Jeremías 49:11 - Qullan Arunaka DC

¹¹ ‘Uka wajchanakamxa nayar jaytita, nayaw jupanakar uñjaskä; ijma warminakamsa nayaw uñjaskä’ ” sasa.

Aymar Bibliia 1986

¹¹ ‘Uca wajchanacamjja nayar jaytita, nayaw jupanacar uñjascä; ijma warminacamasa nayaru alcatasipjjaraquitpan’ ” sasa.

Qullan Arunaca

¹¹ ‘Uca wajchanacamjja nayar jaytita, nayaw jupanacar uñjascä; ijma warminacamasa nayaru alcatasipjjaraquitpan’ ” sasa.

Jeremías 49:11 Jak'a apnaqawi uñst'ayäwi

Salmos 146:9

Tatituw yaqha markankir jaqinakarux imi, wajchanakampiru, ijma warminakampiruw uywi, ñanqha lurir jaqinakatakisti thakhip chhaqtayi.

Salmos 68:5

5 (6) Diosax wajchanakan awkipawa, ijma warminakan arxatiripawa, jupax qullan utjäwipan jaki.

Salmos 82:3

¡Jan yäqat jaqiru, wajchar yanapt'apxam! ¡Jan kunan jaqiru, pist'ayasir jaqir chiqapar uñjapxam!

Oseas 14:3

3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Jonás 4:11

Ukatsa juk'ampiw nayan khuyapayasiñaxax Nínive markatakix utjañapa, uka jach'a markan patak pä tunka waranqa, ukatsa jila jaqinakaw utji, wawanakjam jan amuyt'asirinaka, uywanakas waljarakiwa —sasa.

Zacarías 7:10

Ijma warminakarusa, wajchanakarusa, yaqha markat jutirinakarusa, jan kunaninakarusa, jan t'aqhisiyapxamti. Janirak maynit maynikam ñanqhachasiñsa lup'ipxamti” sasa.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Deuteronomio 10:18

Jupasti chiqa kankañampiw wajcharusa, ijmarusa uñji, jumanak taypin jakki uka jan uñt'at jaqirux munasiwa, manq'ayiwa, isi churaraki.

1 Timoteo 5:5

Mayni ijma warmitix jan khiti yanapt'irin uñjaschixa, jupax Diosaruw chuymap katuyasi, uruy arumaw Tatitut mayisiraki.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.