Jeremías 6:8 - Qullan Arunaka DC

⁸ Jichhax Jerusalén wanimaya, jan ukasti nayax jumat mayjt'ataw sarxä, mä ch'usa wasararuw tukuyäma, jan jaqin jaytarakïma.”

Aymar Bibliia 1986

⁸ Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Qullan Arunaca

⁸ Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Jeremías 6:8 Jak'a apnaqawi uñst'ayäwi

Salmos 2:10

Aka uraqinkir reyinaka, amuyt'asipxam, ¡aka yatichäwinak sum yatiqapxam!

Salmos 50:17

nayampi jan chiqachayasiñ munkasasa, arunakaxarus jan jayskasasa?

Salmos 94:12

Tatay, juman yatichat jaqix kusisiñaniwa, kamachi arunakam yatichat jaqix kusisiñaniwa,

Proverbios 19:20

Iwxa arunakar ist'am, chiqachäwi arunaksa katuqasirakim; ukhamat amuyt'asir jaqir tukuñamataki.

Proverbios 4:13

Yatichäwinak sum katxarusim, jan apanukumti; uka yatichäwirjam sarnaqam, ukaw jakañamaxa.

Jeremías 17:23

Ukampis jupanakax janiw nayarux ist'apkitänti, janirakiw jaysapkitänsa, jan ukasti jupanakax qala chuymanïpxänwa, janiw nayar ist'añ munapkitänti, janirakiw yatiqañsa munapkänti.

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 31:19

Nayaw jumat jayarst'awayta, ukampis jichhax walpun amtta; juchax uñt'asta, ukat chuymax liq'ista; wayna kankañaxan jucha lurataxatxa, p'inqachata, jisk'achjataw uñjasta.’

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 7:28

Sarakim: ‘Aka markax janiw Tatitu Diosaparux jaysañ munkiti, janirakiw chiqachayasiñsa munkiti. Chiqa chuymampi sarnaqañasti janiw utjkxiti’ ” sasa.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Ezequiel 23:18

Ukhamasti taqin uñjkataw uka jan wali lurañanakarux katuyasxäna, q'alala janchip uñacht'ayasa, nayasti jupat axtasxtwa, kunjämtix kullakapat axtaskäyät ukhama.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Oseas 9:12

Wawanakapar uywasipkchini ukasa, uka wawanakap jan mayan aparäxa. ¡Jupanakar apanukkä ukapachaxa, kunakïkani aka jaqinakatxa!

Levítico 26:34

Ukhamasti uraqix ch'usa wasarar tukuta uñjasitäñapkamax samaraniwa, ukkañkamasti jumanakax uñisirinakaman markapan jakapxäta, uka uraqix nayrax janiw samarkataynati ukat jichhax samarani.

Sofonías 3:7

Ukat sista: ‘Jerusalén markax axsartitaniwa, iwxa arunakaxsa ist'arakitaniwa; mutuyatäñapax janiw wakiskxaniti, janirakiw utanakapas t'unjatäkaniti.’ Ukampis jupanakax jank'akiw kunayman juchanak lurañanakar puripxaraki.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.