Jeremías 6:14 - Qullan Arunaka DC

¹⁴ Markaxan chhuxrinakapsti patatak qullañ munapxi; taqi kunas walikïskiw sapxiwa, ukampis taqi kunas jan walipuniwa.

Aymar Bibliia 1986

¹⁴ Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Qullan Arunaca

¹⁴ Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Jeremías 6:14 Jak'a apnaqawi uñst'ayäwi

2 Samuel 17:3

ukatsti jank'akiw markpachar jumamp sumankthapiyä, kamisatix jichhaki jaqichasir warmix chachapamp sumankthapki ukhama. Jumax mä jaqin jiwañapak thaqhasktaxa; ukatsti taqpach markaw sumankxapxani —sasa.

Isaías 1:6

Kayumat qalltasin p'iqikamax janiw kawkhas k'umaräkxiti; taqpach janchimax q'ala chhuxriñchjatawa, p'usuntata, llixtjtatarakiwa; jan khitinsa qullxatt'ata, janirak ch'uqxatt'ata, usuyasitanakamsa janirakiw khitis aceitempi qullxatt'as samart'aykiti.

Isaías 30:10

Unañchäwi uñjirinakarusti sapxiwa: “Uka unañchäwinak jan uñjapxamti”, profetanakarusti sapxarakiwa: “Chiqa yatiyäwinak katuqapktas ukanak jan yatiyapxistati, jan ukasti suma quña arunakak parlt'apxita; janirak kusisiñanakaxsa apaqapxistati.

Isaías 30:26

Uka urunxa, Tatituw markapan chhuxrinakap qullart'ani. Ukapachaw phaxsix intjam qhantani, intisti qhanapat sipansa juk'amp qhant'ani, paqallqu intin qhanapäkaspas ukhama.

Jeremías 14:13

Nayasti ukxarux saraktwa: “Tatay, profetanakax jaqinakarux janiw nuwasiñasa, mach'as utjkaniti sasipkiwa, juma, Tatituw suman jakasiñ akawjan churani sasipkarakiwa.”

Jeremías 14:17

Jupanakarusti sarakim: ‘Nayranakaxatxa, jachanakax uruy aruma jan t'akt'as warasitpan, markaxan aynacht'atap layku, jach'a chhuxrip layku.

Jeremías 23:17

Arunakaxar jisk'achirinakarusti sapxarakiwa: ‘Taqi kunas walikïskaniwa’ sasa. Chuymanakapan jan wali amtatanakaparuk arkapki ukanakarusti sapxarakiwa: ‘Janiw kuna jan walis jutkätamti’ ” sasa.

Jeremías 28:3

akat pä mararusti kuna yänaktix Babiloniankir Nabucodonosor reyix templot apaskäna taqi ukanak aka chiqaruw kuttayanxarakï.

Jeremías 4:10

Ukat naya Jeremiasax sista: “Tatay, ¿kunatarak Jerusalenankir jaqinakar sallqjtasti? Suman sarnaqasiñaw utjani sarakïyätasä, jichhasti jiwañakirakis muyuntxixä” sasa.

Jeremías 5:12

Israel markampi, Judá markampix Tatitur jan uñt'iriw tukupxi; sapxarakiwa: “Janiw Diosax utjkiti. Janiw kuna jan walis jiwasxarux jutkaniti, janirakiw nuwasiñasa, mach'as utjkaniti” sasa.

Lamentaciones 2:14

Kuna unañchäwinaktix profetanakamax yatiykäyätam ukanakax k'arikamakïnwa. Juchanakam janiw qhanañchapkäyätamti, ukhamat juman kuttanxañamataki, k'ari unañchäwinak jumarux yatiyapxäyätam, ukanakarusti jumax iyawsarakïyätawa.

Ezequiel 13:10

“Jïsa, jupanakax markaxaruw sallqjapxäna, taqi kunas walikïskiwa sasa, ukampis uka parlatanakapax janiw chiqäkänti. Uka k'arisitanakapax jan suma sayt'ayata, q'athawimpi lluch'ikipata pirqjamawa.

Ezequiel 13:16

Israel markankir uka k'ari unañchäwi uñjir profetanakasa, khitinakatix Jerusalén markarux: ‘Taqi kunas walikïskiwa’ sasa yatiyapkäna ukanakas janiw qhiparkxapxaniti.’ Naya, Tatituw uk arsta.

Ezequiel 13:22

Jumanakasti k'arisiñanakamampix aski jaqinakarux llajlla tukuyapxtaxa, uk lurañsti janiw nayax munkäyätti, ñanqha lurir jaqinakarux juk'ampi jan wal lurapxañapatakiw ch'amachapxtaxa, ukhamat nayan mutuyäwixat jan qhispipxañapataki.

Ezequiel 14:9

“Mä profetatix k'ari yatiyäwinak churanixa, nayaw uka profetar ukham yatiyañapatak lurtxa, ukampis uka profetarux mutuyasin Israel markaxat chhaqtayarakï.

Miqueas 2:11

Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Miqueas 3:5

Profetanakan sallqjatap laykusti, markaxax pantjat thakhinakanjam saraski, khitinakatix jupanakar manq'ayki ukanakaruxa, uka profetanakax suman sarnaqasiñ yatiyi, manq'añ jan churki ukanakarusti “nuwantasiñäni” sapxarakiwa. Tatitusti uka profetanakarux siwa:

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

2 Pedro 2:1

Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.