Jeremías 9:15 - Qullan Arunaka DC

¹⁵ 15 (14) Ukatpï naya, taqi ch'amani Tatitu, Israelan Diosapax arstxa: Jupanakarux thujsantat manq'a manq'ayä, jiwayir uma umantayarakï.

Aymar Bibliia 1986

¹⁵ Ucatpï naya, take ch'amani Tatitu, Israelan Diosapa, arstjja: Jupanacarojj mä c'allc'u mank'a mank'ayä, venenat uma umayaraquï.

Qullan Arunaca

¹⁵ Ucatpï naya, take ch'amani Tatitu, Israelan Diosapa, arstjja: Jupanacarojj mä c'allc'u mank'a mank'ayä, venenat uma umayaraquï.

Jeremías 9:15 Jak'a apnaqawi uñst'ayäwi

Salmos 60:3

3 (5) Markamarux jach'a yant'anakampiw t'aqhisiytaxa, luqhiptayir vino umantayapxistaxa.

Salmos 69:21

21 (22) Manq'axarusti jiwayañ qulla warantapxi, umat pharjayaskta ukkhasti, vinagre churapxitu.

Salmos 75:8

8 (9) Tatitux wali q'apisitawa, mutuyañatakix jank'akiwa. May chuym ch'amakt'ayasin ukkhasti, jan khuyapt'ayasisaw q'apisiñapampix ñanqha lurir jaqinakar mutuyani.

Salmos 80:5

5 (6) Manq'añ lantxa, jachañ churapxista, uma lantsti, juk'amp jachañ utjayarapipxista.

Isaías 2:17

Jach'a jach'a tukur jaqinakaxa, p'iqi waytat jaqinakasa, q'ala aynacht'ayatäpxaniwa. Uka urusti Tatitukiw jach'ar aptatäni,

Isaías 2:22

Ukhamasti, jaqinakarux jan alkatasipxamti, uka jaqinakax mä juk'atakikiwa, taqiniw jiwarapxani.

Jeremías 23:15

Ukatpï, naya taqi ch'aman Tatitux, uka profetanakatakix aka arunak arstxa: Jerusalenankir profetanaka, uka ñanqha lurañanak taqi markpacharuw aqantayapxtaxa, jumanakarux k'allk'u manq'a manq'ayapxäma; jiwayir qullan uma umayapxarakïma”.

Jeremías 24:10

Jupanakxarusti nuwasiñanakampi, mach'anakampi, kunayman usunakampi apayanï, ukhamat kawkïr uraqtix jupanakaru nayra awkinakaparusa churkta uka uraqit q'al chhaqtayarakï.”

Jeremías 25:15

Israelan Tatitu Diosapasti sarakituwa: “Jeremías, amparaxankki uka qirux phiñasiñaxampix vinompi phuqhantatjamawa. Jichhax jum katxarum ukatsti kawkïr markanakarutix nayax khitkäma ukanakar umarayanim.

Jeremías 44:27

Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.

Jeremías 49:37

Elam markarusti jiwayir uñisirinakap nayraqatan khathatiyä, t'aqhisiñanak juparux apayanï, phiñasiñaxsti jupxaruw antutxatanï, q'ala tukjatäpxañapatakix nuwasiñanak jupanakxarux apayanï. Naya, Tatituw uk arsta.

Jeremías 8:14

Markasti sarakiniwa: “¿Kunatakis akar qhiparaskakiñäni? ¡Taqinis jach'a pirqan markanakar sarxañäni, ukan mäpita jiwarayistpan! Tatitu Diosasax jiwarayistaniwa; umt'añatakis jiwayir qullani uma churistu, jupa tuqi jucha luratas layku.

Lamentaciones 3:15

Tatitux jachañanakampiw phuqhantitu; k'allk'u uma umañ churitu.

Lamentaciones 3:19

Llakisitanakaxsa, sapak sarnaqatanakaxsa, jachatanakaxsa, t'aqhisitanakaxsa amthapisiraktwa;

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Ezequiel 5:2

Jerusalén markax katuntat uñjaskani ukkhasti, uka kimsar jaljat ñik'utxa, mayïrxa marka taypir sarasin ukan nakhantayam; mayïrsti, mä espadampi khuchhunuqas marka muytpachar willtanim, ukat jilt'äki uksti thayarurak willxaruyam. Nayasti markankir jaqinakan qhipap sarä, mä espadas ayt'ata.

Deuteronomio 28:36

“Diosan munañapat jumasa, reyimasa katuntat uñjasini, ukatsti yaqha markar apataw uñjasipxäta, uka marksti janiw jumasa, awkinakamas uñt'apkänti. Ukatsti uka markan yaqha diosanakar yupaychapxäta, lawata, qalat lurat diosanakaru.

Deuteronomio 29:18

18 (17) Jumanak taypinsti janiy utjpati, chachasa, warmisa, wila masinakasa, ayllusa, Tatit Diosasar apanukusin uka markanakan diosanakapar yupaychirixa. Janirak khitis jumanak taypit jiwayasir k'allk'u saphini alinakar uñtatäpati.

Apocalipsis 8:11

Uka warawarasti K'allk'u satänwa; umanakasti niya chikatan chikatapaw k'allk'u tukuwayxäna, walja jaqinakarakiw jiwarapxäna uman wali k'allk'ütap layku.