Jeremías 48:42 - Qullan Arunaka DC

⁴² Moab markasti jan mayampitak tukjatäniwa, naya Tatitutak sayt'asitap layku.

Aymar Bibliia 1986

⁴² Moab marcasti tucusiraquiniwa, naya Tatitutaqui sayt'asitap laycu.

Qullan Arunaca

⁴² Moab marcasti tucusiraquiniwa, naya Tatitutaqui sayt'asitap laycu.

Jeremías 48:42 Jak'a apnaqawi uñst'ayäwi

Proverbios 16:18

Jach'a jach'a tukuñanxa aynacht'añaw utji; p'iqi waytat sarnaqañansti tinkuñaw utjaraki.

Isaías 16:14

Jichhasti Tatitux siwa: “Mä irnaqirin luräwipax kimsa maratakikiwa. Ukat sapxsma, akat kimsa mararusti, Moab markan jach'a kankañapax q'ala tukjatäniwa. Jaqinakapax q'ala jiwarayatäniwa; mä qawqhanikiw jan jiwayat qhiparapxani, uka qhiparirinakasti pisi ch'aman jaqinakkamakïniwa.”

Isaías 37:23

¿Khitirus arunakamampix ñanqhachtaxa? ¿Khititakis ukataq arustaxa, jach'a jach'a tukusas uñatatastaxa? ¡Israelan Qullan Diosapatakiw ukham lurtaxa!

Isaías 7:8

Damasco markasti Siria markan qamäwi markapawa, Resín sat chachasti uka Damasco markan reyiparakiwa. Samariasti Israel markan qamäwi markapawa, Pécah sat Remaliasan yuqapasti Samarian reyiparakiwa. Akat paqallq tunka phisqani mararuxa, Israel markax q'ala chhaqtayatäniwa; jumanakatix jan suma iyawsañanipkäta ukapachaxa, janiw suma ch'amani sayt'ayatäpkätati’ ” sasa.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 48:2

Moab markan jach'a kankañapasti tukusxiwa. uñisirinakapax Hesbón chiqan amtasipki Moab markan markpach chhaqtxañapataki. Madmén marka, jumas tukjatarakiw uñjasïta, nuwasiñasti jumxarux jutapuniniwa.

Ezequiel 35:13

Naya tuqi jan wali arunak parlatamsa sum ist'arakta.

Daniel (hebreo) 11:36

“ ‘Amsta tuqinkir reyisti kuntix jupax munkani uk lurani. Jach'a jach'a tukutapatxa, jupax taqi diosanakatsa juk'amp ch'amanïtap amuyasini, chiqpach Diosatakisti kunayman ñanqha arunak arsuni; taqi kunas jupatakix wakiskiriw mistuni; Diosax jupatak mutuyäwipa apayankani ukapachkama, kuntix Diosax lurañapäki ukxa, luraniwa.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

2 Tesalonicenses 2:4

Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.

Apocalipsis 13:6

Ukatsti ukhampun luräna; Diosatak jan wali arunak parläna sutip jisk'achasa, qullan utjäwip jisk'achasa, alaxpachan utjirinakar jisk'achasa.