Jeremías 51:44 - Qullan Arunaka DC

⁴⁴ “Babilonia chiqan Bel sat diosarux mutuyarakï, kuntix manq'antkatayna uksa waq'aqsuyäwa, markanakasti janirakiw jupar yupaychirix jutkxapxaniti. ¡Babilonian pirqanakapax liwirtxiwa!

Aymar Bibliia 1986

⁴⁴ “Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Qullan Arunaca

⁴⁴ “Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:44 Jak'a apnaqawi uñst'ayäwi

2 Crónicas 36:7

Nabucodonosor reyix Tatitun utapan utjir yänakat mä chikat Babiloniarux apasïna, ukatsti Babilonian yupaychañ utaparuw uchäna.

Job 20:15

Kuna qamir yänaktix manq'antkatayn ukanak kutsuyanxi; Tatituw ukanak purakapat apsuyanxi.

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Isaías 21:9

Mä carro pä caballon qatatit jutaskir uñjta” sasa. Ukatsti mayniw saraki: “¡Aynacht'xiwa, aynacht'xiw Babiloniaxa! diosanakapasti uraqirkamaw liwirtxapxi, jisk'a jisk'a t'unjataw uñjasipxi” sasa.

Isaías 60:5

Quta tuqinkir markanakan qamir yänakap apanirapipxätam, markanakan qamir yänakap katuyapxarakïtam, jumasti, ukanak uñjasax walpun kusisïta, chuymamas kusisiñan phuqt'atäniwa.

Jeremías 50:15

¡Nuwasiñ arunak taqi tuqin art'apxam! ¡Babiloniasti niya atipjatäxaniwa! ¡Pukaranakapax liwirtxiwa, pirqanakapas tinkurxarakiwa! ¡Akaw nayan phuqsusiñaxaxa, jumanakasti jupat phuqsusipxarakim! ¡Kunjämtix jupax jumanakampi lurkäna ukhamarak jichhax jupar lurapxam!

Jeremías 50:2

“Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Jeremías 51:18

jan kunatak inamay yänakakiwa, Tatitusti taripäwipanxa ukanak q'al t'unjarakini.

Jeremías 51:34

Jerusalén markasti sarakiwa: “Babiloniankir Nabucodonosor reyix jisk'a jisk'a tukjasaw manq'antitu; ch'usa chuwar uñtat jaytarakitu. Jach'a qutankir jach'a laq'ur uñtataw manq'antitu; nayan suma manq'anakaxampiw sist'asi, ukat jilt'irsti liwtxarakiwa. ¡Babiloniax nayar jan wal luratapat jichhax yatpan! ¡Caldeo jaqinakasti, nayan jaqinakax jiwarayatapat kunatix katuqañapäki uk katuqpan!”

Jeremías 51:47

Ukhamapï Babiloniankir idolonakar mutuyañ urux jutanixa. Taqi aka markpachaw jisk'achjat uñjasini, jaqi jiwaratanakampi phuqhantatarakïniwa.

Jeremías 51:53

Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Jeremías 51:58

Taqi ch'amani Tatitux akham siwa: “Babilonian uka thuru pirqanakapasti q'ala tinkuyatäniwa, uka jach'a punkunakapas ninampi nakhantayatäniwa. Inamayakiw markanakan ch'ama tukutapasa, taqi luratanakapax ninan tukusirakini.”

Daniel (hebreo) 1:2

Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 3:29

Jichhasti nayax arstwa, khiti jaqitix aka waynanakan Diosap tuqi jan wali arunak parlkani ukax kharinuqatäpan, utapasa mayjaru t'unthapitarakïpan, khitïskpasa, kawki markankirïskpasa, kuna arut parlasirïskpasa; ukham qhispiyir yaqha diosax janiw utjkiti” sasa.

Daniel (hebreo) 4:1

1 (31) “Naya, Nabucodonosor reyix muntwa, aka uraqin utjir taqi markanakan jakir jaqinakatakix sumankañasa, taqi kunan phuqt'atäñas utjañapa.

Daniel (hebreo) 4:22

22 (19) uka quqax, juma reyïtawa, jiltasinsti, wali ch'amanipuniw tuktaxa. Jach'a ch'aman kankañamasti alaxpachar puriñkamaw jilxatti, munañanïñamasa taqi aka uraqpacharuw puriraki.

Daniel (hebreo) 5:19

Jupar munañan kankañ churatap laykuw, taqi akapachankir markanakaxa, kunayman parlani jaqinakasa, awkimarux axsarapxänwa, jupa nayraqatan khathatipxarakïnwa. Jupax khitirutix jiwayañ munkäna ukarusti jiwayakïnwa, khitirutix jakayañ munkän ukarus jakayakïnwa, mayninakarux jach'aruw aptäna, yaqhipanakarusti jisk'achjarakïnwa.

Daniel (hebreo) 5:26

uka arunakax akham sañ munaraki: MENÉ aruxa: Tatitux juma reyin marka apnaqañ urunakam jakt'iwa, tukuyapsa chimpt'arakiwa.