Jeremías 6:4 - Qullan Arunaka DC

⁴ Uñisirinakapasti sapxarakiwa: “¡Jerusalenampi jichhax nuwasiñäni! ¡Jutapxam, chika urunpach jalxatapxañäni! Ukampisa, ¡llakiskañawa! Jayp'üxiwa, ch'iwis saraqanxarakiwa.

Aymar Bibliia 1986

⁴ Uñisirinacapasti sapjjaraquiwa: “¡Sionampi jichhajj nuwasiñäni! ¡Jutapjjam, chica urunpacha nuwantapjjañäni! Ucampisa, ¡llaquiscañawa! Jayp'öjjewa, ch'iwis sarakanjjaraquiwa.

Qullan Arunaca

⁴ Uñisirinacapasti sapjjaraquiwa: “¡Sionampi jichhajj nuwasiñäni! ¡Jutapjjam, chica urunpacha nuwantapjjañäni! Ucampisa, ¡llaquiscañawa! Jayp'öjjewa, ch'iwis sarakanjjaraquiwa.

Jeremías 6:4 Jak'a apnaqawi uñst'ayäwi

Job 7:2

t'aqhisiyat uywat jaqir uñtat ch'iwinkañ munasa, irnaqir jaqir uñtat qullqi iraqasiñ suyasa.

Cantar de los cantares 2:17

Nayan munasitaxay, uru janïr tukuskipana, janïr chhapthapkipan kutt'anxam; tarujar uñtata, taruj qallur uñtatay, quntu patanakanjam t'iskunxam.

Jeremías 15:8

Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Jeremías 15:9

Walja wawanakan taykanakasti, jan ch'amaniw liwirtapxi; p'inqachata, jisk'achjataraki, lupi qhanasa jupanakatakix ch'amakt'xiwa. Jupanakat yaqhipanakatix jakasipkani ukanakaruxa, uñisirinakapampiw jiwarayarakï. Naya, Tatituw uk arsta.”

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 6:23

Jupanakasti mich'inak antutt'añanakampi, espadanakampi wakicht'asitäpxiwa; sinti qhuru jaqinakäpxiwa, janiw khuyapt'ayasiñ chuymanïpkiti; arnaqasitanakapasti jach'a qutan qhuthutitapjamawa, caballonakar lat'xatatkamaw jutantapxi. Jerusalén markampi nuwantasiñatakix jank'akïpxarakiwa” sasa.

Jeremías 8:20

Ch'uxña pachax tukusxiwa, achunak apthapiñas tukusxiwa, jiwasatakisti janiw qhispiyasiñax utjkxiti.

Joel 3:9

9 (9) Markanakarusti akanak yatiyapxam: ¡Ch'axwañatak wakicht'asipxam! ¡Wali ch'aman jaqinakar jawsapxam! ¡Ch'axwanakan nuwasir jaqinakasti jutapxpan, jupanakaw nuwasir sarapxani!

Abdías 1:1

Tatitux mä unañchäwi tuqiw Abdías profetar yatiyäna. Tatitun mä yatiyäwip ist'apxta; mä yatiyiriw markanakar yatiyir sari: “¡Sartasipxam! ¡Edom markar nuwantir sarañäni!” sasa. Tatitusti Edom markarux siwa:

Miqueas 3:5

Profetanakan sallqjatap laykusti, markaxax pantjat thakhinakanjam saraski, khitinakatix jupanakar manq'ayki ukanakaruxa, uka profetanakax suman sarnaqasiñ yatiyi, manq'añ jan churki ukanakarusti “nuwantasiñäni” sapxarakiwa. Tatitusti uka profetanakarux siwa:

Sofonías 2:4

Gaza markasti ch'usa wasarar tukuyatäniwa, Ascalón markasti q'ala t'unjatarakïniwa; Asdod markan jakirinakasti urpachaw jaqunukut uñjasipxani, Ecrón markankirinakasti saphitpach jik'inukutarakïniwa.