Jeremías 6:21 - Qullan Arunaka DC

²¹ Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Aymar Bibliia 1986

²¹ Ucatwa Tatitojj saraqui: “Aca marcarojj ch'anktasiyäwa, liwisiyaraquïwa. Awquinacasa, wawanacasa, uta jac'anacasa, amigonacasa, takeniw mayaqui jiwarapjjani” sasa.

Qullan Arunaca

²¹ Ucatwa Tatitojj saraqui: “Aca marcarojj ch'anktasiyäwa, liwisiyaraquïwa. Awquinacasa, wawanacasa, uta jac'anacasa, amigonacasa, takeniw mayaqui jiwarapjjani” sasa.

Jeremías 6:21 Jak'a apnaqawi uñst'ayäwi

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Isaías 8:14

Jan ukhamäkanisti, jupaw jumanakatakix mä sipitar uñtat ch'anqtasiñ qaljamänixa, uka qalasti paypach Israelan markanakaparuw tinkuyani, Jerusalén markan utjirinakarus mä sipitjamarakiw liwisiyani.

Isaías 8:15

Waljaniw liwisipxani, tinkupxani, jiwarapxarakini, waljaniw uka sipitarux jalt'apxani, uka sipitan katuntataw uñjasipxani.”

Jeremías 13:14

Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Jeremías 18:21

¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 18:23

Ukampis Tatay, jumaw taqi amtatanakap yatta, nayar jiwayañatak amtapki ukanaka. ¡Ñanqha luratanakapat jan pampachamti, jucha luratanakapsa janirak armamti! ¡Juma nayraqatar tinkurayam, jach'a phiñasiñampi mutuyarakim!

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Ezequiel 3:20

Ukhamarakiw utjaspa, mä aski jaqix uka aski kankañap apanukxas jan walinak luraspa, nayas juparux jan walt'añar nukt'irista; ukampis jumatix uka jaqir jan amuyt'aykätaxa, uka jaqix jiwaniwa. Nayatakisti uka aski luratapax janiw kunäkanisa, jupax juchap laykuw jiwani, uka jaqin jiwatapatsti jumaruw wayt'äma.

Ezequiel 5:10

Jumanak taypinsti awkinakax pachpa wawanakaparuw manq'antasipxani, wawanakasti awkinakaparuw manq'antapxarakini. Jumar juchañchañatak arsutaxsti phuqhapunïwa, jilt'iri jaqinakarusti taqi tuqiruw ananukurakï.

Levítico 26:37

nuwasiñatsa jaltxapkasma ukhamaw jan khitin arknaqat jumanakkam liwirtapxäta; ¡jumanakatsti janipuniw khitis uñisirinakapar saykatirjamäkaniti!

Romanos 11:9

Davidasti sarakïnwa: “Jach'a manq'äwinakapax jupanakatak sipitar tukpan, ukhamat lanktasisax mutuyatäpxañapataki.

Romanos 9:33

kamisatix Qillqatan siski: “Nayax Jerusalén markan mä qala uskta, uka qalaruw lanktasipxani; uka qalar iyawsirinakasti janiw sallqxatäpkaniti” sasa.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.