Jeremías 6:23 - Qullan Arunaka DC

²³ Jupanakasti mich'inak antutt'añanakampi, espadanakampi wakicht'asitäpxiwa; sinti qhuru jaqinakäpxiwa, janiw khuyapt'ayasiñ chuymanïpkiti; arnaqasitanakapasti jach'a qutan qhuthutitapjamawa, caballonakar lat'xatatkamaw jutantapxi. Jerusalén markampi nuwantasiñatakix jank'akïpxarakiwa” sasa.

Aymar Bibliia 1986

²³ Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Qullan Arunaca

²³ Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Jeremías 6:23 Jak'a apnaqawi uñst'ayäwi

Isaías 10:32

Uñisir asirionakasti jichhürpachaw Nob siski uka chiqar sayt'apxi; Sión qullur nuwantañatakiw wakicht'asipxi, kawkïritix Jerusalén markäki ukaru.

Isaías 13:18

Waynanakarux mich'inakapampiw jiwarayani. Asu wawanakatsa janiw khuyapt'ayasipkaniti, jisk'a wawanakatsa janirakiw khuyapt'ayasipkaniti.

Isaías 17:12

¡Ist'apxam, walja jaqinakan ch'axwatapax jach'a qutan qhuthutitapjamawa! Markanakax jach'at uxupxi jach'a jawiran qhuthutitapjama.

Isaías 19:4

Ukampis nayax Egiptorux mä qhuru reyiruw jupanakar apnaqañapat katuyä.” Ukham siwa taqi ch'aman Tatituxa.

Jeremías 25:32

Taqi ch'aman Tatitusti siwa: “Mä markat mä markaruw t'aqhisiñax purinini; aka uraqi tukusitxa, mä jach'a thayaw sarti.”

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 30:14

Jumar munir markanakax apanuktamwa; janiw jumat amtaskxapxiti. Nayaw jumarux ukham chhuxriñchsma, uñisirimäkiristsa ukhama, walja jach'a juchanak luratamatxa, jan khuyapt'ayasisaw mutuyäma.

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Jeremías 4:16

“Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 4:29

Caballonakar lat'xatat jutapki, mich'inakap apt'at jutapki ukanakan arnaqasitaparusti, taqi jaqinakaw jalakamak chhuksuwayxapxi; ch'uminak taypiruw imantasipxi, qarqanakaruw jat'stapxaraki. Taqi markanakasti q'ala apanukutawa; janirakiw mä sapa jaqis ukanakan jakkxiti.

Jeremías 5:16

Jupanakax jan axsarir nuwasir jaqinakawa, mich'inakap antutt'apxi ukkhasti, maynirus jiwayapxapuniwa.

Jeremías 50:41

“Amsta tuqinkir jaya markanakatpacha, mä jach'a ch'amani markaw jutantaski jupa chikasti walja reyinakaw jutantapxaraki.

Jeremías 50:42

Mich'inak antutt'añanakampi, lanzanakampi wakicht'ataw jutantapxi; jan khuyapayasir qhuru jaqinakäpxiwa, arnaqasitanakapasti quta qhuthutinakjamawa, caballonakar lat'xatatkamakiw jutantapxi. Babiloniar nuwantañatakis jank'akïpxarakiwa.

Jeremías 6:4

Uñisirinakapasti sapxarakiwa: “¡Jerusalenampi jichhax nuwasiñäni! ¡Jutapxam, chika urunpach jalxatapxañäni! Ukampisa, ¡llakiskañawa! Jayp'üxiwa, ch'iwis saraqanxarakiwa.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Deuteronomio 28:49

Diosasti wali jayankir uraqit jumar uñisir marka sartayani, juman jan uñt'at markat jutani, janiw jupanakan parlapsa yatktati. Uka jaqinakax jank'akiw nuwantasiñ yati, jaltir pakalir uñtata;