Jeremías 52:12 - Qullan Arunaka DC

¹² Nabucodonosor reyix Babilonia marka tunka llätunkan mara apnaqkän ukkha, phisqïr phaxsina tunka uru saraqataruw Nebuzaradán sat reyin yanapiripa, reyin uñjirinakapan jilïripäki ukax Jerusalén markar purinïna,

Aymar Bibliia 1986

¹² Nabucodonosorajj Babilonia marca tunca llätuncani mara apnakcän ucqha, pheskëri phajjsina tunca uru sarakataru ucapachaw Nebuzaradán sat reyin ministropa uqhamaraqui reyin guardiapan comandantepajj Jerusalén marcaru purinïna.

Qullan Arunaca

¹² Nabucodonosorajj Babilonia marca tunca llätuncani mara apnakcän ucqha, pheskëri phajjsina tunca uru sarakataru ucapachaw Nebuzaradán sat reyin ministropa uqhamaraqui reyin guardiapan comandantepajj Jerusalén marcaru purinïna.

Jeremías 52:12 Jak'a apnaqawi uñst'ayäwi

Génesis 37:36

Egiptor purisinsti, madianita jaqinakax Potifar sat jaqiruw Josear aljapxäna, uka jaqisti Egiptonkir faraón reyin uñjirinakapan jilïripänwa.

2 Reyes 24:12

Ukat Judá marka apnaqir Joaquín reyix, taykapampi, jilïrinakapampi, yanapirinakapampi, jupan suma uñt'at jaqinakampi Babiloniankir reyiru katuyasxapxäna, uka reyisti jupanakarux katuntayxänwa. Ukasti kunapachatix Nabucodonosor reyix kimsaqallqu mara Babilonia marka apnaqkän ukapachaw lurasïna.

2 Reyes 25:8

Babiloniankir Nabucodonosor reyin marka apnaqatapax, tunka llätunkan maränwa, phisqïr phaxsin paqallq uru saraqatarusti, uka reyin ejercitopan Nebuzaradán sat capitanapax Jerusalenaruw purinïna

Esdras 5:12

Sapxarakiwa: ‘Nayra awkinakaxaw alaxpachankir Tatitur phiñasiyapxatayna, ukat jupax Babiloniankir Nabucodonosor reyin amparapar jupanakar katuyäna, uka reyirakiw Tatitun uka utap t'unjatayna, ukatsti jaqinakaparux Babiloniaruw jaqunukurakitayna.

Nehemías 2:3

ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Jeremías 1:3

Ukhamarakiw yaqha yatiyäwinakampi churitu, kunapachatix Joacim, Sedequías jupanakax Judá uraqin reyipäpkäna ukapacha, jupanakax Josías reyin yuqanakapänwa. Sedequiasax tunka mayan mara, phisqa phaxsiniw Judá uraqi apnaqäna, Jerusalén markan utjirinakax jaya tuqir babilonionakan katuntat apatäpkän ukapachkama.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 39:11

Babiloniankir Nabucodonosor reyix Nebuzaradán sata uñjirinakan jilïriparux akham arunak Jeremías tuqit churarakïna:

Jeremías 39:9

Qhiparusti, Nebuzaradán sata uñjirinakapan jach'a jilïripasti, khitinakatix markar qhiparapkatayna ukanakarux katuntat apxäna, uka kipkarak kawkïrinakatix babilonionakar jaqkattxapxatayna ukanakarusa.

Jeremías 52:14

Ukatsti jupamp chik jutir ejercitosti Jerusalén markan pirqanakap q'al tinkurayäna.

Jeremías 52:29

tunka kimsaqallqüri maransti, Jerusalén markatxa kimsaqallqu pataka kimsa tunka payani jaqinak apanukuyäna;

Daniel (hebreo) 1:1

Kunapachatix Joacín reyix Judá uraqi kimsa mara apnaqaskäna, ukapachaw Babiloniankir Nabucodonosor reyix Jerusalén markar purinisin ejercitopamp muyuntäna.

Daniel (hebreo) 2:14

Ukhamasti Danielax wali amuyumpi, wali ch'ikhi kankañampiw reyin uñjirinakapan jilïripa, Arioc jaqimpix parläna, uka Arioc jaqisti niyaw taqi yatiñani jaqinakaru jiwarayañatak wakichasiskarakïna.

Zacarías 8:19

“Pusïri phaxsina, phisqïri, paqallqüri, tunkïri phaxsin ayuno lurañaxa, kusisiñaruw kipstani, Judá wila masit saraqirinakatakix kusisiñ phunchhäwinakaruw tukuni. ¡Jumanakax chiqa arsuñampiru sumankañampir munapxam!”