Jeremías 51:53 - Qullan Arunaka DC

⁵³ Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Aymar Bibliia 1986

⁵³ Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Qullan Arunaca

⁵³ Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Jeremías 51:53 Jak'a apnaqawi uñst'ayäwi

Génesis 11:4

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Job 20:6

Uka kusisiñapax alaxpachjam jach'äskpasa, p'iqipas qinayanakkam puriskpan,

Isaías 13:17

Jupanakatakisti Medo markankir jaqinak sartayä, uka jaqinakax janiw qullqitjam llakisipkiti, janirakiw qurirus munapayapkiti.

Isaías 41:25

Tatitux saskakiwa: “Persia markat mä reyiw juti, nayax sutipat jawsarakta, jupax marka apnaqirinakaruw takxatani. Amsta tuqit purintanini, sañu lurir jaqix ñiq'i taksux ukham taksuni.

Isaías 47:5

“Babilonia marka, amuk qunt'asim, ch'amak manqhar qunt'asim, janipuniw jichhax mayampsa ‘Markanakan reyipa’ sasax siskxapxätamti.

Isaías 47:7

Saraktawa: ‘Nayax wiñayatakiw reinäyäxa’ sasa; janiw taqi ukanakat amuyt'asktati, janirakiw kunjämarus tukuyapxani uksa lup'ktati.

Jeremías 49:16

Jach'a jach'a tukutamampi, axsarkañ uñacht'ayatamampiw sallqjayastaxa. Qarqa p'iyanak taypin jaktaxa, qullu patanakat waythapisisaraki. Ukampis pakar uñtatasay alay chiqan tapachasiskam, ukatpach jumarux jaquqanïma. Naya, Tatituw uk arsta.

Jeremías 50:21

“Merataim markar nuwantapxam, Pecod markankirinakar nuwantapxarakim. ¡Arktapxam, q'al t'unjapxam! ¡Nayan arsutaxarjam taqi phuqhapxam! Naya, Tatituw uk arsta.”

Jeremías 50:25

Tatituw nuwasiñ yänakap imasiñ utanakap jist'ari, phiñasiñapan nuwasiñ yänakap apsusiraki, taqi ch'aman Tatitu Diosasti Babilonia markarux q'al tukjañapawa.

Jeremías 50:45

Babilonia markatak naya, Tatitun amtatanakax ist'apxam; kuna amuyt'äwinaktix caldeonakatakis amtkarakta ukanaka. Jisk'a wawanakas taqpachan apatäpxaniwa, markapasti q'ala t'unjatarakïniwa.

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Jeremías 51:25

T'unjir qullu, nayax jumatakiw sayt'ta, jumasti taqi aka uraqpacharuw t'unjtaxa. Naya, Tatituw uk arsta. Jichhax jumar mutuyañatakiw amparax aytä, qarqa parkinakatpach jumarux qurumt'ayanïma, mä nakhantat qulluruw tukuyäma.

Jeremías 51:48

Alaxpachasa, akapachasa, taqi kunanakatix utjki ukanakasa, Babilonian aynacht'atapat walpun kusisipxani, amsta tuqit t'unjiripax jutkani ukapachaxa. Naya, Tatituw uk arsta.

Jeremías 51:56

Babiloniar t'unjiriw jutapxi; nuwasir jaqinakaparusti katurxapxarakiwa, mich'inak antutt'añanakapsa jisk'a jisk'a tukjapxi. Tatitusti chiqap Diosawa, sapa maynirus wakisitaparjamaw churaraki.

Jeremías 51:58

Taqi ch'amani Tatitux akham siwa: “Babilonian uka thuru pirqanakapasti q'ala tinkuyatäniwa, uka jach'a punkunakapas ninampi nakhantayatäniwa. Inamayakiw markanakan ch'ama tukutapasa, taqi luratanakapax ninan tukusirakini.”

Daniel (hebreo) 4:30

30 (27) ukapachaw jupax säna: “Uñjapxam, kunja jach'as Babilonia markaxa. Nayaw jach'a ch'amaxamp apnaqäwixan jach'a markapäñapatak ukham lurayta, ukhamat nayan jach'a kankañaxat uñacht'ayañataki” sasa.

Amós 9:2

inakiw manqhapachkam saraqasin imantasisipkani, ukawjatsa waysusinkakïwa; inakiw alaxpachkamas makhatasipkani, ukawjatsa wayuqasinkakïwa.

Amós 9:4

uñisirinakapas yaqha markar katuntat apasipkpan, ukansa espadampi jiwarayatäpxañapatakiw mayirakïxa. ¡Jupanakarux uñch'ukiskakïwa, nayranakaxax jan walitakiw jupanak uñch'ukini, janiw askitak uñch'ukkaniti!”

Habacuc 2:9

¡Ay kunakïkan juma Babiloniatxa, lunthatat yänakampiw utamar phuqhantayastaxa, ukhamat jan walt'añanakan taqi kunas walikïskañap amuyaraktaxa!