Jeremías 49:4 - Qullan Arunaka DC

⁴ ¿Kunatsa ch'amamat wali jach'achasta? Nayatak sayt'asir marka, ch'amamax tukusxiwa, kuna qamir yänaktix apthapkta ukaruw alkatastaxa, ukatsti saraktawa: ‘¿Khitis nayarux nuwantitaspa?’ sasa.

Aymar Bibliia 1986

⁴ ¿Cunatsa jumajj ch'amamat wali jach'achasta? Nayataqui sayt'asir marca, ch'amamajj tucusjjewa, cuna kamir cancañamtejj apthapcta ucaruw alcatastajja, ucatsti saractawa: ‘¿Qhitis nayarojj nuwantitaspa?’ sasa.

Qullan Arunaca

⁴ ¿Cunatsa jumajj ch'amamat wali jach'achasta? Nayataqui sayt'asir marca, ch'amamajj tucusjjewa, cuna kamir cancañamtejj apthapcta ucaruw alcatastajja, ucatsti saractawa: ‘¿Qhitis nayarojj nuwantitaspa?’ sasa.

Jeremías 49:4 Jak'a apnaqawi uñst'ayäwi

Salmos 49:6

6 (7) Jupanakax yänakaparuw chuymap uchapxi, qamir kankañapat jach'a jach'a tukupxi,

Salmos 52:7

7 (9) “Uñtapxam, jan axsarir jaqiru, Diosar jan iyawsañ munir jaqiru, qamir yänakapar alkatasir jaqiru, ñanqha luras sarnaqir jaqiru” sasa.

Salmos 62:10

10 (11) Ch'axwañanakarux jan wayusipxamti; ¡janirak lunthatasiñarus chuym katuyasipxamti! Qamiris tukusipkätaxa, qullqir jan alkatapxamti.

Proverbios 10:15

Qamir jaqirux qamir yänakapaw arxati; jan utjirin jaqirusti, janiw kuna arxatiripas utjkiti.

Jeremías 21:13

‘Jerusalén markan jakirinaka, nayax jumanakatakix wali phiñasitätwa. Jumanakasti sapxtawa: ¿Khitis nuwantitaspa? ¿Khitis imantasitäktan ukkhakamax purkatanispa? sasa.

Jeremías 3:14

Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma.

Jeremías 31:22

¿Kunapachkamarak uksa aksa sarnaqäta, saranukut wawar uñtatasti? Naya, Tatitux, aka uraqin machaqat lurtxa: warmix chacharuw munapayani.”

Jeremías 48:7

“Moab marka, jumasti ch'amamaru, qamir yänakamaruw alkatasïyätaxa, ukampis jumax katuntataw uñjasirakïta. Quemós sat diosamasa jayar apatäniwa, sacerdotenakapampi, jilïr jaqinakapampi kuna.

Jeremías 49:16

Jach'a jach'a tukutamampi, axsarkañ uñacht'ayatamampiw sallqjayastaxa. Qarqa p'iyanak taypin jaktaxa, qullu patanakat waythapisisaraki. Ukampis pakar uñtatasay alay chiqan tapachasiskam, ukatpach jumarux jaquqanïma. Naya, Tatituw uk arsta.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Jeremías 9:23

23 (22) Tatitux siwa: “Yatiñan jaqix yatiñapampix jan jach'a jach'a tukpati, munañanisa munañanïtapatxa jan jach'a jach'a tukpati, qamiris qamir yänakapat janirak jach'a jach'a tukpati.

Oseas 4:16

Israelitanakax uri vaca qallur uñtataw nayat jayarst'itu; ukhamasti, ¿Tatitux suma chhuxllanakaru, oveja qallunakäpkaspas ukham awatiskakispati?

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

Apocalipsis 18:7

Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.