Jeremías 51:11 - Qullan Arunaka DC

¹¹ Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Aymar Bibliia 1986

¹¹ Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Qullan Arunaca

¹¹ Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:11 Jak'a apnaqawi uñst'ayäwi

1 Reyes 11:14

Ukatsti Tatitux mä uñisirip Salomón reyitakix sartayäna: Edom markan reyinakapat saraqiri, Hadad sata edomita jaqiru.

1 Reyes 11:23

Ukhamarusa, Diosax Rezón sat chacharuw Salomón reyin uñisiripat sayt'ayarakïna. Rezón chachax Eliadá chachan yuqapänwa, jupax Sobá chiqankir Hadad-ézer reyin uywiripat jaltxatayna.

1 Crónicas 5:26

Ukat Israelan Diosapax Asiriankir Pul sat reyiru, jan ukax Tiglat-piléser sat reyir amtayäna, jupaw rubenitanakaru, gaditanakaru, Manasés ayllunkir chikat jaqiparux alisnuküna; ukatsti jupanakarux Halah, Habor, Hará, Gozán jawiraruw anakiyäna, ukat jichhürkam ukan jakasipki.

2 Crónicas 36:22

Persia markankir Ciro reyin nayrïr mara marka apnaqkän ukkhasti, Jeremías tuqi Tatitun arupax yatiyatäkän uk phuqhasiñapatakix, Tatituw Ciro reyirux ch'amañchäna, taqi markanakapan aru tuqi, qillqat tuqi aka arunak yatiyasiñapataki:

Esdras 1:1

Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Isaías 10:26

Naya, Taqi ch'amani Tatituw jupanakarux mutuyä, kunjämtix Madianitanakarux Oreb qarqa jak'an tukjkta ukhama, Asiriatakisti ch'amax uñacht'ayarakï, kunjämtix Egiptotakix uñacht'aykta ukhama.

Isaías 21:2

Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 21:5

Manq'añawjax niya wakicht'atäxiwa, jant'akunakas jant'akt'atarakiwa, jach'a manq'äwix niya qalltxarakiwa. ¡Soldadonakan jilïripa, sayt'asipxam, jark'aqasiñanakam sum llijtayapxam!

Isaías 41:25

Tatitux saskakiwa: “Persia markat mä reyiw juti, nayax sutipat jawsarakta, jupax marka apnaqirinakaruw takxatani. Amsta tuqit purintanini, sañu lurir jaqix ñiq'i taksux ukham taksuni.

Isaías 45:1

Tatituw Ciro chacharux Persia markan reyipat utt'ayi, markanakaruw atipjayi, reyinakaparusti jan nuwaskir antuti. Tatitusti taqi markanakarux Ciro reyir jan saykatkir luri. Ukat saraki:

Isaías 45:5

Nayätwa Tatituxa, nayat yaqha Diosax janiw utjkiti. Nayaw jumarux nuwasiñatak wakichsma, janis jumax nayar uñt'kchiyästa ukasa,

Isaías 46:11

Persia markat mä jaqiruw jawsta, ukasti Ciro sat reyiwa; jupax aycha manq'an jamach'ir uñtataw jaya markat jutani, juparakiw amtatanakaxsa phuqhani. Mä amtataxaw utji, uka amtataxsti phuqharakïwa. Ukhamapunïniwa.

Jeremías 25:25

Zimri, Elam, Media siski uka markan reyinakaparusa;

Jeremías 46:3

“¡Jark'aqasiñanakam wakichasipxam! ¡Nuwasir sarantapxam!

Jeremías 46:4

¡Caballonak karunt'apxam! ¡Caballonakar lat'xatapxam! ¡Casconakam asxatasipxam, mä siqik uskt'asipxam! ¡Lanzanak ariptayapxam! ¡Qhawanakampi uchasipxarakim!

