Jeremías 49:2 - Qullan Arunaka DC

² “Jichhax walikiwa, Naya, Tatituw arsta: Amón uraqinkir Rabá markan nuwasiñ art'asïwi ist'añap urux purininiwa; mayjar apthapit t'unjamaw tukuni, markanakapansti ninaw nakharakini. Ukapachaw Israelax markanakap wasitat tumpasxani. Naya, Tatituw uk arsta.

Aymar Bibliia 1986

² “Jichhajj waliquiwa, Naya Tatituw arsta: Amón orakenquiri Rabá marcan guerra toket ist'añap urojj purininiwa, mayjaru apthapit t'unjamaw tucuraquini, marcanacapansti ninaw naqharaquini. Ucapachaw Israelajj wasitat marcanacapa tumpasjjani. Naya Tatituw ucjja arsta.

Qullan Arunaca

² “Jichhajj waliquiwa, Naya Tatituw arsta: Amón orakenquiri Rabá marcan guerra toket ist'añap urojj purininiwa, mayjaru apthapit t'unjamaw tucuraquini, marcanacapansti ninaw naqharaquini. Ucapachaw Israelajj wasitat marcanacapa tumpasjjani. Naya Tatituw ucjja arsta.

Jeremías 49:2 Jak'a apnaqawi uñst'ayäwi

2 Samuel 11:1

Mä urusti, reyinakax nuwasïwir sarantapxirïkän uka urunak purinkipan, Davidax Joab chachar khithäna, jilïrinakampiru, taqpach israelita ejercitompiru, amonita jaqinakamp nuwasipxañapataki, ukampis jupax Jerusalén markan qhiparäna. Joab chachampi, taqi jaqinakapampisti, amonitanakarux tukjapxänwa, ukatsti Rabá sat marka katuntapxarakïna.

Salmos 48:11

11 (12) ¡Sión qullux kusispan! Chiqap arsutanakamampix Judá uraqinkir markanakax kusisipxpan.

Salmos 97:8

Tatay, Jerusalén markampi, Judá uraqinkir markanakampix arsutanakamat walpun kusisipxi;

Isaías 11:14

Uka markanakan jakirinakax inti jalanta tuqinkir filisteonakaruw nuwantapxani, qhipäxat nuwantasaw liwinukupxani; inti jalsu tuqinkir markanakarux qamir yänakap aparapxani, Edom markankirinakasa, Moab markankirinakasa, jupanakaruw jaysapxani, Amón markankirinakarusa jupanakaw apnaqapxani.

Isaías 17:1

Damasco markataki profecía arunaka: Damascox janiw juk'ampi markäkxaniti, mä t'unjat marka mayjar allthapitakïxaniwa.

Jeremías 4:19

¡Chuymaxax walpun usutu! ¡Niya phallirpachawa! ¡Janiw inakt'irjamäkti, janirakiw amukt'irjamäktsa! Mä trompetan phust'asitap ist'ta, nuwasiñ arnaqasitanak ist'arakta.

Jeremías 49:1

Tatitun arunakapa, Amón markataki: “¿Kawkinkis Israel markan wawanakapaxa? ¿Kawkinkis tuti katuqirinakapaxa? ¿Kunatsa jichhax Gad uraqix Milcom sat diosankxi? ¿Kunatsa amonitanakax Gad uraqin markanakapan jakapxi?

Ezequiel 21:20

20 (25) Mayïr chimpusti amonitanakan Rabá sat marka tuqiruw chiqañchani, payïr chimpusti Jerusalén marka tuqiruw chiqañcharakini, Judá uraqinkir suma uyuchrantat markaru.

Ezequiel 21:25

25 (30) Jumarusti, Israel markan reyipa, jaqi jiwayir ñanqha rey, qhipa mutuyäwi katuqañam urux jumatak niyaw purinxi.

Amós 1:14

Ukat Rabá markan uyunakap ninampi phichkatä, jach'a utanakapasa qhillar tukuñkamaw nakhantani, ukasti nuwasiñ uruna, arnaqasiñanak taypin jach'a thaya urun lurasini.

Abdías 1:19

Néguev chiqankir israelitanakax Edom markan qullunakap katuntasipxani, pampankirinakasti filisteonakan uraqinakap katuntasipxani. Efrainan uraqinakapsa, Samaria uraqsa katuntasipxarakiniwa. Benjaminan wawanakapasti Galaad uraqi katuntasipxani. Israelitanakat waljani yaqha markanakar katuntat apayatanakasti, cananeonakan uraqinakap katusipxani, Sarepta markakama; Jerusalén markachirinakasti, khitinakatix Sefarad chiqar apatapkäna ukanakaxa, Néguev tuqinkir markanak katusipxarakini.

Números 10:9

“Nuwasïwi utjipantix, jumanakan nuwasir mistupxañam wakiskan ukapachasti, uka trompetanak phust'apxäta, ukatsti taqi ch'amamampiw art'asipxäta. Ukhamat naya, Tatit Diosamax jumanakat amtasï, ukatsti uñisirinakamat jumanakarux qhispiyapxäma.

Números 21:25

Ukhamaw israelitanakax amorreonakan taqi uka markanakap katuntasipxäna, uka markanakan utjantasipxarakïna, Hesbón markampina ukankir jisk'a markanakapampina.

Deuteronomio 13:16

16 (17) Uka markan taqpach qamir yänakapsti chika plazaruw phint'apxäta, ukatsti ninampiw markarux phichhantapxäta taqi kunanaktix uñisirimat aparanipkta ukanakamp chika, taqpach t'unjasina, ninampi phichhantasina, Tatit Diosamataki nakhantat luqtäkaspas ukhama. Uka markasti laqayanakar tukuyata, jan mayampitaki t'unjataw uñjasini, janirakiw mayamp sayt'ayatäkaniti.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

Josué 17:11

Uka ayllunakan uraqinakapan taypinxa walja markanaka jisk'a markanakamp kunaw utjarakïna, ukanakasti Manasés ayllunkirïnwa. Uka markanakasti: Bet-seán, Ibleam, Dor, Endor, Taanac, Meguido ukanakänwa. Dor markax quta iranankir markawa.

Josué 17:16

Jupanakasti sapxänwa: —Chiqpachansa uka qullunakax nanakatakix wali pisiwa. Ukampis pampan jakapki uka cananeo jaqinakan carronakapax hierrot luratawa, Bet-seán markana, jisk'a markanakapampin jakir jaqinakanjama, ukhamarak Jezreel qhirwan jakapki ukanakansa —sasa.