Jeremías 7:4 - Qullan Arunaka DC

⁴ K'arinak parlirinakarux jan alkatapxamti, khitinakatix sapki: ¡Tatitun utapaw akanki, Tatitun utapaw akanki! sasa.

Aymar Bibliia 1986

⁴ Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Qullan Arunaca

⁴ Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Jeremías 7:4 Jak'a apnaqawi uñst'ayäwi

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

Isaías 48:2

Jerusalén markan jakasirïtwa sistawa, Israelan Diosaparuw iyawsta, sutipasti taqi ch'amani Tatituwa, saraktawa.

Isaías 59:4

Janiw khitis aski amtampix jucha taripir nayraqataparux uñstkiti, jucha t'aqaña chiqanakansa janiw chiqapar uñjañax utjkiti. Jan ukasti k'ari arunakaruw jaysapxi, janirakiw khitis chiqap arskiti. Ñanqha lurañampi phuqhantatäpxiwa, ukham tukutapunïpxiwa.

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Jeremías 28:15

Ukapachaw Jeremías profetax Hananías profetar säna: —¡Hananías, aka arunak ist'am! Tatitux janiw jumar khithanktamti, jumasti aka markarux k'ari suyt'äwi arunak yatiyasktaxa.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 29:31

“Taqi khitinakatix uka jaya markar apanukutäpki ukanakarusti akham sasa iwxt'am. Naya, Tatituw arsta: Niyakixay Nehelam chiqankir Semaías jaqix nayan sutixar ukham sasa parlxayapxstamxa, nayasti janiw juparux uka k'ari arunak parlañapatak khithankti, jumanakarux uka k'ari arunakaruw iyawsayapxtam.

Jeremías 6:14

Markaxan chhuxrinakapsti patatak qullañ munapxi; taqi kunas walikïskiw sapxiwa, ukampis taqi kunas jan walipuniwa.

Jeremías 7:14

Ukat jichhax, kuntix Siló chiqan qullan utaxampi lurkta, ukhamarakiw jichhax aka nayar luqtata utaxampix lurä, aka utsti jumanakampiru nayra pacha awkinakamampiruw churta, jumanakasti uka utaruw wal alkatasipxaraktaxa.

Ezequiel 13:19

Jumanakax mä jach'i cebada layku, mä jisk'a t'ant'a laykukiw nayarux markax nayraqatan jisk'achapxista; jan juchan jaqinakaruw jiwarayapxtaxa, khitinakatix jiwapxañapäkän ukanakarusti janiw jiwayapktati. Jumanakax ukham nayan markaxarux sallqjapxtaxa, jumanakan k'ari arunakamar jaysapxatap layku.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Sofonías 3:11

Uka urunsti, nayan Jerusalén markaxa, naya tuqi sayt'asitamatxa, kunayman luratanakampi nayar qallkatatamat janiw p'inqaskxätati, nayaw uka jach'a jach'a tukuri jaqinakarux juma thiyat apaqxäma, ukatsti nayan qullan qulluxanxa, janiw mayampis jach'a jach'a tukxätati.

Lucas 3:8

Sum sarnaqapxam, Tatitur kutikipstanipxatam qhanpach uñacht'ayapxam, ukatsti janirak jumanakkamax sapxamti: ‘¡Nanakax Abrahaman wawanakapäpxtwa!’ sasa; sapxaraksmawa, Diosax aka qalanakatsa Abrahaman wawanakap utjayakispawa.