Jeremías 5:12 - Qullan Arunaka DC

¹² Israel markampi, Judá markampix Tatitur jan uñt'iriw tukupxi; sapxarakiwa: “Janiw Diosax utjkiti. Janiw kuna jan walis jiwasxarux jutkaniti, janirakiw nuwasiñasa, mach'as utjkaniti” sasa.

Aymar Bibliia 1986

¹² Israelampi, Judämpejj Tatiturojj jan uñt'iriw tucupjje; sapjjaraquiwa: “Janiw Diosajj utjquiti. Janiw cuna jan walis pasquistaniti, janiraquiw guerras, mach'as utjcaniti” sasa.

Qullan Arunaca

¹² Israelampi, Judämpejj Tatiturojj jan uñt'iriw tucupjje; sapjjaraquiwa: “Janiw Diosajj utjquiti. Janiw cuna jan walis pasquistaniti, janiraquiw guerras, mach'as utjcaniti” sasa.

Jeremías 5:12 Jak'a apnaqawi uñst'ayäwi

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Salmos 10:6

janis khitis tinkuykaspax ukham amuyasi, janis jan walt'añanakar purkaspax ukham amuyasi.

Salmos 14:1

Pisi chuyman jaqinakax siwa: “Janiw Diosax utjkiti” sasa. Taqiniw ñanqha lurir tukupxi; kunayman ñanqhanak lurapxi; ¡janiw khitis aski luririx utjkiti!

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 28:4

Uka kipkarakiwa, Joacín jaqin yuqapa, Judá uraqin Joaquín reyiparus aka pachparu kuttayanxarakï, Judá uraqita Babilonia uraqir apatäpkän taqi uka jaqinakasa kuttanxapxarakiniwa. Jïsa, nayaw Babilonia uraqinkir reyipan munañap tukjä. Naya, Tatituw uk arsta.’ ”

Jeremías 4:10

Ukat naya Jeremiasax sista: “Tatay, ¿kunatarak Jerusalenankir jaqinakar sallqjtasti? Suman sarnaqasiñaw utjani sarakïyätasä, jichhasti jiwañakirakis muyuntxixä” sasa.

Jeremías 43:1

Kunapachatix Jeremiasax kuntix Tatitu Diosax siskatayna ukanak jaqinakar yatiyañ tukuyxän ukkhasti,

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 6:14

Markaxan chhuxrinakapsti patatak qullañ munapxi; taqi kunas walikïskiw sapxiwa, ukampis taqi kunas jan walipuniwa.

Ezequiel 13:6

Unañchäwi uñjatanakapasa, profecía arunak arsupxatapas k'arikamakiwa. Jupanakax nayan sutixat parlapxi, ukampis janiw nayax jupanakarux khithankti. ¡Arsutanakapan phuqhasiñanakap suyapxarakiwa!

Miqueas 2:11

Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Deuteronomio 29:19

19 (18) “Ukhamasti aka juramento arunak ist'asintix jumanakat khitis jupa pachpa suma jaqïtap amuyasis akham sani: ‘Taqi kunaw nayatakix walt'askani, munañaxar lurkä ukkhasa’ sasa, uka jaqiw juchanïni Diosan taqi Israel markpachar mutuyañapatakixa.

1 Juan 5:10

Khititix Diosan Yuqapar iyawski ukaxa, uka qhanañchäwix chuymapankiwa. Jan iyawsiristi Diosarux k'aritjam uñt'ayi, Diosan Yuqap tuqi qhanañchäwi jan iyawsatap layku.

1 Samuel 6:9

Ukampisa wal uñch'ukipxam: uka carretatix Bet-semes tuqir saranixa, Israelan Diosapax jiwasar mutuyatap yatiñäni, janitix uka uraqip tuqir sarkani ukkhaxa, mutuyäwisax Israelan Diosapat jan jutatap yatirakiñäni, jan ukasti mä jan walt'añaki jiwasxar jutatapa.