Jeremías 49:10 - Qullan Arunaka DC

¹⁰ Ukampis nayax Edom markar jan kunan jaytä, imantasiñanakapsa katjäwa, janirakiw imantasirjamäpkaniti. Wawanakapasa, wila masinakapasa, uta jak'anakapasa, taqiniw jiwarapxani; janiw maynis qhiparkxaniti akham sañatakixa:

Aymar Bibliia 1986

¹⁰ Ucampisa nayajj Esaú marcarojj jan cunani jaytaractjja, imantasitanacapsa khanaruw apsuractjja, janiraquiw juc'ampi imantascjjaspati. Wawanacapasa, familianacapasa, uta jac'anacapasa, takeniw t'unjatäpjje; janiraquiw maynis kheparcjjeti aqham sañataquejja:

Qullan Arunaca

¹⁰ Ucampisa nayajj Esaú marcarojj jan cunani jaytaractjja, imantasitanacapsa khanaruw apsuractjja, janiraquiw juc'ampi imantascjjaspati. Wawanacapasa, familianacapasa, uta jac'anacapasa, takeniw t'unjatäpjje; janiraquiw maynis kheparcjjeti aqham sañataquejja:

Jeremías 49:10 Jak'a apnaqawi uñst'ayäwi

Salmos 37:28

Tatitux aski kankañar muniriwa, arkirinakaparusti janiw jaytanukkiti; jucharar jaqinakarux tukjiwa, jan wawanakanirak jayti.

Isaías 17:14

Jayp'u tuqirusti axsarkañjamäpxiwa, ukampis qhantatirux janiw kunas utjkxiti. Ukhamaw jiwasar lunthatjirinakax tukusipxi, jiwasar jan walt'ayirinakas ukham tukusipxi.

Isaías 45:3

Nayaw jumarux imantat yänak katuyäma, kuna qamir yänakatix jamasan imantatäki ukanaka. Ukhamat yatïta nayan Tatitütaxa, Israelan mä sapa Diosapätapa.

Jeremías 13:26

Nayasti jumarux q'alalsuyarakïmawa, mä p'inqa irpnaqarakïma.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Lamentaciones 4:22

Jerusalén marka, mutuyäwimax tukusxiwa; Tatitux janiw juk'ampi apanukuykxätamti. Ukampis Edom marka, jan wali luratamat mutuyapunïtamwa, juchanakamsa qhanaruw uñstayarakini.

Amós 9:3

Carmelo qullu patarus imantasisipkpan, ukakamas thaqhirix saraskakïwa; quta manqharus nayat imantasisipkpan, quta manqhankir laq'ur khithasaw nayax tukjayä;

Abdías 1:6

¡Jumarusti Esaú, yänakam q'ala apaqapxtamxa! ¡Qamir yänakamsa jan mayan q'alpun lunthatsupxtamxa!

Abdías 1:9

Temán sat markan nuwasir jaqinakapasti axsarañatsa khathatipxaniwa, Edom markan qullunakapansti taqiniw nuwasïwin jiwarayat uñjasipxani.