Jeremías 6:26 - Qullan Arunaka DC

²⁶ ¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Aymar Bibliia 1986

²⁶ ¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Qullan Arunaca

²⁶ ¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Jeremías 6:26 Jak'a apnaqawi uñst'ayäwi

Génesis 21:16

jupasti ukkhata jaya chiqar qunt'asiriw sarxäna wawapar jiwir jan uñjañ munasa. Kunapachatix jupax qunt'asxän ukkhasti, wawax walpun jachañ kalltäna.

Job 15:21

Axsarayir uxutanak ist'apuni; sumak samart'asiski ukapachaw lunthatanakas jalxati.

Job 2:8

Ukat Job chachax qhilla taypir qunur saräna, ukatsti ñiq'i phukhu p'akit jik'illitampiw janchip jat'isïna.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 22:4

Ukat sistxa: Nayat jithiqtapxam, chuymas kawkst'ataw jachañ munta; markaxan aynacht'atapatsti jan chuymachapxistati.

Isaías 3:24

“Jerusalén markankir warminaka, jichhürux suma q'apkir qullampi q'aphichatäpxtawa, qharürusti axtañ q'aphinakjamaw q'apipxäta; jichhürux suma wak'anakampi wak't'atäpxtawa, qharürusti wiskanakampi wak't'atakïpxätawa; jichhürux suma isinakampi isthapitäpxtawa, qharürusti thantha isinakamp isthapitakïxapxätawa; jichhürux jiwa uñnaqt'anïpxtawa, qharürusti ajanumax t'irikamakïniwa; jichhürux ñik'utamas ukkha sum k'anthapt'asitäpxtawa, qharürusti jan ñik'utaniw uñjasipxätaxa.”

Isaías 30:13

ukatpï, jumanakax juchanïpxtaxa. K'ak'at jach'a pirqar uñtatäpxtawa, uka pirqasti akatjamat liwisini;

Isaías 32:11

Jumanaka, jan yäqasir warminaka, jan kunat llakt'asir warminaka, jichhax khathatiñ qalltapxam. Uka isinakam apsusipxam, chhankha isinakamp isthapisipxam, ukhamat t'aqhisipxatanakam uñacht'ayapxäta.

Jeremías 12:12

Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 14:17

Jupanakarusti sarakim: ‘Nayranakaxatxa, jachanakax uruy aruma jan t'akt'as warasitpan, markaxan aynacht'atap layku, jach'a chhuxrip layku.

Jeremías 15:8

Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Jeremías 18:22

Jupanakan ukarusti akatjamat mä tama lunthat jaqinak khithanim; ¡axsarañatsa jach'at wararipxpan! Nayatak mä p'iya allipxatap layku, saräwinakaxar sipitanak uskupxatap layku.

Jeremías 30:5

Tatitux akham siwa: “¡Axsarañat warariñanakaw ist'asi, axsarañat mayjt'asiñanakampi!

Jeremías 4:11

Mutuyañ pachax purinkani ukkhasti, Jerusalén markarux satarakïniwa: “Wasar tuqit mä junt'u thayaw thayt'ani, ukasti markax tuqiruw thayt'ani. Uka thayax janiw trigo khuyuñatak suja thayäkiti;

Jeremías 4:20

Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.

Jeremías 4:8

Jichhasti, chhankha isinakampi isthapisipxam, jachapxam, usuyasiñatsa ayqupxarakim, Tatitun aqkiri phiñasiñapasti janiw jiwasat jithiqtkiti” sasa.

Jeremías 6:14

Markaxan chhuxrinakapsti patatak qullañ munapxi; taqi kunas walikïskiw sapxiwa, ukampis taqi kunas jan walipuniwa.

Jeremías 8:19

Markaxan ayqutanakapasti taqi chiqan ist'asi: “¿Janit Tatitux Jerusalén markankxpacha? ¿Janit reyipas ukankxpacha?” sasa. Tatitusti sarakiwa: “¿Kunatsa nayarux ñanqha lurapxista, yaqha diosanakar yupaychasaxa?”

Jeremías 8:21

Markaxan t'aqhisitapampi chikaw t'aqhisirakta; llakisiñampi, axsarañampiw nayarux muyuntitu.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Jeremías 9:10

10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Lamentaciones 1:16

Taqi ukanakasti nayaruw jachayitu. Nayraxasti jachampi phuqhantatawa, janiw nayar khiti chuymachiris utjkiti, nayar khiti ch'amañchiris utjkarakiti. Wawanakaxasti t'unjat pirqanak taypin qhiparapxi, uñisirinakaxax nanakat sipansa juk'amp ch'amaniwa.

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Lamentaciones 2:11

Jachkäwisa nayrax usxituwa, chuymas llakisiñat phallañjamak munxitu; jan ch'amaniw uñjasta jaqinakaxan markap t'unjat uñjasa, ñuñuskir wawanakar manq'atjama jiwaraskir uñjasa.

Lamentaciones 3:16

Laka ch'akhanakaxsa uraqir liwnuqasaw williritu; laq'a jallq'ayarakitu.

Lamentaciones 3:48

Nayranakaxatsti jachax jawir umjamaw jalaritu, nayan munat markaxa t'unjat uñjasaxa.

Lamentaciones 4:10

¡Jerusalén markax q'ala t'unjataw uñjasi! Suma munasir taykanakas pachpa wawanakaparuw phayantasxapxi, ukhamat manq'atäpxañapataki!

Lamentaciones 4:3

Qamaqinakas qallunakaparux ñuñt'ayasipxapuniwa, ukampis israelita qhuru taykanakasti, wawanakaparux apanukupxiwa.

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Amós 8:10

Phunchhäwi urunakamxa jiwatanakat jachañaruw kipstayä, q'uchutanakamasti, amaya imäwi llakinakaruw tukuyarakï; llaki isimpirakiw isthapisiyapxäma, llakisiñat p'iqinakam q'ararasipxäta. Sapa yuqall wawap jiwayasir jaqir uñtataw jachapxäta, taqi kunaw jachañar tukuni.

Jonás 3:6

Nínive markan reyipax uka yatiyäwinak ist'käna ukapachasti, qunuñapat sartasin suma isinakap apsusisax chhankha isinakampiw isthapisïna, ukatsti qhillxaruw qunt'asirakïna.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Lucas 7:12

Marka jak'ar purkipansti, mä jiwatar imt'anxañatak kallasipkir uñjäna, uka jiwatax mä ijma warmin sapa yuqall wawapänwa. Markatsti walja jaqinakaw jupamp chika sarapxäna.

Santiago 4:9

¡Llakthapisipxam, jachapxam, wararipxam! Larutamax jachañar kipstpan, kusisiñamasti llakisiñar kipstarakpan!

Santiago 5:1

¡Qamirinaka, aka arunak ist'apxam! ¡Jachapxam wararipxarakim kuna chijinakatix jumanakxar jutkan ukanakata!