Jeremías 51:14 - Qullan Arunaka DC

¹⁴ Taqi ch'amani Tatitusti, jakañap laykuw juramentompi arsu: “¡Uñisirinakamampisti t'iju t'iju laq'unakampjamaw phuqhantäma, jupanakasti jumar atipjasinxa jach'at arnaqasipxani!”

Aymar Bibliia 1986

¹⁴ Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Qullan Arunaca

¹⁴ Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Jeremías 51:14 Jak'a apnaqawi uñst'ayäwi

Salmos 105:34

Diosax t'iju t'ijunakan puriniñapatakix aruk arsüna, jan jakht'kay t'iju t'ijunakaw purintanïna,

Jeremías 44:26

Ukampisa, Judá uraqit aka Egipto markar jakiri jutapkta ukanaka, ist'apxam, kuntix naya Tatitux sapksma uka arunaka: Nayax juramentompiw jach'a sutixxaru arsta, janipuniw maynis Judá uraqit jutir jaqinakax nayan sutix aka Egipto uraqin aytaskxaniti: ‘Tatitun sutipxaru’ sasaxa.

Jeremías 46:23

¡Uka jach'a ch'uminakapsti phat'arpayapxaniwa! Naya, Tatituw uk arsta. T'iju t'ijunakjam waljanipunïpxänwa, jan khitinsa jakt'kañjamaraki.

Jeremías 49:13

Naya, Tatituw juramentompi uk arsta: Bosrá markasti ch'usa wasarar tukuyataw uñjasini, q'ala t'unjata, jaqinsa uñtkañ jisk'achjata, ñanqhachjataw uñjasini, yaqha markanakasti, wiñayatak t'unjataw uñjasirakini” sasa.

Jeremías 50:15

¡Nuwasiñ arunak taqi tuqin art'apxam! ¡Babiloniasti niya atipjatäxaniwa! ¡Pukaranakapax liwirtxiwa, pirqanakapas tinkurxarakiwa! ¡Akaw nayan phuqsusiñaxaxa, jumanakasti jupat phuqsusipxarakim! ¡Kunjämtix jupax jumanakampi lurkäna ukhamarak jichhax jupar lurapxam!

Jeremías 51:27

“¡Markansti nuwantañatak yatiyapxam! ¡Trompetanak phust'apxam, markanakarus wakicht'apxarakim, Babiloniar nuwantapxañapataki! ¡Ararat, Miní, Askenaz uka markanakax Babiloniar nuwantapxpan! ¡Nuwasïwi sarayiritakisti mä jilïri chhijllt'asipxam! ¡Caballeriarusti wali qhuru t'iju t'ijunakarjam nayraqatar ant'apxam!

Joel 2:25

“Jumanakar tukjañatak t'iju t'ijunak khithankta uka maranakatxa, nayaw kuttayxapxäma.

Amós 6:8

Taqi ch'amani Tatit Diosaw qhanpach arsu akham sasa: “Jacobun markapan jach'a jach'a tukutap uñistwa, reyi utanakapsa uñistwa; marksti uñisirinakaparuw katxaruyä, kunatix ukan utjki ukanakamppach katxaruyäxa.”

Hebreos 6:13

Kunapachatix Diosax Abrahamar “Churämaw” siskän ukapachaxa, jupa pachpatakiw juramento luräna, janiw jupat juk'ampi yaqha jilïrix juramento lurañatak utjkänti,

Jueces 6:5

Jupanakax chhujlla utanakapampi, ukhamarak walja uywanakapampi jutasin taqi kunanak tukjayapxäna. Jupanakax t'iju t'ijunakar uñtataw walja camellonakapampi jutantapxäna.