Jeremías 48:36 - Qullan Arunaka DC

³⁶ Ukat chuymaxax Moab markankirinakat pinkillur uñtat jachsu, Quir-heres markankir jaqinakat jachi, walja qamir yänak imkatatap q'al apt'asipxi.

Aymar Bibliia 1986

³⁶ Ucatpï chuymajjajj Moab marcatjja aykojja, Kir-hares marcanquir jakenacatsa amaya imaña pinquillonacampi phust'asisa, take kamir cancañapa imcatcäna ucanacasti tucusjjaraquiwa.

Qullan Arunaca

³⁶ Ucatpï chuymajjajj Moab marcatjja aykojja, Kir-hares marcanquir jakenacatsa amaya imaña pinquillonacampi phust'asisa, take kamir cancañapa imcatcäna ucanacasti tucusjjaraquiwa.

Jeremías 48:36 Jak'a apnaqawi uñst'ayäwi

2 Reyes 3:25

Ukxarusti markanak t'unjapxäna, yapuchañ uraqinakxa qalanakampiw phuqhantapxäna, uma jalsunaksa taqpach llupantapxäna, muxsa achun quqanaksa taqpach phat'anukupxäna. Quir-haréset sat markaki jan tukjapkänti, uka markaru q'urawampi q'urawasiri jaqinaka katuntapxatap layku.

Proverbios 11:4

Qamir yänakax taripäw urun maynirux janiw yanapkaniti, aski kankañasti jiwañat qhispiyani.

Proverbios 13:22

Aski lurir jaqix allchhinakaparuw yänakap jaytawayi; jucharar jaqin yänakapasti, aski jaqinakatakiw qhiparxani.

Proverbios 18:11

Qamiritakix qamir yänakapax pirqanakampi muyuntat markäkaspas ukhamawa.

Isaías 15:5

Isaías profetax siwa: Moab markar ukham uñjasax chuymaxax walpin usutu; moabitanakasti axsarañampi phuqhantatäpxiwa, Zoar, Eglat-selisiya uka markanakaruw jaltxapxi, Luhit siski uka qhathanjam jacht'asis makhatapxi, Horonaim uka thakhinjam t'unjat uñjasitapat jacht'asis sarxapxi.

Isaías 15:7

Ukat jaqix jichhax taqi yänakap apthapisxi, ukatsti Sauce jawir khurkataruw apasxapxi.

Isaías 16:11

Moab, Quir-haréset markanakan jan walt'atapatxa, chuymaxax mä arpjamaw llakisiñat wal khathati.

Isaías 63:15

Israelasti Tatiturux akham sasaw mayisïna: Tatay, alaxpachatpach uñtanipxita, kawkha qullana, k'ajkiri chiqantix utjkta ukkhatpacha. Munasiñama, ch'amamay uñacht'ayapxita; khuyapayasiñama, munart'asiñamay uñacht'ayapxita. Nanakan ayquñanakaxat janikiy maysar uñtamti.

Jeremías 17:11

Sallqjañampi qamiriptirinakaxa, uka qamir yänakap q'al apt'asipxani, walïkasinsa, jan kunaniw uñjasipxani.

Jeremías 4:19

¡Chuymaxax walpun usutu! ¡Niya phallirpachawa! ¡Janiw inakt'irjamäkti, janirakiw amukt'irjamäktsa! Mä trompetan phust'asitap ist'ta, nuwasiñ arnaqasitanak ist'arakta.

Jeremías 48:31

Ukat Moab markat jachä, jaqinakapatsa wali amtarakï, Quir-heres sat markankir jaqinakatsa, wal jacharakï.