Jeremías 6:17 - Qullan Arunaka DC

¹⁷ Tatitusti uñjirinak usku, markarusti sarakiwa: “Kuna unañchäwtix churapkäma uk sum amuyapxam” sasa. Ukampis markax siwa: “Janiw nanakax ist'apkäti” sasa.

Aymar Bibliia 1986

¹⁷ Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Qullan Arunaca

¹⁷ Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Jeremías 6:17 Jak'a apnaqawi uñst'ayäwi

Isaías 21:11

Tatitux Isaías profetaruw uñacht'ayäna kuntix Edom markar lurkani ukxata, uka uñacht'äwi tuqiw uka markatpach maynir arnaqasinir ist'äna: “Isaías, ¿Kuna pachas nanakan t'aqhisiñanakaxax tukusxani?” sasa.

Isaías 56:10

markaxar uñjirinakax juykhur tukutäpxiwa, janiw kunankatsa amuyasipkiti. Taqi jupanakasti jan wajtir anunakjamäpxiwa, ukat jan wajtasiñsa yatipkarakiti; sapürus liwirtasakiw ikirasipki, ikt'añak munasipki.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Isaías 62:6

Jerusalén, pirqanakamarusti uñjirinak uchta, jupanakasti uruy arumaw sapxi: “Tatitur yupaychirinakax jan amukt'apxamti,

Jeremías 18:12

Jupanakasti sapxarakïtamwa: ‘¡Jan inamay parlkamti! Nanakax kunjämarutix munapkta ukhamaruw sarnaqasipkä, chuymanakaxan jan wali amtatanakaparuw arkasipkarakï’ ” sasa.

Jeremías 25:4

Tatitux jumanakarux mayamp mayampi profetanakap khithanipxtam, ukampis jumanakax janiw ist'apktati, jupanakan parlatanakaparus janiw ist'añ munapkäyätati, janirakiw phuqhañsa munapkäyätati.

Jeremías 6:18

Ukatpï jichhax Tatitux sixa: “Markanaka, ist'apxam, kunanakatix markaxampi luraskani ukanak yatipxarakim.

Jeremías 7:28

Sarakim: ‘Aka markax janiw Tatitu Diosaparux jaysañ munkiti, janirakiw chiqachayasiñsa munkiti. Chiqa chuymampi sarnaqañasti janiw utjkxiti’ ” sasa.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Ezequiel 3:7

Ukampisa, Israel markax janiw jumar ist'añ munkätamti, nayar jan ist'añ munatap layku. Taqi Israel markax k'ullu, jan amuyt'asirïpxiwa.

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Habacuc 2:1

Jichhax wali p'arxtataw uñch'ukï, kunjämatix pirqa patat uñch'ukirix uñch'ukki ukhama, Dios Tatitux kamsitanis nayan arsusitaxarux uk yatiñataki.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Zacarías 7:11

Ukampis markax janiw kun ist'añsa munkiti. Taqiniw kutiqtawayxapxi, uqaraw tukupxaraki.

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.