Jeremías 49:5 - Qullan Arunaka DC

⁵ Jichhax walikiwa, nayaw jumxarux jan walt'añanak taqi tuqit apayanï. Naya, taqi ch'aman Tatituw uk arsta. Jumanakasti aka chiqat jaqunukutaw uñjasipxäta, janirakiw jaltxirinakar khiti tantacht'iris utjkxaniti.

Aymar Bibliia 1986

⁵ Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Qullan Arunaca

⁵ Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Jeremías 49:5 Jak'a apnaqawi uñst'ayäwi

2 Reyes 19:7

Ist'am, nayaw Senaquerib reyir mä jan wali yatiyäwi ist'ayä, ukat markapar kutt'xañapataki, ukansti jaqin jiwayatäñapatakiw wakichä’ ” sasa.

Job 15:21

Axsarayir uxutanak ist'apuni; sumak samart'asiski ukapachaw lunthatanakas jalxati.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 16:3

Jerusalén markankirinakarux sapxarakiwa: “Arxatt'atäñ thaqhapxta, jumay nanakarux arxatt'apxita. Chika urus ch'iwimampiy ch'iwt'ayapxita, arumäkaspas ukhamay ch'iwxatt'ayapxita; jayar ananukutanakarusti jumay katuqt'am, janirakiy uñisirinakaxarux katuyapxistati.

Jeremías 15:8

Jupanak taypinsti ijma warminakxa, quta ch'allanakat sipansa juk'ampi waljan jaytarakta. Chika urpachaw jiwañ puriyanirakta, wayna yuqanakani warminakxarusa, akatjamat llakisiñampi axsarañampi puriyanirakta.

Jeremías 16:16

Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Jeremías 20:4

Tatitux siwa: ‘Jumarux mä axsarkañaruw juma pachpataki, taqi masinakamataki tukuyäma. Juman uñjkataw masinakamax uñisirinakan espadanakapampi jiwarayat uñjasipxani. Taqi Judá uraqin utjirinakarusti Babiloniankir reyin amparaparuw katuyarakï, juparakiw katuntat apani Babilonia uraqkama, jan ukax cuchillompi thiyat jiwarayarakchini.

Jeremías 46:5

“Ukampisa, ¿kunsa uñjtxa? ¡Egipcio soldadonakax qhiparuw jittapxi! Atipjata, axsarañampi phuqhantata, jan qhipar uñtasaw jaltxapxi. ¡Taqi chiqansa axsarañaw phuqhanti! Naya, Tatituw uk arsta.

Jeremías 49:29

Chhujllanakapsa, uywanakapsa, taqi yänakapsa katuntasipxam. Camellonakap aparapxam, jach'at art'asin mulljapxam: ‘¡Taqi chiqansa axsarañakiw utjaski!’ sasa.

Jeremías 6:25

¡Pampa tuqir jan mistupxamti, thakhinjamsa jan sarapxamti! ¡Uñisirisax wali wakichrantatawa, taqi chiqansa axsarañakiw utjaski!” sasa.

Lamentaciones 4:15

“¡Jithiqtapxam, jithiqtapxam, q'añu lurir jaqinakawa, jan llamkt'apxamti!” sasaw arnaqasipxi. Yaqha markankir jaqinakas “muyuyku jaqinakawa, janiw akan jakapkaspati” sasaw arnaqasipxaraki.

Amós 4:3

Pirqa p'iysutanak tuqi siqikiw mistuwayapxäta, ukatsti Hermón qullu tuqir aparpayatäpxätawa.” Tatitux ukham siwa.

Josué 2:9

—Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.