Jeremías 52:9 - Qullan Arunaka DC

⁹ Babilonio soldadonakasti reyir katuntasin Babiloniankir reyin nayraqataparuw irpapxäna, uka reyisti Jamat uraqina, Riblá sata chiqankaskänwa. Uka chiqan Nabucodonosor reyix Sedequiasataki juchañchäwi arunak arsurakïna,

Aymar Bibliia 1986

⁹ Caldeo jakenacasti reyirojj preso catuntapjjaraqui ucat Babilonianquiri reyin nayrakataparuw apapjjaraquïna, uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequías chachataqui juchañchäwi arunac arsuraquïna,

Qullan Arunaca

⁹ Caldeo jakenacasti reyirojj preso catuntapjjaraqui ucat Babilonianquiri reyin nayrakataparuw apapjjaraquïna, uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequías chachataqui juchañchäwi arunac arsuraquïna,

Jeremías 52:9 Jak'a apnaqawi uñst'ayäwi

1 Reyes 8:65

Uka urusti, Salomonax taqpach Israel jaqinakamp chikaw Chhujllanak lurañ uru uruyäna, Tatit Diosar jach'añchasa, ukasti paqallq urünwa. Jaqix waljapunïnwa, israelitanakax taqi chiqat jutapxatayna, Hamat chiqata, Egipto jawiratpacha. Uka qhipatsti yaqha paqallq urumpi uruyapxarakïna; taqpachasti tunka pusin uruw uruyapxäna.

2 Reyes 23:33

Necao sat faraonaw Joacaz reyirux Hamat uraqina, Riblá chiqan katuntat ukankayäna, ukhamat Jerusalén markan jan apnaqañapataki; ukhamarusa, Judá markarux kimsa waranqa kimsa patakan kilo qullqimpi, kimsa tunka kimsani kilo qurimpi churañapatakiw wayt'äna.

2 Reyes 25:6

Babilonio soldadonakasti Sedequías reyir katuntasin, Babiloniankir reyin nayraqataparuw apapxäna, jupasti Hamat uraqinkir Riblá chiqankaskänwa. Uka chiqan Nabucodonosor reyix, Sedequías reyitak juchañchäwip arsüna,

2 Crónicas 33:11

Ukat Tatitux jupanakatak asiriankiri reyin ejercitopan jilïrinakaparux puriyanïna, jupanakasti Manasés reyirux ganchompiw nasapat uchantapxäna, broncet lurat cadenanakampi ñach'antasin Babilonia markar apapxäna.

2 Crónicas 8:3

Ukatsti Sobá chiqankir Hamat sat markar nuwantiriw saräna, ukat uka marka katuntasïna.

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 39:5

Ukampis Babiloniankir soldadonakax Sedequías reyiruw arktapxäna, ukatsti Jericó pamparuw jikxatapxäna. Katuntasinsti Nabucodonosor reyin nayraqataparuw irpapxäna; uka reyisti Riblá sata uka chiqankaskänwa, Hamat sata uraqina. Ukan Nabucodonosor reyix mä juchañchäwi mistuyäna: pachpa Sedequiasan uñjkataw wawanakaparux p'iqi khariqas jiwarayäna, ukhamaraki Judá uraqin apnaqapkän taqi uka jach'a jilïrinakaparusa.

Lamentaciones 4:20

Tatitun ajllitapasti, katuntataw uñjasi, jakañasar ch'amachkistäna uka, jupa reyit säyätanxa: “Jupaw markanak taypin sum uywasistani” sasa.

Ezequiel 11:10

Espadampi jiwarayataw uñjasipxäta. Israel markan qurpanakapan nayaw luräwinakamarjam taripapxäma, ukapachaw jumanakax nayan Tatitütax yatipxäta.

Ezequiel 23:24

Jumar jan walt'ayañatakisti walja carronakampi, walja ejercitompiw jutantapxani; taqi tuqit muyuntapxätam jark'aqasiñanakapas apt'ata, nuwasiñ yänakapas ayt'ata, casconakampi asxatata, nayasti jupanakarux jumar taripañatak munañanïñ churä, jupanakasti kamachinakaparjamaw taripapxarakïtam.

Números 13:21

Uka chachanakasti sarasin uka uraq uñakipapxäna, aynach tuqit qalltapxäna, Sin sat wasarata, ukawjatsti Rehob chiqakamaw sarapxäna, ukasti Hamat jak'ankiwa.

Números 34:11

ukawjat Riblá sat chiqakamaw sarani, ukasti Ain sat inti jalsu tuqinkiwa; uka chiqatsti qurpax Quinéret qutat inti jalsu tuqinjam sarani,

Josué 13:5

Ukatsti guiblitas sat jaqinakan uraqinakapaw utjaskaraki, Líbano sata, inti jalsu tuqinkir taqpach uka uraqinaka, Baal-gad chiqat Hermón qullu aynach tuqikama, ukat Hamat markar mantañ chiqakama.