Jeremías 7:32 - Qullan Arunaka DC

³² Ukatpï jichhax naya, Tatitux arstxa, akat qhiparusti uka chiqarux janiw Tófet siskxapxaniti, janirakiw Ben-hinom Qhirwa siskxapxanisa, jan ukasti, Jiwarayañ Qhirwa sasaw sutichxapxani. Jan juk'ampi uraqix amayanak imañatak utjatapatxa, Tófet chiqaruw jiwatanakarux imapxarakini.

Aymar Bibliia 1986

³² Ucatwa jichhajj naya Tatitojj arsta, mä uruw purinini, cunapachatejj uca chekarojj janiw Tofet, Valle de Ben-hinom siscjjapjjaniti jan ucasti Jiwarayañ Valle sasaw sisjjapjjani. Tofet chekanwa jiwatanacarojj imjjapjjaraquini, jan juc'ampi orakejj imañataqui utjcjjatapata.

Qullan Arunaca

³² Ucatwa jichhajj naya Tatitojj arsta, mä uruw purinini, cunapachatejj uca chekarojj janiw Tofet, Valle de Ben-hinom siscjjapjjaniti jan ucasti Jiwarayañ Valle sasaw sisjjapjjani. Tofet chekanwa jiwatanacarojj imjjapjjaraquini, jan juc'ampi orakejj imañataqui utjcjjatapata.

Jeremías 7:32 Jak'a apnaqawi uñst'ayäwi

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

Jeremías 19:11

ukatsti sarakim: ‘Taqi ch'aman Tatitux akham siwa: Aka markampiru, markachirinakapampirux jisk'a jisk'a tukjarakï, kunjämatix mä jaqix uma wayucha jisk'a jisk'a t'unjki ukhama, uka wayuchsti janiw khitis askichkxaspati. Jaqinakasti jiwatanakapxa Tófet sata chiqan imasipxani, jan juk'ampi yaqha chiqax imañatak utjkxatap layku.

Jeremías 19:13

Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Jeremías 19:2

Ukatsti Ben-hinom satäkis uka qhirwar saram, Jik'illita Punku sata uka uñkatasiru, ukansti kuna arunaktix nayax siskäma uka arunak yatiyam.

Jeremías 19:6

Ukat jichhax aka chiqax jan juk'ampi Tófet satäkxaniti, janirakiw Ben-hinom satäkxanisa, jan ukasti, Jiwarayañ Qhirwa satäxaniwa. Naya, Tatituw uk arsta.

Jeremías 31:40

Kawkharutix jiwatanakax imatäki, qhillas wartatäkaraki, Cedrón jawira patanaka, inti jalsu tuqin Caballonakan punkupa satäki taqi ukanakax nayar katuyatkamakïniwa, taqi uka chiqanakasti janipuniw mayampis t'unjatäkxaniti” sasa.

Jeremías 7:31

Ben-hinom qhirwansti Tófet sat nina phichhaña chiqaruw altar wakichapxi, ukan imill wawarusa jan ukax yuqall wawarusa phichhantapxi, nayasti janipuniw jupanakarux ukanak lurapxam siskti, janirakiw amtäwixansa ukanakax utjkänti.

Ezequiel 6:4

Kawkïr altaranakantix jumanakax wilañchanak luqtasipkta, inciensonaksa nakhayasipkta ukanak q'al tukjä, jaqinakaparusti pachpa diosanakap nayräxaruw jiwarayarakï.

Levítico 26:30

Nayaw jumanakan yaqha diosanakar yupaychañ altaranakam t'unthapï, incienso luqtañ altaranakamsa payaruw jaljtayä, jumanakan jiwat janchinakamsti diosanakam patxaruw liwxatä, ukatsti nayan jumanakar axtasitax uñacht'ayapxarakïma,