Jeremías 51:20 - Qullan Arunaka DC

²⁰ “¡Babilonia, jumax nayatak mä jach'a martilljamätawa, nuwasïwin nuwasiñatak yänakjamätawa. Jumampiw markanaksa, marka apnaqäwinaksa t'unjarakta.

Aymar Bibliia 1986

²⁰ “¡Babilonia, jumajj nayan amparajjanjja mä jach'a martilljamätawa!, guerran nuwasiña armajjaraquïtawa. Jumampiw marcanacsa, reyinacan apnakañanacapsa t'unjaractjja.

Qullan Arunaca

²⁰ “¡Babilonia, jumajj nayan amparajjanjja mä jach'a martilljamätawa!, guerran nuwasiña armajjaraquïtawa. Jumampiw marcanacsa, reyinacan apnakañanacapsa t'unjaractjja.

Jeremías 51:20 Jak'a apnaqawi uñst'ayäwi

Isaías 10:15

Tatitux siwa: Asiriankir reyix pantjasitawa, hachasa, lawa khuchhuñasa janiw apnaqiripat juk'amp askïkiti. ¡Kawkhansa utjatäna mä thujruxa, khititix apnaqki ukar apnaqatapaxa!

Isaías 10:5

“Tatitux siwa: Nayax wali q'apisitätwa; ukat Asiriankir reyimpiru, ñanqhachapkitu ukanakampirux mutuyä.

Isaías 13:5

Wali jaya markat jutapxi, jaqin jan uñjkat jaya markata. Tatitu pachpaw q'apisiñapan yänakamp phuqt'at juti, markpachar t'unjañatakiw juti.

Isaías 37:26

Ukampisa, ¿janit jumasti nayan Tatitütax yatkäyätasti? ¿Janit nayan taqi ukanak ukham lurayatax yatkäyätasti? Nayra urunakatpach ukham lurañanak amtayäta, jichhasti ukanak phuqhaskarakta; ukatpï jumax suma pirqantat markanak t'unjtaxa, t'unanakäkaspas ukham mayjar qullucharaktaxa.

Isaías 45:1

Tatituw Ciro chacharux Persia markan reyipat utt'ayi, markanakaruw atipjayi, reyinakaparusti jan nuwaskir antuti. Tatitusti taqi markanakarux Ciro reyir jan saykatkir luri. Ukat saraki:

Isaías 8:9

Markanaka, tantacht'asipxam, mulljatäñamp phuqhantasipxam; taqi jayankir markanaka, aka arunak ist'apxam: Nuwasiñatakis wali wakicht'atäsipkäta ukasa, tukjatakipunïsipkätawa; jïsa, nuwasiñatakis wali wakicht'atäsipkäta ukasa, t'unjatakipunïsipkätawa.

Jeremías 25:11

Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 50:23

¡Babilonia marka, jumax mä martillor uñtatäyätawa, taqi aka uraqpacharuw liq'jarakïyätaxa, jichhasti jan kunatak askikïxtawa; ¡jisk'a jisk'a p'akinuqataw uñjastaxa, yaqha markanakasa, ukham uñjasin wal muspharapxi!

Ezequiel 21:11

11 (16) maynin apxaruñapatak ukham llijkir tukuyatawa. Espadasti ariptayatawa, suma llijkir tukuyatawa, jaqi jiwayirin amparapar katuyañataki.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Miqueas 4:12

Ukampis uka markanakax janiw Tatitun amuyunakapsa, amtatanakapsa yatipkiti; kunjämtix Tatitux jupanakarux trigor uñtat pich pichu jawq'suñatak apthapkani ukxa.

Miqueas 4:13

¡Jerusalén marka, jichhax tukjañatak sartasim! Tatitusti siwa: “Nayaw jumarux mä urqu vacarjama ch'am churäma, waxranakamas hierrotjamarakïniwa, kayu sillunakamas broncetjamaraki, ukhamat walja markanakar t'unjañamataki. Kuna yänakaptix lunthatasiñampi jikxatatäki ukanakxa, jumaw q'al aparäta, uksti nayaruw katuyxitäta, aka uraqpachan Tatituparu.”

Nahúm 2:1

1 (2) Nínive marka, jumar t'unjirix jutantaskiwa. ¡Soldadonakam tantachthapim! ¡Thakhi sum uñch'ukirakim! ¡Espadam apxarusim! ¡Walpun ch'amañcht'asim!

Zacarías 10:4

Jupanak taypit Wakiskir Qalax mistuni, chhujllu Ch'akurusa, nuwasïwin Mich'i antutt'añasa. Jupanak taypit irpirinakax misturakini.

Mateo 22:7

Uk yatisinxa, reyix wal phiñasïna, ukat soldadonakaparux khithäna uka jiwayir jaqinakar jiwarayaniñapataki, markaparus ninampi phichhantañapataki.