Jeremías 48:44 - Qullan Arunaka DC

⁴⁴ Jiwayirinakat jaltirixa p'iyaruw jalantani, uka p'iyat misturisti sipitaruw jalt'ani, nayaw Moab markxarux mutuyäwipan urup apanirakï. Naya, Tatituw uk arsta.”

Aymar Bibliia 1986

⁴⁴ Jiwayirinacat jaltirejja p'iyaruw jalantapjjani, uca p'iyat misturinacasti sipitaruw jalt'apjjaraquini, nayaraquiw Moab marcjjarojja mutuyäwipan urupjja apaniraquï.

Qullan Arunaca

⁴⁴ Jiwayirinacat jaltirejja p'iyaruw jalantapjjani, uca p'iyat misturinacasti sipitaruw jalt'apjjaraquini, nayaraquiw Moab marcjjarojja mutuyäwipan urupjja apaniraquï.

Jeremías 48:44 Jak'a apnaqawi uñst'ayäwi

1 Reyes 19:17

Ukhamat khiti israelitatix Hazaelan espadapat jaltkani ukaruxa, Jehú chachaw jiwayani, khititix Jehú chachan espadapat jaltkani ukarusti, Eliseo chachaw jiwayarakini.

1 Reyes 20:30

Uka nuwasïwit jilt'ir soldadonakasti Afec markaruw jaltxapxäna, ukampis markan pirqapax pä tunka paqallqun waranqa soldadonakxaruw allxattäna. Ben-adad reyisti markat jaltxarakitaynawa, jupasti markar purisax utat utaruw imantasïna.

Isaías 10:3

Tatitux luratanakamat wayt'apkätam ukapachax kunak lurapkäta. Tatitux mutuyäwi apayanipkätam ukapachax kamachapkakïta. ¿Khitirus yanapt'a mayipxäta? ¿Kawkharus qamir yänakam imantapxäta?

Isaías 24:17

Aka uraqin jakir jaqinakasti jiwayañ animalanakjam arknaqatäpxaniwa, mä jach'a p'iyaru, jan ukax mä sipitar jalt'irjamäpxaniwa.

Isaías 24:18

Jiwayirinakat jaltirixa, p'iyaruw jalantani, uka p'iyat misturisti sipitaruw jalt'ani. Alaxpachatsti jallux walipuniw purxatanini, aka uraqin qalltanakapas khathatirakiniwa.

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 11:23

Janirakiw jupanakat maynis qhiparkxaniti, Anatot chiqan utjir jaqinaka, jumanakar mutuyañ urux jutaskiwa, jumanakxarusti jach'a t'aqhisiñ apayanï.”

Jeremías 16:16

Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Jeremías 23:12

Ukatpï jichhax sarnaqäwinakapax ch'amakar tukutänixa: Nayaw jupanakarux nukt'asin tinkuyäxa. Jupanakar luratanakapat wayt'kä ukkhasti, jach'a t'aqhisiñanak jupanakxarux apayanï. Naya, Tatituw uk arsta.

Jeremías 46:21

Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Jeremías 49:8

¡Dedán markankir jaqinaka, jalakamak imantasir sarxapxam! Edom markarusti t'unjarakïwa; nayan uka markar mutuyañ urusti purinxiwa.

Jeremías 50:24

Babilonia, jumapachaw mä sipit wakichastaxa, jan amuyasispachaw ukarux jalt'taxa. Jichhax uka sipitan katuntataw uñjastaxa Tatitur saykatatam layku.

Jeremías 50:27

Mutuyäwi katuqañ urupax purinxiwa! ¡Taqpach soldadonakapar jiwarayapxam! ¡Taqpach jaqinakapar tukusiyapxam!

Jeremías 51:18

jan kunatak inamay yänakakiwa, Tatitusti taripäwipanxa ukanak q'al t'unjarakini.

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Lamentaciones 3:47

axsarañanakampi, sipitanakampi, t'unjatäñanakamp katuqapxta.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Miqueas 7:4

Jupanakat walïki ukasti mä ch'aphi alir uñtatawa; chiq lurirïki ukasti yaqha ch'aphi alir uñtatarakiwa. Ukampis luräwinakapat wayt'añ urux jutaskiwa, kuntix marka uñch'ukirix yatiykäyätam uka uruxa. Ukapachaw jupanak taypin mayjt'asiñax utjani.