Jeremías 46:9

“¡Caballeriax sarantpan! ¡Nuwasiñ carronakas sarantarakpan! ¡Soldadonakasti sarantapxpan; Etiopía, Libia tuqinkir soldadonakasti jark'aqasiñanakap apt'at sarantapxpan; Lidiankir soldadonakasti, mich'inak antutt'añanakap sum jiyantapxpan!

Jeremías 50:25

Tatituw nuwasiñ yänakap imasiñ utanakap jist'ari, phiñasiñapan nuwasiñ yänakap apsusiraki, taqi ch'aman Tatitu Diosasti Babilonia markarux q'al tukjañapawa.

Jeremías 50:3

Amsta tuqit mä markax jutanti, Babilonia markar nuwantasin t'unjani. Jaqinakasa, uywanakasa, taqiniw ukkhat jaltxapxani, janirakiw khitis ukan wasitat jakxaniti” sasa.

Jeremías 50:45

Babilonia markatak naya, Tatitun amtatanakax ist'apxam; kuna amuyt'äwinaktix caldeonakatakis amtkarakta ukanaka. Jisk'a wawanakas taqpachan apatäpxaniwa, markapasti q'ala t'unjatarakïniwa.

Jeremías 50:9

Nayaw amsta tuqinkir ch'aman markanakampi Babilonia markarux nuwantayä. Jupar katuntañatakix wakicht'asipxaniwa. Nuwasiñataki suma yatxatat jaqinakäpxiwa, mich'inakapsti jan pantjasaw antutt'apxi.

Jeremías 51:12

¡Nuwantañatak yatiyapxam! ¡Babilonia markan pirqanakap liwinukupxam! ¡Uñjirinaksti yapxatapxam! ¡Imantasisin babilonionakar suyxatapxam! ¡Sipitar jalt'ayapxarakim! Nayätwa Israelan Diosapaxa, Babilonia markar lurañ amtataxsti phuqhapunïwa.

Jeremías 51:24

“Judá markankirinaka, jumanakan uñjkataw Babilonia markarusa, ukan jakirinakarusa, kunjämatix jupanakar churañax wakiski ukhamarjam churarakï, Jerusalenar ñanqhanak lurapxatapata. Naya, Tatituw uk arsta.

Jeremías 51:36

Tatitux siwa: “Nayaw jumarux chiqapar uñjäma, uñisirinakamatsti phuqsusirakïwa. Babiloniankir jawiranaksa, uma phuch'unaksa q'al wañsuyarakïxa,

Daniel (hebreo) 5:30

Ukatsti uka arumpachaw Belsasar reyir jiwayxapxäna, jupasti caldeo jaqinakan reyipänwa, ukatsti Media uraqinkir Darío reyiw uka marka apnaqäwi katuntasxarakïna. Ukapachasti Darío reyix suxta tunk payan maranïnwa.

Joel 3:10

10 (10) Azadonanakapatsti espadanak lurasipxpan, jusinakapatsti lanzanak lurasipxpan, pisi ch'aman jaqisti sispan: “¡Nayax ch'amanïtwa!” sasa.

Joel 3:9

9 (9) Markanakarusti akanak yatiyapxam: ¡Ch'axwañatak wakicht'asipxam! ¡Wali ch'aman jaqinakar jawsapxam! ¡Ch'axwanakan nuwasir jaqinakasti jutapxpan, jupanakaw nuwasir sarapxani!

Levítico 26:25

Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Zacarías 14:12

Ukampis Jerusalenampi nuwasiri markanakarux, Tatitux walpun mutuyani: jaqinakapan janchipas jakkirpacharuw ñusantani, nayranakapasa, laxranakapas pachparuw wañsurakini.

Zacarías 14:2

Uka uruw Tatitux taqi markanakar tantachthapini, Jerusalenampi nuwasipxañapataki. Markaru katuntasasti, utanakapat yänakap lunthatsupxani, warminakaparus warmisipxaniwa, chikatpach jaqinakaparux katuntat apapxarakini. Jilt'irinakakiw ukan qhiparani.