Jeremías 51:57 - Qullan Arunaka DC

⁵⁷ Reyi, taqi ch'amani Tatitusti siwa: “Babiloniankir jilïrinakarux machjayäwa, yatiñani jaqinakaparusa, marka apnaqirinakaparusa, jilïrinakaparusa, soldadonakaparusa, q'al machjayä, jiwatjamaw ikirapxani, janirakiw mayampsa uka ikit sartkxapxaniti.

Aymar Bibliia 1986

⁵⁷ Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Qullan Arunaca

⁵⁷ Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Jeremías 51:57 Jak'a apnaqawi uñst'ayäwi

Isaías 37:36

Uka arumasti Tatitun angelapax sarasin pataka kimsaqallq tunka phisqani waranqa jaqinaka asirionakan campamentopan jiwarayäna, qhipärmanthisti taqiniw jiwarat uñjasipxäna.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Jeremías 13:13

Jumasti ukxarux sarakïtawa: ‘Tatitux siwa: Taqi aka markan utjirinakaru, Davidan reyi qunuñapan qunt'asiri reyinakaru, sacerdotenakaru, profetanakaru, Jerusalén markan jakirinakaruw vinompi machjayä.

Jeremías 25:27

Ukatsti Tatitux sarakituwa: “Jupanakarusti sarakim, naya, taqi ch'aman Tatitu, Israelan Diosapaw arsta, machjasiñkama, waq'jasiñkama, jan mayampi sartkañatak uraqir liwirtapxañapkam umapxpan, kuna nuwasiñanaktix nayax jupanakaru apayankä uka layku.

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Jeremías 48:15

Moab markar t'unjirix niyaw purinxi, yaqha markanakapar t'unjiris niyaw purinxi. Suma soldadonakapas nuwasïwin jiwarapxani. Israelan taqi ch'amani Tatitupaw ukham arsu.

Jeremías 50:30

Ukat waynanakax marka thakhinakan jiwarapxani, nuwasir jaqinakapas uka urux taqiniw tukusipxani. Naya, Tatituw uk arsta.”

Jeremías 51:39

Janchipan wali junt'jatäpxani ukkhasti, nayaw machjayir umanak churä, ukasti jupanakarux p'iqi muytayani. Ukhamat jupanakax jiwatjam ikirapxani, janirakiw mayampis sartkxapxaniti. Naya, Tatituw uk arsta.

Ezequiel 20:33

Naya, Tatituw jakañax layku juramentompi arsta, jach'a ch'amaxampi, jach'a phiñasiñaxampiw jichhax jumanakar apnaqapxäma.

Nahúm 1:10

K'ithuntat ch'aphinakjama, waña jichhur uñtataw nakhantatäpxäta.

Nahúm 3:18

“¡Asiria markankir rey, awatirinakamax ikiraskiwa! Jilïrinakamas samarasipkiwa, jaqinakamasti qullunakan ananukutaw sarnaqasipki, janirakiw khitis jupanakar anthapirix utjkiti.

Malaquías 1:14

Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.

Apocalipsis 18:9

Akapachankir reyinakasti, nina jiwq'i uñjasax uka warmit wal jachapxani, jakhusipxarakini, jupampi q'añusipxatap layku, k'achachasiñanakar katuyasipxatap layku.