Jeremías 52:6 - Qullan Arunaka DC

⁶ Uka pachpa marana, pusi phaxsi, llätunka uru saraqatarusti, Jerusalén markanxa manq'at pist'añax juk'ampiw jilxattäna, jaqinakatakisti janiw kuna manq'añas utjkxarakïnti.

Aymar Bibliia 1986

⁶ Uca marana, pusi phajjsi, llätunca uru sarakatarusti marcanjja mank'at awtjatäñajj juc'ampiw jiljjattäna, jakenacataquisti janiw cuna mank'añas utjcaraquïnti.

Qullan Arunaca

⁶ Uca marana, pusi phajjsi, llätunca uru sarakatarusti marcanjja mank'at awtjatäñajj juc'ampiw jiljjattäna, jakenacataquisti janiw cuna mank'añas utjcaraquïnti.

Jeremías 52:6 Jak'a apnaqawi uñst'ayäwi

2 Reyes 25:3

Uka pachpa marana, pusïr phaxsina, llätunka uru saraqataruw manq'at t'aqhisiñax Jerusalén markan jilxattäna, jaqinakanxa janiw kuna manq'añapas utjkxänti.

Isaías 3:1

¡Jichhax wal amuyasipxam! Taqi ch'amani Tatitusti, Judá markatxa, Jerusalén markatsa, taqi yänakap apaqxani, manq'añanaksa, umañanaksa q'al apaqxani.

Jeremías 15:2

Ukattix jiskt'apxätam: ‘¿Kawkirus sarapxä?’ sasa, ukatsti nayan sutixar akham sarakim: “ ‘Usumpi jiwarañatak wakichatanakaxa, usumpi jiwarapxpan; nuwasïwin jiwarañatak wakichatanakasti, nuwasïwin jiwarapxpan; manq'atjam jiwarañatak wakichatanakaxa, manq'atjam jiwarapxpan; jayar apatäñatak wakichatanakasti, jayar apatäpxarakpan’ sasa.

Jeremías 19:9

Kunapachatix aka markax jach'a jan walt'añan jikxatasini, uñisirinakapansa muyuntat uñjaskani ukapachaxa, jaqinakarux pachpa wawanakap manq'asiyä, jupanakkamas maynit maynikamaw manq'asipxani’ sasa.

Jeremías 21:9

Aka markar qhiparirinakax, nuwasïwina, jan ukax manq'atjama, jan ukax usumpiw jiwarapxani. Ukampisa, kawkïrinakatix babiloniankirinakar katuyasxapxani ukanakasti, janiw jiwarayatäpkaniti.

Jeremías 25:10

Jupanak taypin phunchhäwi q'uchunaksa, kusiskañ q'uchunaksa chhaqtayäwa, jaqichasïwi q'uchunaka, qhunan ruxuqitapsa chhaqtayarakïwa, janiw mayampis lamparanakan qhanatapax utanakan uñjaskxaniti.

Jeremías 37:21

Ukhamasti Sedequías reyix Jeremiasan, uñjirinakan uta anqaparuki katuntat qhiparañapatakiw arsüna, ukatsti sapüruraki t'ant'a Luririnakan thakhipa satäki ukan aljapki ukat t'ant'a aparapipxañapa. Ukhamaw phuqhasïna markan t'ant'ax utjkän uka urunakkama. Ukhamat Jeremías profetax uñjirinakan uta anqapan katuntat qhipararakïna.

Jeremías 38:9

—Jach'a rey, kuntix uka jaqinakax Jeremiasampi lurapki ukax wali jach'a juchawa. Mä phuch'uruw jaquntapxi ukan manq'atjam jiwaski, t'ant'asti janirakiw markan utjkxiti —sasa.

Jeremías 39:2

Mä mara chikataniw Jerusalén markax muyuntat uñjasïna, uñisirinakapax uka markan pirqap p'iyjasaw taqi ejercitopampi Jerusalén markar mantantapxäna,

Lamentaciones 1:11

Taqi markachirinakapaw jichhax wal jachapxi, manq'añ thaqhasaw sarnaqasipki; qamir yänakapsa manq'ampiw turkasipxi, ukhamat manq'atjam jan jiwañataki. ¡Tatay, nayan aynacht'atax uñtanimaya! ¡Jan walt'ataxsa amuyarakimaya!

Lamentaciones 5:10

Janchinakaxas ninjamaw nakhi, manq'atjam inakiw paqaqxapxta.

Ezequiel 14:13

“Mä markatix nayatak sayt'asis jucha lurani, janirak taqi chuymampi arkkitani ukaxa, uka markarux mutuyäwa, manq'añ imasitanakapsti q'al apaqarakï. Uka markxarusti mach'a apayanirakï, jaqinakasa, uywanakasa manq'atjamaw jiwarapxani.

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Ezequiel 31:1

Tunka mayanïr marana, kimsïr phaxsina mä uru saraqatarusti, Tatitux nayar sarakituwa:

Ezequiel 5:16

Nayaw jumanakxarux manq'at awtjayasiñ apayanï, ukasti axsarkañ t'unjir mich'inakar uñtatäniwa. Jïsa, jumanakxarux t'unjatäñampi, mach'ampi, manq'at pist'at sarnaqañampi apayanï.

Ezequiel 7:15

Marka anqäxan qhiparirinakasti, nuwasïwin jiwarapxani, marka manqhan qhiparirinakasti manq'atjama, kunayman usunakampiw jiwarapxarakini.

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Zacarías 8:19

“Pusïri phaxsina, phisqïri, paqallqüri, tunkïri phaxsin ayuno lurañaxa, kusisiñaruw kipstani, Judá wila masit saraqirinakatakix kusisiñ phunchhäwinakaruw tukuni. ¡Jumanakax chiqa arsuñampiru sumankañampir munapxam!”

Deuteronomio 32:24

Manq'atjamaw jiwarapxani, phuthuti usumpiw jiwarapxani; mä jach'a usuw jupanakar tukjani; jupanakxarux monte animalanak khithanï, jiwayir mich'ini katarinak khithanirakï.