Jeremías 49:3 - Qullan Arunaka DC

³ “Hesbón marka, Ai markan t'unjatätapat jacham. ¡Rabá markankir warminaka, jach'at wararipxam! ¡Chhankha isimpi isthapisipxam, chuymanakam liq'isipxam! ¡Luqhinakar uñtat jalanaqapxam, janchinakamsti chhuxriñchjasipxarakim! Milcom diosax jaya markar apatäniwa, sacerdotenakapampi, jupan jilïr jaqinakampi chika.

Aymar Bibliia 1986

³ “Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Qullan Arunaca

³ “Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Jeremías 49:3 Jak'a apnaqawi uñst'ayäwi

2 Samuel 11:1

Mä urusti, reyinakax nuwasïwir sarantapxirïkän uka urunak purinkipan, Davidax Joab chachar khithäna, jilïrinakampiru, taqpach israelita ejercitompiru, amonita jaqinakamp nuwasipxañapataki, ukampis jupax Jerusalén markan qhiparäna. Joab chachampi, taqi jaqinakapampisti, amonitanakarux tukjapxänwa, ukatsti Rabá sat marka katuntapxarakïna.

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:5

Salomonax sidonionakan Astarté sat diosapampiru, amonitanakan Milcom sat axtkañ diosapampiruw yupaychäna.

2 Reyes 23:13

Ukatsti Josías reyix, Jerusalén markat inti jalsu tuqin utjkatayna uka yupaychañ utanak takichasirakïna, Olivos qullut aynach tuqina, ukanaksti Israelan Salomón reyipaw luratayna sidonionakan Astarté sat axtkañ diosapataki; moabitanakan Quemós sat uñiskañ idolopataki; amonitanakan Milcom sat uñiskañ idolopataki.

Esdras 2:28

Betel, ukhamarak Ai markanakatxa, pä patak pä tunk kimsani.

Isaías 13:6

Babiloniankirinaka, wararipxam, Tatitun taripañ urupax jak'ankiwa, taqi ch'aman Tatitux mä t'aqhisiyañampiw purini.

Isaías 14:31

¡Filisteo markanaka, wararipxam, ayquñat wararipxam, mulljasiñatsa khathatipxam! Jichhasti alay tuqit mä ejercitow jutanti jiwq'i qinayar uñtata; soldadonakapasti nuwantañatakix wakicht'atäpxiwa.

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Isaías 16:7

Ukat jichhax Moab markankirinakax markapat jachapxani; Quir-haréset chiqan jakir jaqinakatsa, chuymanakapxa wal usuyasipxani.

Isaías 23:1

Tiro markataki profecía arunaka: Tarsisankir barco apnaqirinaka, ayqupxam, barco mistuniñ chiqax q'ala t'unjatawa. Chipre tuqit puriniña uka barco mistuñasti q'ala t'unjatarakiwa.

Isaías 23:6

Sapxarakiniwa: “Tarsis markar sarxapxam, quta iraman utjirinaka, uka markar purisin jachapxam” sasa.

Jeremías 4:8

Jichhasti, chhankha isinakampi isthapisipxam, jachapxam, usuyasiñatsa ayqupxarakim, Tatitun aqkiri phiñasiñapasti janiw jiwasat jithiqtkiti” sasa.

Jeremías 46:25

Israelan taqi ch'amani Tatitupasti sarakiwa: “Tebas chiqankir Amón sat diosaparux mutuyarakïwa, Egiptorusa, diosanakaparusa, reyinakaparusa, faraonarusa, khitinakatix jupar alkatasipki taqi ukanakarus mutuyarakïwa.

Jeremías 48:2

Moab markan jach'a kankañapasti tukusxiwa. uñisirinakapax Hesbón chiqan amtasipki Moab markan markpach chhaqtxañapataki. Madmén marka, jumas tukjatarakiw uñjasïta, nuwasiñasti jumxarux jutapuniniwa.

Jeremías 48:20

Jupanakasti sapxätamwa, Moab markax q'ala t'unjatawa, axsarañampi phuqhantatawa. ¡Uka markat jachapxam! ¡Arnón jawiransti yatiyapxarakim Moab markan t'unjatätapata!”

Jeremías 48:37

P'iqi ñik'utanakapas mururatkamakiwa, sunkhanakapas khithuratkamakiwa; taqiniw amparanakap chhuxriñchjasipxi, chhankha isinakampiw isthapisipxaraki.

Jeremías 48:7

“Moab marka, jumasti ch'amamaru, qamir yänakamaruw alkatasïyätaxa, ukampis jumax katuntataw uñjasirakïta. Quemós sat diosamasa jayar apatäniwa, sacerdotenakapampi, jilïr jaqinakapampi kuna.

Jeremías 49:1

Tatitun arunakapa, Amón markataki: “¿Kawkinkis Israel markan wawanakapaxa? ¿Kawkinkis tuti katuqirinakapaxa? ¿Kunatsa jichhax Gad uraqix Milcom sat diosankxi? ¿Kunatsa amonitanakax Gad uraqin markanakapan jakapxi?

Jeremías 51:8

Ukampis akatjamat Babiloniax jisk'a jisk'a t'unjat uñjasi. ¡Jichhax jupatjam jachapxam! Qullanak chhuxrinakapatak apanipxam, inach qullasini.”

Jeremías 6:26

¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Amós 1:15

Reyipasti, jaya markar apayataw uñjasini, jupampi chikasti taqpach jilïr jaqinakapaw sarani.” Ukham siw Tatituxa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Santiago 5:1

¡Qamirinaka, aka arunak ist'apxam! ¡Jachapxam wararipxarakim kuna chijinakatix jumanakxar jutkan ukanakata!

Josué 7:2

Josué chachax Jericó markatpach Ai chiqar mä chachanak khithäna, uraqi uñaqanipxañapataki, uka markasti Betel chiqat inti jalsu tuqinkänwa Bet-avén jak'ana. Jupanakas sarasax Ai marka uñaqanipxäna,

Josué 8:1

Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Josué 8:28

ukatsti Josué chachax ninampiw Ai marka phhichhantäna, jan mayampitakiw tukjarakïna, kunjämtix jichhürkam uñjasiski ukhama.