Jeremías 9:10 - Qullan Arunaka DC

¹⁰ 10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Aymar Bibliia 1986

¹⁰ “Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Qullan Arunaca

¹⁰ “Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Jeremías 9:10 Jak'a apnaqawi uñst'ayäwi

Isaías 41:15

Nayaw jumarux trigo jawq'añar uñtat tukuyaskäma, machaqa, suma ari lakanakani kuna; qullunak jawq'thapïta, laq'aruw tukuyäta, jisk'a qullunaksti jipiruw tukuyäta.

Isaías 49:19

Markamax q'ala aynacht'atänwa, q'ala tukjatarakïnwa; ukampis jichhax uraqimaxa taqi jaqinakamatakix jisk'akïniwa. Jumar tukjirinakasti jayankxiwa.

Jeremías 12:10

Uñisir reyinakaw uva yapuxar tukjapxi, uraqinakaxsa takisipxarakiwa. Nayan wali munat uraqixsti llakiskañ wasararuw tukuyapxi.

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 14:6

Monte asnonakasti, wasar qullu patanakan sayarasaxa, qamaqinakar uñtataw mukt'apxi; ukampis manq'atjamaw thayarapxi chhuxllanakan jan utjatap layku.”

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 50:3

Amsta tuqit mä markax jutanti, Babilonia markar nuwantasin t'unjani. Jaqinakasa, uywanakasa, taqiniw ukkhat jaltxapxani, janirakiw khitis ukan wasitat jakxaniti” sasa.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Jeremías 8:18

Chuyma usuyasitaxax janiw qullañjamäkxiti, chuymaxas käwkst'arakituwa.

Lamentaciones 1:16

Taqi ukanakasti nayaruw jachayitu. Nayraxasti jachampi phuqhantatawa, janiw nayar khiti chuymachiris utjkiti, nayar khiti ch'amañchiris utjkarakiti. Wawanakaxasti t'unjat pirqanak taypin qhiparapxi, uñisirinakaxax nanakat sipansa juk'amp ch'amaniwa.

Lamentaciones 2:11

Jachkäwisa nayrax usxituwa, chuymas llakisiñat phallañjamak munxitu; jan ch'amaniw uñjasta jaqinakaxan markap t'unjat uñjasa, ñuñuskir wawanakar manq'atjama jiwaraskir uñjasa.

Lamentaciones 5:18

Jerusalén markax laqayar tukuyatawa, qamaqinakakiw ukan aywtaski.

Ezequiel 14:15

“Nayatix mä markar monte animalanak khitirista, uka markan utjir jaqinakar jiwarayapxañapataki, uka marka ch'usa wasarar tukuyapxañapataki, ukhamat monte animalanakar axsarasax uka chiqa jan khitis sarakipañapataki,

Ezequiel 27:2

“Jumax Ezequiel, Tiro markatak aka amay imäwi q'uchu q'uchum,

Ezequiel 29:11

Janipuniw jaqinakasa, kuna uywanakas uka chiqnam sarakipapkaniti. Pusi tunka maraw ukan janipun khitis jakkaniti.

Ezequiel 33:28

Aka uraqirusti ch'usa wasara, q'ala tukjat tukuyä, ch'amapampi, wali jach'a jach'a tukutapampsti tukjarakïwa. Israel markan qullunakapasti ch'usa wasararuw tukuni, janirakiw khitis uka chiqa sarakipkxaniti.

Ezequiel 6:6

Kawkhanakantix jumanakax jakapkta ukawjanakan markanakamax t'unjata uñjasini, diosanakar yupaychañ altaranakamasa q'ala t'unjatäniwa. Altaranakamax q'ala t'unjatapunïniwa, diosanakamas jisk'a jisk'a tukjatäniwa; incienso luqtasiñ altaranakamas pampa tukuyatäniwa, taqi kuntix jumanakax lurapkta ukanakasti q'ala chhaqtayatäniwa.

Oseas 4:3

Ukat aka markax jacht'asis sarnaqaski; aka markan jakirinakasti jan ch'amanikïxapxiwa; pampankir animalanakasa, jamach'inakasa, jach'a qutankir chawllanakas jiwarxapxarakiwa.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Joel 1:19

¡Dios Tatay, jumaruw art'asinsma, wasarankir quqanaksa, pampankir chhuxllanaksa ninaw q'al nakhantawayxi!

Amós 5:1

Israelitanaka, arunakax ist'apxitaya; jumanak tuqi arsuta llakisiñ arunaka:

Amós 5:16

Taqi ch'aman Tatitux akham siwa: “Taqi plazanakan jachañax utjani, marka thakhinakansti warariñanakaw utjani, pampan utjasirinakarusti llakisiñat jachiritakiw jawsapxani, jachañatak jawsatanakasti juk'ampiw jachapxani.

Miqueas 2:4

Khaya urunakansti jumanakat larusisaxa, jachañ q'uchunak q'uchupxani. Sapxarakïtamwa: ‘Q'ala tukjatapunïtanwa; jiwasax Tatitun markapätanwa, jichhax yaqhan amparapankxtanwa, janirakiw khiti jark'aqt'iris utjkiti; uraqinakasasti atipjirinakasar lakinuqatawa’ ” sasa.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.