Jeremías 6:22 - Qullan Arunaka DC

²² Tatitux siwa: “Amsta jaya uraqinakatpach mä ch'aman markax jutantañatak wakichasiski.

Aymar Bibliia 1986

²² Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Qullan Arunaca

²² Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Jeremías 6:22 Jak'a apnaqawi uñst'ayäwi

Nehemías 1:9

ukampis nanakatix jumar makhatxapxirisma, ukatsti kamachi arunakamar phuqhasa sarnaqapxarakirist ukaxa, kawki aka uraqi thiyakam jaqunukut uñjaskasasa, ukkhatpach wasitat apthapipxitasma, juman chhijllat qullan chiqaruw wasitat irpapxarakitasma, kawkhantix sutimax jakkani ukkharu.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 13:20

Uñatatapxam, kunjämtix uñisirinakax amsta tuqit jutantki uka. ¿Kawkinkis nayax katuyksma uka tamaxa, kawkïr tamattix jumax jach'a jach'a tukkäyäta ukaxa?

Jeremías 25:32

Taqi ch'aman Tatitusti siwa: “Mä markat mä markaruw t'aqhisiñax purinini; aka uraqi tukusitxa, mä jach'a thayaw sarti.”

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 30:5

Tatitux akham siwa: “¡Axsarañat warariñanakaw ist'asi, axsarañat mayjt'asiñanakampi!

Jeremías 4:16

“Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 4:6

Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 47:2

“Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

Jeremías 5:15

Tatitux siwa: “Israelitanaka, jayat jutir marka jumanakatak apayanï, wali ch'aman marka, nayratpach utjir marka. Jumanakax parlap janiw yatipktati, kuntix sapki uksa janiw amuyt'apkaraktati.

Jeremías 5:16

Jupanakax jan axsarir nuwasir jaqinakawa, mich'inakap antutt'apxi ukkhasti, maynirus jiwayapxapuniwa.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Ezequiel 23:22

Ukatpï naya, Tatitux sistxa: Uka munirinakamarux, khitinakattix jichhax axtaskxta, ukanakarux juman uñisirinakamaruw tukuyä. Taqi tuqit jumar jan walt'ayañatakix jutapxani,

Habacuc 1:6

Babiloniankirinakaruw nuwantapxañapatak sartayä, jupanakasti wali qhuru jaqinakäpxiwa, uksarus aksarus sarantañatakix wakicht'atakïsipkiwa, kawkïr uraqinakatix jan jupanakankki ukanak katuntasiñataki.

Deuteronomio 28:49

Diosasti wali jayankir uraqit jumar uñisir marka sartayani, juman jan uñt'at markat jutani, janiw jupanakan parlapsa yatktati. Uka jaqinakax jank'akiw nuwantasiñ yati, jaltir pakalir uñtata;