Jeremías 51:5 - Qullan Arunaka DC

⁵ Israel markampi, Judá markampix taqiniw naya nayraqatan juchañchjasipxi, markanakapsa juchampiw phuqhantapxi, ukampis naya, taqi ch'amani Tatitu, Israelan Qullan Diosapaxa, janiw jupanakarux apanukkti.

Aymar Bibliia 1986

⁵ Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Qullan Arunaca

⁵ Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Jeremías 51:5 Jak'a apnaqawi uñst'ayäwi

1 Reyes 6:13

ukatsti nayax israelita jaqinak taypin jakä, janiw Israel markaxarux apanukkäti” sasa.

2 Reyes 21:16

Judá markar juchanak lurayatapatsa, Tatitun nayraqatapan jan wali luratanakapatsa, Manasesax Jerusalén markan jan juchan walja jaqinakaruw jiwarayäna, uka wilampiw markar mä thiyata mä thiykam phuqhantäna.

Esdras 9:9

Nanakax t'aqhisiyatäpkta ukasa, janiw jumax t'aqhisïwixan apanukupkistati; Persia markankir reyinak tuqiw khuyapayasiñam uñacht'ayapxista, pampar tukut utam wasitat sayt'ayapxañaxatakiw jakañ churapxista, ¡Judá uraqina, Jerusalén markansa imapxarakistawa!

Salmos 94:14

Tatitux janiw markaparux apanukkaniti, janirakiw jupankirinakarus jaytanukkaniti.

Isaías 44:21

“Israel, Jacobun markapa, amtasimaya, jumaw nayan luqtirixätaxa; nayaw jumarux irnuqsma. Israel, nayat jan armasistati.

Isaías 51:15

“Nayätwa Tatit Diosamaxa, sutixasti Taqi Ch'amani Tatitu satawa; nayaw jach'a qutxa unxtayta, uka mathapinaksa jach'aruw sartayta,

Isaías 62:12

Israelitanakarusti: “Qullan marka”, “Tatitun qhispiyatanakapa” sasa, Jerusalenarusti: “Munat marka”, “Jan apanukut marka” sasaw sutichapxani.

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 14:9

¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 23:15

Ukatpï, naya taqi ch'aman Tatitux, uka profetanakatakix aka arunak arstxa: Jerusalenankir profetanaka, uka ñanqha lurañanak taqi markpacharuw aqantayapxtaxa, jumanakarux k'allk'u manq'a manq'ayapxäma; jiwayir qullan uma umayapxarakïma”.

Jeremías 31:37

Mä urutix alaxpach tupt'apxaspa, aka uraqin qalltap yatxatapxarakispa ukaxa, taqi jan walinak luratapatxa, Israel markaxarux apanukuristwa. Naya, Tatituw uk arsta.”

Jeremías 46:28

Naya, Tatituw uk arsta. Jacobun markapa, nayan uywataxa, jan axsaramti, nayaw jumampïskta. Kawkhanakarutix ananuksma uka markanaksti nayaw q'ala t'unjarakï. Ukampis jumarux janiw t'unjkämati; luratamarjamaw chiqachäma, ukatsti mutuyapunirakïmawa.”

Jeremías 50:20

Naya, Tatituw uk arsta: Uka urun Israel markasa, Judá markasa, taqi juchanakapat pampachatäxani, nayaw khitinakarutix jakaskir jaytkta ukanakarux juchanakap pampacharakï.

Jeremías 51:19

¡Ukatsipan kunja jach'as Israelan Diosapaxa, jupaw taqi kunatix utjki ukanaksa luri! Juparakiw Israelarux jupatak ajllisi; Taqi Ch'amani Tatitu satarakiwa.

Ezequiel 8:17

Ukhamasti Tatitux sarakituwa: “¿Uk uñjtati? Judá markax taqi uka q'añu luräwinakampis janiw sisthapkiti, ukhamarus aka markarux ch'axwañanakampiw phuqhanti. Mayampi mayampi nayarux q'apisiyapxitu, idolopar yupaychañ layminakan jan wali q'aphitanakapsa mukt'ayapxituwa.

Ezequiel 9:9

Tatitusti ukxarux sarakituwa: “Israel markampina, Judá markampin juchanakapax sinti jach'apuniwa. Uraqix jaqi jiwarayatanakampi phuqhantatawa; markax jan wali lurañanakampi phuqhantatawa. Nayas aka marka apanukkirista, janis ñanqha luratanakap uñjkirista ukham jupanakax amuyapxi.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Oseas 2:1

1 (3) Ukapachaw jumanakax jilanakamar sapxäta: “Tatitun markapa” sasa, kullakanakamarusti: “Khuyapt'ayata” sasaraki.

Oseas 2:3

3 (5) Janitix uka jan wali sarnaqañanakap apanukkanixa, q'alalsuyäwa: kunjämtix taykapan purakapat yurkän ukhama, ch'usa wasararuw tukuyarakï, waña uraqiruw kipstayä, ukatsti umat pharjayasin jiwayarakï.

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 4:2

Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Miqueas 7:20

¡Tatay, munasiñamampita, chiqa kankañamampit janikiy armasimti, kunjämtix jumax Abraham, Jacob uka nayra awkinakaxaru arskäyätas ukanakxa!

Zacarías 12:6

“Khä urun Judá markan jilïrinakaparux lawanak taypin nakhaskir mä nina sank'jam tukuyä, mä ninjama trigo puyanak marqthapita taypina. Kupïxankiri, ch'iqäxankiri taqi jak'ankir markanakaruw uka ninax tukjani, ukampis Jerusalén markarux janiw kunas kamachkaniti.

Zacarías 12:8

Naya, Tatituw Jerusalén markan jakirinakarux imarakï. Jupanakat wali t'ukhäpkis ukanakax David reyjamaw wali ch'aman tukupxani, Davidat saraqirinakasti Diosar uñtatäniwa, jupanakan nayraqatap sarantir Tatitun angelapjama.

Zacarías 2:12

12 (16) Tatitux wasitat Judá markarux tumpasxani, suma utt'ayat markaparjam qullan uraqina, Jerusalén markarusti wasitat suma ajllit markapäxañapatak qhanañcharakini.

1 Samuel 12:22

Tatitusti sutipan sinti jach'ätap laykux janiw apanukupkätamti, jupasti jumanakarux markapa tukuyasiñ munapxtam.