Jeremías 7:8 - Qullan Arunaka DC

⁸ “ ‘Jumanakax k'ari arunakarukiw iyawsapxtaxa, uka arunakasti janiw kunatakis jumanakatak askïkiti.

Aymar Bibliia 1986

⁸ “Jumanacajj c'ari arunacaruquiw iyawsapjjtajja, uca arunacasti janiw cunataquis jumanacataquejj walïquiti.

Qullan Arunaca

⁸ “Jumanacajj c'ari arunacaruquiw iyawsapjjtajja, uca arunacasti janiw cunataquis jumanacataquejj walïquiti.

Jeremías 7:8 Jak'a apnaqawi uñst'ayäwi

Isaías 28:15

Jumanakax sapxtawa: “Jiwañampix arust'astanwa, jiwatanakan utjäwipampis arust'asiraktanwa, kunapachatix uka jach'a jan walt'añax jutkani ukkhaxa jiwasanakarux janiw katuntkistaniti; k'arisiñanakxaruw imantastanxa, sallqjasiñanakxaruw imantasiraktanxa” sasa.

Isaías 30:10

Unañchäwi uñjirinakarusti sapxiwa: “Uka unañchäwinak jan uñjapxamti”, profetanakarusti sapxarakiwa: “Chiqa yatiyäwinak katuqapktas ukanak jan yatiyapxistati, jan ukasti suma quña arunakak parlt'apxita; janirak kusisiñanakaxsa apaqapxistati.

Isaías 59:4

Janiw khitis aski amtampix jucha taripir nayraqataparux uñstkiti, jucha t'aqaña chiqanakansa janiw chiqapar uñjañax utjkiti. Jan ukasti k'ari arunakaruw jaysapxi, janirakiw khitis chiqap arskiti. Ñanqha lurañampi phuqhantatäpxiwa, ukham tukutapunïpxiwa.

Jeremías 13:25

Israel, ukaw jichhax juman tukuyamaxa, ukarak nayat katuqañ muntaxa. Naya, Tatituw uk arsta. Nayatsti armasxistawa, k'ari diosanakaruw iyawsaraktaxa.

Jeremías 23:26

¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 28:15

Ukapachaw Jeremías profetax Hananías profetar säna: —¡Hananías, aka arunak ist'am! Tatitux janiw jumar khithanktamti, jumasti aka markarux k'ari suyt'äwi arunak yatiyasktaxa.

Jeremías 4:10

Ukat naya Jeremiasax sista: “Tatay, ¿kunatarak Jerusalenankir jaqinakar sallqjtasti? Suman sarnaqasiñaw utjani sarakïyätasä, jichhasti jiwañakirakis muyuntxixä” sasa.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 7:4

K'arinak parlirinakarux jan alkatapxamti, khitinakatix sapki: ¡Tatitun utapaw akanki, Tatitun utapaw akanki! sasa.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.