Jeremías 5:13 - Qullan Arunaka DC

^13-14 Profetanakax thayampi sasikiwa, Tatitun arunakapan jan jupanakampïtap layku. Ukhamasti walikiwa, taqi ch'amani Tatitux ak situ: “Jupanakan ukham sapxatapatsti, akanakaw jichhax jupanakxar jutani: Arunakaxax lakaman mä ninjamäniwa, jaqinakasti lawäpkaspas ukhamaw tukupxani, uka ninaw jupanakar nakhantani.”

Aymar Bibliia 1986

^13-14 Profetanacajj thayampi sasiquiwa, Diosan arunacapasti janiw jupanacampïcaraquiti. Jichhajj waliquiwa, ucwa take ch'amani Tatitojj situ: “Jupanacan uqham parlapjjatapatsti, acanacaw jichhajj jupanacarojj pasaraquini: Arunacajjsti lacamaruw uscuraquï, uca arunacsti ninjam tucuyaraquï, jakenacarusti lawäpcaspas uqham tucuyaraquï, ucatsti uca ninaw jupanacarojj naqhantaraquini.”

Qullan Arunaca

^13-14 Profetanacajj thayampi sasiquiwa, Diosan arunacapasti janiw jupanacampïcaraquiti. Jichhajj waliquiwa, ucwa take ch'amani Tatitojj situ: “Jupanacan uqham parlapjjatapatsti, acanacaw jichhajj jupanacarojj pasaraquini: Arunacajjsti lacamaruw uscuraquï, uca arunacsti ninjam tucuyaraquï, jakenacarusti lawäpcaspas uqham tucuyaraquï, ucatsti uca ninaw jupanacarojj naqhantaraquini.”

Jeremías 5:13 Jak'a apnaqawi uñst'ayäwi

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Job 6:26

Jumanakax arsusitanakaxat k'umipxistaxa, luqhi jaqin arsusitanakapjam thayax apasxaraki.

Proverbios 25:14

Jan kuna churkasa: “Nayax churtwa” sasa jach'achasiri jaqix; mä thayjamaw thayi, jan uman qinayar uñtatarakiwa.

Isaías 41:29

¡Taqi jupanakasti janiw kunäpkisa! Janiw kun lurañsa yatipkiti; jan ukasti, ina ch'usa k'ari diosanakakiwa.

Jeremías 14:13

Nayasti ukxarux saraktwa: “Tatay, profetanakax jaqinakarux janiw nuwasiñasa, mach'as utjkaniti sasipkiwa, juma, Tatituw suman jakasiñ akawjan churani sasipkarakiwa.”

Jeremías 14:15

Naya, Tatitusti saraktwa: Uka profetanakaruxa, khitinakatix nayan sutixar jan nayan khitkat parlapki, aka markan janiw nuwasiñax utjkaniti sapxaraki ukanakarux sistwa: Uka profetanakax manq'atjamaw jiwarapxani, jan ukax nuwasïwin tukusipxani.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 22:22

Mä thayaw taqi jilïrinakam apasxani, munasirinakamasti jayar apatäpxaniwa. Taqi ñanqhanak luratamatxa, jisk'achjata, p'inqachjataw uñjasïta.

Jeremías 28:3

akat pä mararusti kuna yänaktix Babiloniankir Nabucodonosor reyix templot apaskäna taqi ukanak aka chiqaruw kuttayanxarakï.

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.