqhan amparapankxtanwa, janirakiw khiti jark'aqt'iris utjkiti; uraqinakasasti atipjirinakasar lakinuqatawa’ ” sasa.

Mateo 9:23

Kunapachatix Jesusax jilïrin utapar purkän ukkhaxa, phusirinakan uka wawar imanxañatak wakicht'atäskiri, ukhamarak jaqinakan wal jachasipkir uñjäna,

Marcos 5:38

Sinagogan jilïrïkis ukan utapar purkasinsti, jaqinakarux wal uxuskir jikxatäna, yaqhipanakax wal jachasipkäna, wararisipkarakïna,