Jeremías 5:17 - Qullan Arunaka DC

¹⁷ Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Aymar Bibliia 1986

¹⁷ Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Qullan Arunaca

¹⁷ Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Jeremías 5:17 Jak'a apnaqawi uñst'ayäwi

Isaías 62:8

Tatitusti ch'amani kupi amparap aytasaw juramento luri: “Janipuniw mayampsa uñisirinakamampix juman trigom manq'aykäti, kuna ch'amamampitix jikxataskta uka vinomsa janirakiw jaya markat jutir jaqinakampix umaykäti;

Isaías 62:9

jan ukasti jumanakpachaw yapu apthapisisipkäta, manq'asisax nayaruw yupaychapxitäta; uvanaksti jumanakaw apthapisisipkäta, vinsa, qullan utaxan anqäxanakapan umasisipkäta.”

Isaías 65:22

Janiw ukan maynix yaqhan jakasiñapatak utachkaniti, janirakiw maynix yaqhan askipatak yapuchkaniti. Markaxax mä quqar uñtata walja maranakaw jakasini; ajllitanakaxasti kuntix amparapampi lurasipki ukat manq'asipxani.

Jeremías 1:15

Naya, Tatituw uk arsta, amsta tuqinkir marka apnaqäwinakaruw jawsarakï. Reyinakapasti jutasinxa, pachpa Jerusalén marka mantañaruw reyi qunuñanakap uskusipxani, muyuntki uka pirqanakapa uñkatasiru, Judá uraqin utjir taqi markanak nayraqataru.

Jeremías 25:37

Tatitux walpun phiñasi, ukat uka suma ch'uxña pampanakap t'unji.

Jeremías 4:26

Suma uraqinakasti, jichhax ch'usa wasarar tukuyatänwa, taqi markanakasti q'ala t'unjatarakïnwa. Taqi akanaksti Tatitun jach'a phiñasiñapaw ukham luratayna.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 5:18

Tatitusti saskakiwa: “Ukampis uka urunakan janiw taqpach t'unjkäti.

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Jeremías 8:13

Tatitux siwa: “Markaxarux trigor uñtat yawinukü. Janiw uva yapun mä uvasa qhiparkaniti, janirakiw mä sapa higosa higo quqan qhiparkaniti. Pharsut laphinakakiw qhiparxani.”

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Lamentaciones 2:12

Wawanakasti taykanakaparux sapxänwa: “¡Janiw t'ant'asa, vinosa utjkxistuti!” sasa. Markan thakhinakapansti wawanakax jiwaratjamaw liwirtapxäna, taykanakapan amparanakapan samaqkäwiw amukt'awayxapxäna.

Lamentaciones 2:2

Tatitux Jacobun utanakap jan mayan t'unjawayi; Suma Judá markan pirqanakapsti phiñasiñapan atipjataw q'al t'unjawayi; reyirux qunuñap apaqawayi, jilïrinakaparusti wal p'inqachjawayaraki.

Ezequiel 36:4

Ukhamasti, Israelankir jaqinaka, kuna arunaktix Tatitux jach'a qullunakaru, jisk'a qullunakaru, jawiranakaru, qhirwanakaru yatiyki ukanak ist'apxam; Israel uraqin ch'usa wasara tukuyata markanakaru, uka jak'ankir yaqha markanakampi lunthatjatäki, jisk'achañampi uñjatäpki uka markanakax ist'apxpan.

Oseas 2:12

12 (14) Uva yapunakapsa, higo yapunakapsa q'al tukjarakï, uka yapunakatsti, akham sänwa: ‘Munirinakaxaw aka yapunak kunatix wakt'kitu ukat churapxitu’ sasa. Nayasti uka yapunakap qurampiw qurantayä, pampankir animalanakaw ukanak manq'antapxani.

Oseas 8:14

Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Joel 2:3

Taqi kun nakhantir ninjamawa, janïr purinkasas niy nakhantxiwa, qhipatsa nakhantaskakiwa. Aka uraqix, janïra t'iju t'ijunak aywintanipkän ukkhaxa, mä suma panqarkir uraqïnwa, sarxapxatapatsti ch'usa wasar uraqikïxiwa. ¡Janirakiw khitis jupanakat qhispkiti!

Levítico 26:16

nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Sofonías 3:6

Tatitux siwa: “Nayax markanakap t'unjta, pirqanakapan utjir jach'a pukaranakapsa q'al tinkurayta, markan thakhinakapsa jan mä jaqini ch'usa tukuyarakta. ¡Uka ch'usa markanakanxa janirakiw mä jaqis sartkxiti!

Malaquías 1:4

Esaú chachan saraqirinakapäki uka Edomitanakatix sapxaspa: “Markasax t'unjatawa, ukampis wasitat sayt'ayañäni” sasaxa, taqi ch'aman Tatitux akham sarakispawa: “Jupanakax markanakap wasitat sayt'ayasipkan ukasa, nayax wasitat t'unjarakï. Markapax ‘Juchan phuqt'at marka’ satäniwa; uraqinakapasti ‘Tatitun wiñay q'apisiñ uraqi’ sasa sutichatarakïniwa.”

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.