Jeremías 50:12 - Qullan Arunaka DC

¹² Ukampis yurïwi markamax mä p'inqaw qhiparani. Taqi markanakat sipansa qhipankapuniniwa, ch'usa waña wasararu, jan jaqini tukuyatarakïniwa.

Aymar Bibliia 1986

¹² Ucampisa marcamajja, uqhamaraqui nacïwima marcamasa, mä p'enkaw khepararaquini. Take marcanacat sipansa khepancapuniniwa, waña wasararu, jan jakeni tucuyataraquïniwa.

Qullan Arunaca

¹² Ucampisa marcamajja, uqhamaraqui nacïwima marcamasa, mä p'enkaw khepararaquini. Take marcanacat sipansa khepancapuniniwa, waña wasararu, jan jakeni tucuyataraquïniwa.

Jeremías 50:12 Jak'a apnaqawi uñst'ayäwi

Isaías 14:22

Taqi ch'amani Tatitux siwa: “Jupanakampiw jichhax nuwasï, Babilonia sutsti chhaqtayäwa, ukan utjirinaksa, wawanakapamppacha, allchhinakapamppach chhaqtayä.

Isaías 23:13

Tiro, Sidón markankirinaka, kunarutix Babilonia markax purt'aski uk uñtapxam. Uka markax janiw utjkxiti, Asiria markan ejercitopaw tukjawayxi. Soldadonakax nuwantañatak torrenak lurasipxi, Reyi utanakap q'al tukjawayapxi. Jichhasti wasarankir laq'unakakiw uka taypin jakasxapxi.

Jeremías 12:14

Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 15:9

Walja wawanakan taykanakasti, jan ch'amaniw liwirtapxi; p'inqachata, jisk'achjataraki, lupi qhanasa jupanakatakix ch'amakt'xiwa. Jupanakat yaqhipanakatix jakasipkani ukanakaruxa, uñisirinakapampiw jiwarayarakï. Naya, Tatituw uk arsta.”

Jeremías 22:6

Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Jeremías 25:12

Uka paqallqu tunka maranaka phuqhasxipansti, Babiloniankir reyiru, markapampirusa juchanak luratanakapat wayt'arakï, ukatsti wiñayatakiw t'unjarakï. Naya, Tatituw uk arsta.

Jeremías 25:26

amsta tuqinkir taqi reyinakarusa kawkïrinakatix jak'a pura jakapki ukanakarusa. Taqi akapachan utjir markanakaruw umañapatak churta. Qhiparusti Babiloniankir reyiw umt'arakini.

Jeremías 49:2

“Jichhax walikiwa, Naya, Tatituw arsta: Amón uraqinkir Rabá markan nuwasiñ art'asïwi ist'añap urux purininiwa; mayjar apthapit t'unjamaw tukuni, markanakapansti ninaw nakharakini. Ukapachaw Israelax markanakap wasitat tumpasxani. Naya, Tatituw uk arsta.

Jeremías 51:43

Markanakapasti axsarkañ ch'usa wasarar tukuyatawa, waña, llakiskañ uraqir tukuyatawa, janiw ukan mä jaqis jakkiti, janiw khitis uka chiqa sarakipkarakiti.

Jeremías 51:47

Ukhamapï Babiloniankir idolonakar mutuyañ urux jutanixa. Taqi aka markpachaw jisk'achjat uñjasini, jaqi jiwaratanakampi phuqhantatarakïniwa.

Gálatas 4:26

Ukampis Sara warmix machaq arust'äwiruw uñtasi, uka tuqiw jiwasanakax alaxpachankir Jerusalén markan wawanakapäpxtan.

Apocalipsis 17:5

paraparusti jan uñt'at sutiw qillqata utjäna, uka sutisti akhamänwa: “Jach'a Babilonia, q'añusirinakan taykapa, akapachan utjir taqi ñanqhanakampina, uñisiñäki ukanakampin taykapa” sasa.