Jeremías 50:9 - Qullan Arunaka DC

⁹ Nayaw amsta tuqinkir ch'aman markanakampi Babilonia markarux nuwantayä. Jupar katuntañatakix wakicht'asipxaniwa. Nuwasiñataki suma yatxatat jaqinakäpxiwa, mich'inakapsti jan pantjasaw antutt'apxi.

Aymar Bibliia 1986

⁹ Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Qullan Arunaca

⁹ Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Jeremías 50:9 Jak'a apnaqawi uñst'ayäwi

2 Samuel 1:22

“Saúl reyimpi, Jonatanampix, janipuniw espadanakapsa, mich'inakapsa uñisirin wilapampiru, lik'ipampir jan chilltasax kuttanipxirïkänti.

Cantar de los cantares 3:8

taqpachaniw jupanakax espada apnaqañ yatipxi, nuwasiñatakix suma yatsutäpxiwa; axsarkañ ch'amak arumanakatakisti sapa mayniw espadanakap wak'apar apapxi.

Isaías 21:2

Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 41:25

Tatitux saskakiwa: “Persia markat mä reyiw juti, nayax sutipat jawsarakta, jupax marka apnaqirinakaruw takxatani. Amsta tuqit purintanini, sañu lurir jaqix ñiq'i taksux ukham taksuni.

Jeremías 15:14

Juman jan uñt'at uraqinxa, uñisirinakaman t'aqhisiyatap tukuyarakïma, phiñasiñaxasti ninjamaw jumar nakhantañatakix aqtani.”

Jeremías 25:14

Babilonionakarusti, jach'a markanaka, ch'aman reyinakaw t'aqhisiyas apnaqapxarakini. Ukhamat kunatix jan wali luratanakapat katuqañapax wakiski uk churä.’ ”

Jeremías 25:26

amsta tuqinkir taqi reyinakarusa kawkïrinakatix jak'a pura jakapki ukanakarusa. Taqi akapachan utjir markanakaruw umañapatak churta. Qhiparusti Babiloniankir reyiw umt'arakini.

Jeremías 50:14

“¡Mich'i antutt'añ apnaqir nuwasirinaka, Babilonia markar muyuntapxam! ¡Uka marka tuqir taqpach mich'inakam antutt'apxam, naya Tatitutak jucha lurapxatap layku!

Jeremías 50:21

“Merataim markar nuwantapxam, Pecod markankirinakar nuwantapxarakim. ¡Arktapxam, q'al t'unjapxam! ¡Nayan arsutaxarjam taqi phuqhapxam! Naya, Tatituw uk arsta.”

Jeremías 50:26

¡Taqi tuqit Babilonia markar nuwantapxam! ¡Grano imasiñanakap jist'arapxam, uka granonak q'al apasxapxam! ¡Taqi yänakapsa mayjar apthapisin t'unjapxam! ¡Janirak kunas jupatak jilt'panti!

Jeremías 50:29

“¡Nuwantir jaqinakax jutapxpan, Babiloniar nuwantapxpan! ¡Uka markar muyuntapxpan, ukhamat jan maynis jaltañapataki! Babilonia markax nayaruw saykatitu. ¡Lurataparjam jupanakarux churapxam! ¡Kunjämtix jupax mayninakar lurki, ukhamarak jumanakax jupar lurapxam! Nayätwa Israel markan Diosapaxa, nayax yaqha diosanakat sipansa mayjapunïtwa.

Jeremías 50:3

Amsta tuqit mä markax jutanti, Babilonia markar nuwantasin t'unjani. Jaqinakasa, uywanakasa, taqiniw ukkhat jaltxapxani, janirakiw khitis ukan wasitat jakxaniti” sasa.

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!