Jeremías 5:24 - Qullan Arunaka DC

²⁴ Janiw amuythapisipktati, janirakiw sapktasa: ‘Tatitu Diosasarux axsartañäni, jupaw qhipa, nayra jallsa wakisitapar apayanistu, pachaparuw achunak apthapiyarakistu’ sasa.

Aymar Bibliia 1986

²⁴ Janiw amuythapisipcaractasa, ni sapcaractasa: Tatitu Diosasarojj ajjsartañäni, horasaparuw khepa, nayra jallsa apayanistu, uqhamaraqui cosecha apthapiñ horasas apayaniraquistu.

Qullan Arunaca

²⁴ Janiw amuythapisipcaractasa, ni sapcaractasa: Tatitu Diosasarojj ajjsartañäni, horasaparuw khepa, nayra jallsa apayanistu, uqhamaraqui cosecha apthapiñ horasas apayaniraquistu.

Jeremías 5:24 Jak'a apnaqawi uñst'ayäwi

Génesis 8:22

“Aka uraqin utjañapkamasti, yapuchañasa, yapu apthapiñas utjapuniniwa, junt'usa, thayasa, juyphipachasa, jallupachasa, urusa, arumasa utjaskakipuniniwa” sasa.

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

Job 29:23

jupanakasti nayan arunakax wali suyt'apxirïna, lupi urunakan jallux suyt'atäki ukhama.

Job 38:37

¿Khitirak wali ch'ikhi kankañani qinayanak jakht'añatakisti? ¿Khitirak uka qinayanakat jalluyanirakispa,

Job 5:10

Jupaw akapachar jallu apayani, ukampiw yapunak qarpanti;

Salmos 147:8

Jupaw alaxpacharux qinayanakamp phuqhanti, uraqitak jallu wakichi, ch'umi manqhanakan quranak ch'uxñaptayi,

Salmos 65:9

9 (10) Jumaw akapach uraq uñjasktaxa; jallumpiw achunak utjaytaxa; jilarkir uma qarpampiw trigo yapunak jilaraytaxa. ¡Ukham lurasaw uraq wakichtaxa!

Isaías 64:7

7 (6) Janiw khitis jumar mayisirix utjkiti, janirakiw khitis jumar alkatirix utjkiti; ukatpï nanakat imantasxtaxa, jucha luratanakaxat apanukupxistaxa.

Jeremías 10:13

Jach'a arupampisti, alaxpachanak wal qhuthutiyi, qinayanakarusti jayanakat sarthapiyani, jach'a lliju llijunak taypina, jach'a thayanak sartayasin Tatitux jallu purintayi.

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 5:22

Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Jeremías 50:5

Jerusalén markar sarir thakhit jiskt'asipxani, ukatsti uksaruw akham sasa sarapxarakini: ‘Tatitun ukar sarxañäni, jupampisti wiñayatak mä arust'äwi lurañäni, jan mayampitak armaskiri’ sasa.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Joel 2:23

¡Sionan utjir jaqinaka, kusisipxam, Tatitu Diosamampi kusisipxam! Jupaw wakisit urun jallu apayanipxtam, nayra jallsa, qhipa jallsa puriyaraki, kunjämtix nayra pachax apayankän ukhama.

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Zacarías 10:1

Tatitur jallupach jallunak mayipxam, lliju llijunak utjayir Tatituw walja jallunak apayanini, taqiniruw pampankir ch'uxñanak churarakini.

Mateo 5:45

Ukhamat jumanakax alaxpachankir Awkiman wawanakapäpxäta; jupaw inti jalsuyani jan wali jaqinakatakisa, aski jaqinakatakisa, juparakiw jallu apayani, aski jaqinakatakisa, jan wali jaqinakatakisa.

Hechos 14:17

Ukampis Diosax aski luratapampiw jupanakar uñacht'ayäna jupan jakatapa, alaxpachat jallunak apayanisa, suma achunak apayanisa, manq'añanak utjayasa, chuyman kusisiñ churasa.

Deuteronomio 28:12

Ukatsti jumatak suma imasitap jist'aranini, ukasti alaxpachawa, uraqinakamar wakisit pachapar jallu puriyaniñataki; ukatsti taqi irnaqäwinakamarux askinakampiw phuqt'ätam. Jumax walja markanakaruw mayt'äta, ukampis jumax janiw khititsa mayt'askätati.

Santiago 5:7

Ukampis jilatanaka, jumanakax Tatitun jutañapkamax llamp'u chuymanïpxam. Yapuchir jaqix achunak apthapiñatakix llamp'u chuymampiw jallupachan qalltañap suyt'i.

Apocalipsis 11:6

Jupanakax alaxpach jist'antañatakisa munañanïpxiwa, Diosat katuqat arunak parlapkani uka urunakan jallun jan puriñapatakisa, umanakan wilar tukuñapataki, akapach jaqinakar kunayman mutuñanakampi munataparjam qawqha kuti t'aqhisiyañatakis munañanïpxarakiwa.