Jeremías 8:19 - Qullan Arunaka DC

¹⁹ Markaxan ayqutanakapasti taqi chiqan ist'asi: “¿Janit Tatitux Jerusalén markankxpacha? ¿Janit reyipas ukankxpacha?” sasa. Tatitusti sarakiwa: “¿Kunatsa nayarux ñanqha lurapxista, yaqha diosanakar yupaychasaxa?”

Aymar Bibliia 1986

¹⁹ Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Qullan Arunaca

¹⁹ Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Jeremías 8:19 Jak'a apnaqawi uñst'ayäwi

Salmos 135:21

¡Tatitux Sión markan qullanäpan, Jerusalén markan jakir Tatitux jach'añchatäpan! ¡Tatitux jach'ar aptatäpan!

Salmos 137:1

Babilonia jawir lakanakan qunt'ataw Sión markat amtasisax jachapxäyätan.

Salmos 146:10

Tatitux wiñayapuniw apnaqani; Sión marka, Diosamax wiñayan wiñayapaw apnaqani. ¡Tatitux jach'ar aptatäpan!

Salmos 149:2

Israel markax utjayiripat kusispan, Sión markan wawanakapax Reyipat kusisipxpan.

Salmos 31:6

6 (7) Yaqha diosanakar yupaychirirux uñisipuntwa. Nayasti Tatituruw taqi chuymamp katuyasta.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 13:5

Wali jaya markat jutapxi, jaqin jan uñjkat jaya markata. Tatitu pachpaw q'apisiñapan yänakamp phuqt'at juti, markpachar t'unjañatakiw juti.

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 39:3

Ukat Isaías profetax Ezequías reyin ukar uñjiriw saräna, juparusti jiskt'arakïnwa: —¿Kawkitsa uka jaqinakax jutapxatayna, kamsapxaraktamsti? —sasa. Ezequiasasti sarakïnwa: —Babilonia uka jaya markat jutapxatayna —sasa.

Isaías 52:1

¡Jerusalén marka, sartasim! ¡Wali ch'amampi sayt'asim! Jerusalén, qullan marka, suma isinakamampi isthapisim, Diosar jan uñt'ir ñanqha jaqinakaxa, janiw mayampsa jumar tukjirix jutkxapxaniti.

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 14:9

¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Jeremías 2:5

Tatitux jumanakarux sapxtamwa: “Janiw kuna jan walsa nayra awkinakamarux lurkti, ukatsipana, jupanakaw nayat jithiqtawayapxi. Jan kunatak inamaya diosanakaruw yupaychapxi, jupanakas ina ch'usaruw tukupxaraki.

Jeremías 27:10

Kuntix jupanakax jumanakar sapktam ukanakax k'arikamakiwa, jumanakatix jupanakar ist'apxäta ukkhasti, yaqha markanakar katuntat apayatäpxätawa, uka markan jiwarapxarakïta.

Jeremías 31:6

Mä uruw purinini, kunapachatix marka uñjirinakax Efraín qullunakan arnaqasipkani: ‘Jutapxam, Jerusalén markar sarapxañäni, ukansti, Tatitur yupaychapxañäni’ ” sasa.

Jeremías 32:30

Qalltatpach Israelankirinakampi Judá markankirinakampix kunatix nayatak jan walïki ukanak lurapxirïna; israelitanakasti jupanakan lurat diosanakampiw ñanqhachapxitäna. Naya, Tatituw uk arsta.

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Jeremías 8:20

Ch'uxña pachax tukusxiwa, achunak apthapiñas tukusxiwa, jiwasatakisti janiw qhispiyasiñax utjkxiti.

Jeremías 9:16

16 (15) Ukatsti kawkïr markanaktix awkinakapasa, jupanakasa jan uñt'apki uka markanakaruw ananukurakï; espadas ayt'ataw jupanakar arknaqayä, taqinin jiwarañapkama.”

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Joel 2:32

32 (5) Khitinakatix Tatitun sutipar art'askani ukanakaw jiwañat qhispipxani, Sión qulluna, Jerusalén markana qhispiyasiñax utjani, Tatitun arsutaparjamaw phuqhasini. Khitinakarutix Tatitux ajlliskatayna ukanakax jakasipkaniwa.

Abdías 1:17

Ukampis Sión qullux mä qullana chiqawjäniwa, ukaruw yaqhipanakax jaltxapxani. Jacobun wawanakapasti uraqinakap wasitat kutkatayasxapxani;

Miqueas 4:9

Jichhasti, ¿kunatarak wawachasiñatak usuyasiskir warmjam warartasti? ¿Janit reyimax juman utjkxi? ¿Jan ukax amuyt'ayirinakamach jiwarxi ukatti jachta?

Sofonías 3:15

Tatituw juchanakamat mutuyatäñxa apaqtam, uñisirinakamarus jaqunukurakiwa. Israel markan Reyipa Tatituw, juma taypinkaski; janiw kunat axsarañamas utjañapäkxiti.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Deuteronomio 31:17

Ukampis q'apisiñaxaw jupanakatak aqtani, jupanakarusti apanukurakïwa; janiw kunatakis jupanakat amtaskäti, jan walt'añanaka, llakisiñanak jupanakxar apayanï, ukat jupanakax sapxani: ‘¿Tatit Diosasasti janit jiwasampïkxpacha, ukatti aka t'aqhisiñanakan jikxataspachätansti?’ sasa.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa: