Jeremías 52:7 - Qullan Arunaka DC

⁷ Ukat Sedequías reyix soldadonakapampi markan pirqap p'iyjapxäna, babilonionakax jupanakar muyuntatäkchïna ukasa, reyimpi, soldadonakampix arumawa uka p'iyanjam mistuwayxapxäna. Pä pirqa taypinkkis uka punkunjam sarakipawayapxäna, reyin panqar uyunakapäkis uka thakhinjama, ukatsti Jordán qhirwa tuqir sarki uka thakhinjam sarxapxarakïna.

Aymar Bibliia 1986

⁷ Ucatwa jupanacajj mä jach'a p'iya lurasipjjäna uca marca perka jac'arojja, caldeonacajj jupanacaru muyuntatäcchïna ucasa. Reyimpi, soldadonacampisti arumawa uca chekanjam jalsuwayjjapjjäna. Pä perka taypincquis uca puncunjamwa mistuwayjjapjjäna, reyin jardinanacap taypi sarquis uca thaquinjama, ucatsti Jordán valle tokeru sarquis uca thaquinjamwa sarjjapjjaraquïna.

Qullan Arunaca

⁷ Ucatwa jupanacajj mä jach'a p'iya lurasipjjäna uca marca perka jac'arojja, caldeonacajj jupanacaru muyuntatäcchïna ucasa. Reyimpi, soldadonacampisti arumawa uca chekanjam jalsuwayjjapjjäna. Pä perka taypincquis uca puncunjamwa mistuwayjjapjjäna, reyin jardinanacap taypi sarquis uca thaquinjama, ucatsti Jordán valle tokeru sarquis uca thaquinjamwa sarjjapjjaraquïna.

Jeremías 52:7 Jak'a apnaqawi uñst'ayäwi

2 Reyes 25:4

Ukat Sedequías reyix soldadonakapampi markar muyuntki uka pirqa p'iysupxäna. Jupanakasti uka chiqaw arumpacha jaltxapxäna, pä pirqa taypin utjkäna uka mantañ chiqanjama, reyin panqar uyup jak'a sarakipasa, ukatsti Jordán qhirwar sarir thakhinjam jalapxäna. Ukchañkamasti, Babiloniankir soldadonakax markar muyuntatäsipkänwa.

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 39:2

Mä mara chikataniw Jerusalén markax muyuntat uñjasïna, uñisirinakapax uka markan pirqap p'iyjasaw taqi ejercitopampi Jerusalén markar mantantapxäna,

Jeremías 49:26

Uka urusti waynanakax marka thakhinakan liwirtapxani, nuwasïwin nuwasir jaqinakapasti taqiniw jiwarapxarakini. Naya, taqi ch'aman Tatituw uk arsta.

Jeremías 51:32

Uñisirinakasti jawir makhatañanaksa q'al katuntapxi, sayt'asiñ chiqanaksa ninampiw nakhantayapxi, soldadonakasti axsarañat wal khathatipxaraki.

Jeremías 6:5

¡Ukhamax aruma chhukt'añäni, pukaranakap t'unjarakiñäni!” sasa.

Ezequiel 12:12

Jupanakan jilïripasti q'ipip q'ipt'asitaw uka ch'amakthapix pirqa p'iyanjam mistuwayxañaparaki. P'inqapatsa markar jan uñjañatakix ajanup imt'asisin sarxani.

Ezequiel 12:4

Jichhax urpacha, taqin uñjkañ yänakam apthapisim, apanukutäñatakis wakichaskasma ukhama; jayp'u tuqirusti taqinin uñjkataraki mistuwayxam, apanukutäsinsa sarkasma ukhama.

Ezequiel 33:21

Niya tunka payan maraw saraqxatayna Babilonia markar katuntat purinipkta ukkhatxa, ukat tunka phaxsina, phisqa uru saraqatarusti, mä jaqiw Jerusalén markat jaltanxatayna, jupasti Jerusalén markan uñisirin amparaparu jalt'atap yatiyitu.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Amós 4:3

Pirqa p'iysutanak tuqi siqikiw mistuwayapxäta, ukatsti Hermón qullu tuqir aparpayatäpxätawa.” Tatitux ukham siwa.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!