Jeremías 52:1 - Qullan Arunaka DC

¹ Sedequías reyix Jerusalén marka apnaqañ qalltkän ukapachasti, pä tunka mayan maranïnwa, Jerusalén markansti tunka mayan maraw marka apnaqäna. Taykapax Hamutal satänwa, Libna markankir Jeremiasan phuchhaparakïnwa.

Aymar Bibliia 1986

¹ Cunapachatejj Sedequías reyejj apnakañ kalltkäna ucapachasti pä tunca mayan maranïnwa, Jerusalén marcansti tunca mayan maraw apnakaraquïna. Taycapasti Hamutal sataraquïnwa, Libna marcanquiri Jeremiasan phuchaparaquïnwa.

Qullan Arunaca

¹ Cunapachatejj Sedequías reyejj apnakañ kalltkäna ucapachasti pä tunca mayan maranïnwa, Jerusalén marcansti tunca mayan maraw apnakaraquïna. Taycapasti Hamutal sataraquïnwa, Libna marcanquiri Jeremiasan phuchaparaquïnwa.

Jeremías 52:1 Jak'a apnaqawi uñst'ayäwi

2 Reyes 23:31

Joacaz chachax pä tunka kimsan maranïkäna ukkhaw, marka apnaqañ qalltäna, jupasti Jerusalén markan kimsa phaxsikiw Judá marka apnaqäna. Taykapax Libná chiqankiri, Hamutal sutinïnwa, Jeremiasan phuchhapänwa.

2 Reyes 24:18

Sedequías chachax pä tunka mayan maranïkän ukkhaw marka apnaqañ qalltäna, jupasti Jerusalenan tunka mayan maraw marka apnaqäna. Taykapax Hamutal sutinïnwa, jupasti Jeremías chachan phuchhapänwa, Libná markankirirakïnwa.

2 Reyes 25:1

Sedequías reyix llätunka mara marka apnaqkäna, tunkïri phaxsita tunka uru saraqataruw, Babiloniankir Nabucodonosor reyix taqpach ejercitopamp sarantasin Jerusalén markar muyuntäna. Ukatsti marka uñkatasiruw utjnuqtäna, marka muytarusti makhatañanak luräna, markar katuntañataki.

2 Reyes 8:22

Ukhamawa Edom markax jichhürkam Judá markat qhispiyat sarnaqañapa jikxatäna. Uka pachpa urunakan Libná markax qhispita sarnaqasiña jikxatarakïna.

2 Crónicas 36:11

Sedequías reyix pä tunka mayan maranïkän ukkhaw Judá marka apnaqañ qalltäna, tunka mayan maraw Jerusalenan marka apnaqäna.

Isaías 37:8

Asirio oficialasti yatxatarakïnwa Senaquerib reyipax Laquis siski uka chiqat sarxatapa. Ukat Jerusalenat sarxäna; reyirusti Libná markar nuwantaskir jikxatarakïna.

Jeremías 21:1

Sedequías reyix Malquías jaqin Pashur yuqapampiru, Maasías jaqin Sofonías sacerdote yuqapampiruw Jeremiasan ukar khithäna akham sasa: “Babiloniankir Nabucodonosor reyiw nanakampi nuwasiñ muni. Achikt'asipxsmawa, Tatituruy nanakar yanapt'añapatak mayirapipxita, inampis Tatitux mä muspharkañ lurañ munaskaspa, ukhamat Nabucodonosor reyin aka chiqat sarxañapataki” sasa. Ukhamasti Tatitux Jeremiasaruw parlxayäna,

Jeremías 39:1

Sedequías reyix tunka mara, llätunka phaxsinaka Judá uraqi apnaqkän ukkhawa, Nabucodonosor reyix Babiloniat jutantäna taqi ejercitopampi Jerusalén markar katuntañataki, ukatsti q'al muyuntarakïna.

Jeremías 51:59

Sedequías reyix pusi mara Judá uraqi apnaqkän ukapachaw, Jeremías profetax Nerías sat jaqin Seraías yuqapar mä iwxa churäna, Maasías sat jaqin allchhiparu. Seraiasasti Sedequiasampi chikt'ataw Babilonia markar saräna, jupasti reyin qurpachasiñapatak wakichirïnwa.

Habacuc 1:17

Ukhamasti, ¿babiloniankirinakax qänampjam katurasipkakitaniti? ¿jan jaqit khuyapt'ayasisas jiwarayasipkakpachäniti?

Josué 10:29

Uka chiqatsti, Josué chachampi israelitanakampix Libná sat markaruw nuwantir sarapxäna.

Josué 15:42

Ukhamarak Libná, Éter, Asán,