Jeremías 50:2 - Qullan Arunaka DC

² “Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Aymar Bibliia 1986

² “Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Qullan Arunaca

² “Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 50:2 Jak'a apnaqawi uñst'ayäwi

Salmos 64:9

9 (10) Taqiniw ukapachax Diosar jach'añchapxani, luräwinakapat yatiyapxani; luratanakap amuyapxarakini.

Salmos 96:3

Aytat kankañapat markanakar yatiyapxam, muspharkañ luräwinakapat taqi jaqinakar parlapxam,

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Isaías 12:4

ukat sapxarakïta: “Tatitur yuspagarapxam, jupar art'asipxam, markanakarusti kuntix jupax lurki ukanak yatiyapxam, jupan aka uraqpachan jilïrïtap amtayapxam.

Isaías 13:2

“¡Mä jach'a qullu patxar mä wiphal sayt'ayapxam! ¡Soldadonakarusti nuwantapxañapatak art'apxam! ¡Sarantapxañapatak ampar aytapxam! ¡Punkunakap chiq jilïrinakan mantapxañapataki!

Isaías 21:9

Mä carro pä caballon qatatit jutaskir uñjta” sasa. Ukatsti mayniw saraki: “¡Aynacht'xiwa, aynacht'xiw Babiloniaxa! diosanakapasti uraqirkamaw liwirtxapxi, jisk'a jisk'a t'unjataw uñjasipxi” sasa.

Isaías 37:19

diosanakapsa ninampiw nakhantayapxi, ukanakax janiw chiqpach diosäpkänti, jan ukasti lawata, qalata jaqin lurat diosanakakïnwa. Ukat t'unjapxixa.

Isaías 39:1

Ukapachasti, Baladán sat jaqin Merodac-baladán yuqapax Babilonia markan reyipänwa, Ezequías reyin usupat k'umaraptxatapat yatisinxa, qillqatanakampi waxt'äwinakampi uka khithanakaparux apayanïna.

Isaías 46:1

Bel diosax aynacht'iwa, Nebo diosasti uraqiruw liwnuqti. Uka diosanakax uywanakxar khumutawa, qarjat uywanakatakisti mä jathi khumuwa.

Isaías 48:20

Babiloniat mistunxapxam, caldeonakatsti jaltanxapxam; aka yatiyäwsti kusisiñampi arnaqt'asis yatiyapxam, aka uraqi tukuskam yatiyapxam. Sapxarakim: “Israel luqtiriparux Tatituw qhispiyi” sasa.

Isaías 48:6

Jumatix sum amuyt'äta ukaxa, chiqaw, sañamax wakisirakiwa. Jichhax machaq yatiyäwinak yatiyäma, kunanaktix jumax jan yatkäyäta ukanaka,

Jeremías 10:11

(Jumanakasti, israelitanaka, Tatitur jan uñt'ir jaqinakarux sapxam: “Kawkïr diosanakatix alaxpachsa, akapachsa jan lurki ukanakax aka uraqit chhaqtayatäpxaniwa; janirakiw mayas ukanakat aka uraqin qhiparkaniti”).

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 31:10

“Markanaka, Tatitun arunakap ist'apxam, jach'a quta jaya thiyanakan yatiyapxam: ‘Tatitux Israel markarux ananukünwa, ukampis jichhax tantachthapxaniwa, ukatsti sumarak uñjani, awatirir uñtataw ovejanakap sum uñjasxani” sasa.

Jeremías 4:16

“Markanakaru, Jerusalén markarusa yatiyapxam, uñisirinakax mä jaya markat jutantapxi, nuwasiñatak arnaqt'asisaw jutantapxi, Judá uraqinkir markanakar t'unjiriw jutantapxi.

Jeremías 4:6

Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Jeremías 50:46

Babilonia markan t'unasitapasti wali jach'at ist'asini, uraqis uk ist'asax khathatiniwa, arnaqasitapasti yaqha markanakkamaw ist'asini.

Jeremías 51:12

¡Nuwantañatak yatiyapxam! ¡Babilonia markan pirqanakap liwinukupxam! ¡Uñjirinaksti yapxatapxam! ¡Imantasisin babilonionakar suyxatapxam! ¡Sipitar jalt'ayapxarakim! Nayätwa Israelan Diosapaxa, Babilonia markar lurañ amtataxsti phuqhapunïwa.

Jeremías 51:27

“¡Markansti nuwantañatak yatiyapxam! ¡Trompetanak phust'apxam, markanakarus wakicht'apxarakim, Babiloniar nuwantapxañapataki! ¡Ararat, Miní, Askenaz uka markanakax Babiloniar nuwantapxpan! ¡Nuwasïwi sarayiritakisti mä jilïri chhijllt'asipxam! ¡Caballeriarusti wali qhuru t'iju t'ijunakarjam nayraqatar ant'apxam!

Jeremías 51:31

Yatiyirinakasti mayni mayniw Babilonian reyipan ukar sarapxi, markapan q'ala katuntatätapat yatiyiri.

Jeremías 51:44

“Babilonia chiqan Bel sat diosarux mutuyarakï, kuntix manq'antkatayna uksa waq'aqsuyäwa, markanakasti janirakiw jupar yupaychirix jutkxapxaniti. ¡Babilonian pirqanakapax liwirtxiwa!

Jeremías 51:47

Ukhamapï Babiloniankir idolonakar mutuyañ urux jutanixa. Taqi aka markpachaw jisk'achjat uñjasini, jaqi jiwaratanakampi phuqhantatarakïniwa.

Jeremías 51:52

Ukampis Tatitux siwa: “Babiloniankir idolonakar mutuyañ urux jak'achasisinkiwa, usuchjatanakax taqi uraqpachan wararipxani.

Jeremías 51:8

Ukampis akatjamat Babiloniax jisk'a jisk'a t'unjat uñjasi. ¡Jichhax jupatjam jachapxam! Qullanak chhuxrinakapatak apanipxam, inach qullasini.”

Jeremías 52:31

Judá uraqinkir Joaquín reyix niya kimsa tunka paqallqun mara apanukut uñjaskän ukkhasti, tunka payan phaxsi saraqataruw Evil-merodac sat reyix Babilonia marka apnaqañ qalltxäna, jupasti Joaquín reyit khuyapt'ayasïnwa, ukat carcelat irpsxarakïna.

Jeremías 6:18

Ukatpï jichhax Tatitux sixa: “Markanaka, ist'apxam, kunanakatix markaxampi luraskani ukanak yatipxarakim.

Daniel (hebreo) 1:2

Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 3:14

reyix jupanakar jiskt'änwa: —¿Chiqapunit jumanakasti diosanakaxampiru, qurit luraykta uka diosarusa jan yupaychapktasti?

Sofonías 2:11

Tatitusti jupanakampix wali axsarkañanak lurani. Markanakan diosanakapsa q'al t'unjani, taqi chiqan jakir jaqinakasa, quta wat'anakan jakir jaqinakas juparukiw yupaychapxarakini.

Apocalipsis 18:2

Wali jach'at art'asirakïna: “¡Aynacht'xiwa, jach'a Babiloniax t'unjatawa! ¡Supayanakan utjäwiparuw tukuwayi, kunayman ñanqha ajayunakan putuparuw tukuwayi, kunayman q'añu jamach'inakan tapaparuw tukuwayi, q'añu qhuru uñisit animalanakan tapaparuw tukuwayxaraki!