Jeremías 51:25 - Qullan Arunaka DC

²⁵ T'unjir qullu, nayax jumatakiw sayt'ta, jumasti taqi aka uraqpacharuw t'unjtaxa. Naya, Tatituw uk arsta. Jichhax jumar mutuyañatakiw amparax aytä, qarqa parkinakatpach jumarux qurumt'ayanïma, mä nakhantat qulluruw tukuyäma.

Aymar Bibliia 1986

²⁵ Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Qullan Arunaca

²⁵ Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Jeremías 51:25 Jak'a apnaqawi uñst'ayäwi

Génesis 11:4

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Salmos 138:7

Chijinakar purkta ukapachaxa, jumaw jakañaxar imtaxa; ch'amamampiw timanakaxan amparapat qhispiyistaxa.

Isaías 13:2

“¡Mä jach'a qullu patxar mä wiphal sayt'ayapxam! ¡Soldadonakarusti nuwantapxañapatak art'apxam! ¡Sarantapxañapatak ampar aytapxam! ¡Punkunakap chiq jilïrinakan mantapxañapataki!

Jeremías 25:12

Uka paqallqu tunka maranaka phuqhasxipansti, Babiloniankir reyiru, markapampirusa juchanak luratanakapat wayt'arakï, ukatsti wiñayatakiw t'unjarakï. Naya, Tatituw uk arsta.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 50:25

Tatituw nuwasiñ yänakap imasiñ utanakap jist'ari, phiñasiñapan nuwasiñ yänakap apsusiraki, taqi ch'aman Tatitu Diosasti Babilonia markarux q'al tukjañapawa.

Jeremías 50:31

Taqi ch'amani Tatitu Diosax siwa: “Ñanqha lurir marka, nayax jumatakiw sayt'ta; juman urumax purinxiwa, jumar mutuyañ pachax purinxarakiwa.

Jeremías 51:53

Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Jeremías 51:58

Taqi ch'amani Tatitux akham siwa: “Babilonian uka thuru pirqanakapasti q'ala tinkuyatäniwa, uka jach'a punkunakapas ninampi nakhantayatäniwa. Inamayakiw markanakan ch'ama tukutapasa, taqi luratanakapax ninan tukusirakini.”

Jeremías 51:7

Babilonia markasti nayan amparaxanxa quri tilinkir uñtatänwa, taqi aka uraqpacharuw umjayarakïna. Markanakasti vinopat umantasaxa, q'al machjasipxäna.

Daniel (hebreo) 4:30

30 (27) ukapachaw jupax säna: “Uñjapxam, kunja jach'as Babilonia markaxa. Nayaw jach'a ch'amaxamp apnaqäwixan jach'a markapäñapatak ukham lurayta, ukhamat nayan jach'a kankañaxat uñacht'ayañataki” sasa.

Zacarías 4:7

¿Khitïtas jumax jach'a qullu? ¡Zorobabelan nayraqatapan pampar tukutaw uñjasïta! Jupaw qallta qalxa uchantani, nayan utax wasitat lurañataki, markaxax kusisiñat arnaqasini: ‘¡Kunja sumas akaxa! ¡Kunja sumasa!’ ” sasa.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

Apocalipsis 8:8

Ukxarusti payïr angelaw trompetap phust'äna, ukatsti nina nakhaskir jach'a qullükaspas ukar uñtataw jach'a qutar liwintatarakïna, jach'a qutasti niya chikatan chikatapaw wilar tukxäna.