Jeremías 6:1 - Qullan Arunaka DC

¹ ¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Aymar Bibliia 1986

¹ ¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Qullan Arunaca

¹ ¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Jeremías 6:1 Jak'a apnaqawi uñst'ayäwi

2 Samuel 14:2

ukhamasti, Tecoa markat mä sallqjir warmi irptayanïna. Ukat jupar sarakïna: “Jumax wali llakt'atäkasmas ukhamaw tuküta, llaki isimpi uchasim; janiw kuna q'apkir qullanaksa uskusïtati, walja urunak ukham llakit sarnaqkasma, wawamas jiwkaspa ukhamaw tuküta.

2 Crónicas 11:6

Ukanakasti: Belén, Etam, Tecoa,

Nehemías 3:14

T'unanak Warañ punksti, Recab chachan Malquías yuqapaw askichäna, jupax Bet-haquérem suyu apnaqirïnwa. Jach'a punkunakapsti, cerrojonakani, barranakani uchantäna.

Nehemías 3:5

Ukxarüki uksti Tecoankir jaqinakaw askichapxarakïna, ukampis uka markan jilïrinakapax janiw pirqa luririnakan sarayirinakaparux yanapañ munapkänti.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 4:29

Caballonakar lat'xatat jutapki, mich'inakap apt'at jutapki ukanakan arnaqasitaparusti, taqi jaqinakaw jalakamak chhuksuwayxapxi; ch'uminak taypiruw imantasipxi, qarqanakaruw jat'stapxaraki. Taqi markanakasti q'ala apanukutawa; janirakiw mä sapa jaqis ukanakan jakkxiti.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Amós 3:6

trompetan phust'asitap markan ist'aski ukkhaw jaqix wal sustjasi; Tatitux kuns apayanki ukkhaw jan walinakax markan utji.

Zacarías 6:6

Ch'iyar caballonakan qatatit carrox amstankir markaruw sari; janq'u caballonakan qatatit carrosti, jalanta tuqinkir markaruw sari; ch'ikhu caballonakan qatatit carrosti aynachankir markaruw sararaki” sasa.

Josué 15:63

Ukampis Judá ayllut saraqir wawanakax janiw Jerusalén markan jakapkän uka jebuseo jaqinakarux jaqunukurjamäpkänti, ukat jebuseo jaqinakax Jerusalén markan jichhürkam jakasipki, Judá ayllut saraqir wawanakapamp chika.

Jueces 1:21

Benjamín ayllunkirinakasti, janiw Jerusalén markata ukan jakiri jebuseo jaqinakarux alisnukurjamäpkänti. Ukat jichhürkama jebuseonakampi, Benjamín ayllunkirinakampix Jerusalén markan jakasisipki.