Jeremías 48:27 - Qullan Arunaka DC

²⁷ Moab, jumax Israel markat larusïyätawa; jisk'achañampiw uka markat parläyätaxa, lunthatäkaspas ukhama.

Aymar Bibliia 1986

²⁷ Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?

Qullan Arunaca

²⁷ Moab, ¿janit jumajj Israel marcat laruscaraquïyätajja? ¿Uqhamaraqui uca marcatjja jisc'achañampi parlcäyätajja, lunthatäcaspas uqhama?

Jeremías 48:27 Jak'a apnaqawi uñst'ayäwi

Job 16:4

Jumanakatix nayjam jikxatasipxasmaxa, nayax jumanakjamaw parlarakirista; sawkasiñampiw p'iqi uksar aksar khiwirista, kunayman walja arunak sapxirisma,

Salmos 44:13

13 (14) Jaqi masixan tuqiñatakiw uchapxista, nanakar uñt'irinakan sawkasiñapatakikiw utjayapxista.

Salmos 64:8

8 (9) pachpa arunakapaw aynacht'añarux puriyani, jupanakar uñjirinakasti larusipxaniwa.

Salmos 79:4

Nanak jak'an utjir markanakan phiskasiñapäpxtwa; nanakar muyuntirinakan larusiñapäpxaraktwa.

Jeremías 18:16

Ukhamat markapxa mä ch'usa wasarar tukuyxapxi, muspharkaña, mulljaskaña tukuyapxaraki. Uka chiqa sarakipirinakasti, taqiniw mayjt'asiñat p'iqi khiwipxani.

Jeremías 2:26

“Kunjämatix lunthatax katjayasisin wal p'inqasixa, ukhamarakiw Israel markax p'inqasini, reyinakasa, jilïrinakasa, sacerdotenakasa, profetanakasa.

Lamentaciones 1:12

¡Jumanaka, thakhinjam saririnaka, amuyt'apxamaya, t'aqhisitaxar uñtatax utjpachati, nayarux ukataq t'aqhisiyxitu! ¡Tatituw phiñasiñapan aka t'aqhisiñ apayanitu!

Lamentaciones 1:7

Jerusalén markax khaya urunakat amtasi, sapaki, llakt'ata qhiparkäna uka urunakat amtasi; kuna qamir yänakapatix nayrax utjkäna taqi ukanakat amtasi; kunjämsa uñisiripan amparapar jalt'käna uk amtasi, janiraki khitis jupar yanapt'iri jutkänti ukanak amtasi, kunapachatix uñisirinakapax jupar uñjasinxa, aynacht'atapat larusipkäna uk amtasiraki.

Ezequiel 25:8

“Naya, Tatitusti saraktwa: Moabitanaka, jumanakax Judá markarux jisk'achapxtawa. Maya markanak kipkakiw sapxtawa.

Ezequiel 35:15

Jumasti, Israelan katuqat uraqipax t'unjatäkän ukkhax kusisïyätawa, jichhasti jumax ukham t'unjataw uñjasirakïta. Edom marka, Seir qullu, ch'usa wasarar tukuyataw uñjasïta. Ukapachaw yatipxani, nayan Tatitütaxa.’

Ezequiel 36:2

Naya, Tatituw arsta: Israelan uñisirinakapax niyas uka uraqix jupanakankxaspa ukham amuyasipxi.

Ezequiel 36:4

Ukhamasti, Israelankir jaqinaka, kuna arunaktix Tatitux jach'a qullunakaru, jisk'a qullunakaru, jawiranakaru, qhirwanakaru yatiyki ukanak ist'apxam; Israel uraqin ch'usa wasara tukuyata markanakaru, uka jak'ankir yaqha markanakampi lunthatjatäki, jisk'achañampi uñjatäpki uka markanakax ist'apxpan.

Sofonías 2:10

Ukäniw Moab markampina, Amón markampin mutuyäwipaxa, Tatitun markapar jisk'achapxatapata, uraqinakapsa jach'a ch'aman Tatitun markapan uraqinakapampi jach'aptayasipxatapata.

Sofonías 2:8

Israel markan jach'a ch'aman Tatitu Diosapax akham siwa: “Nayax Moab markan jan wali parlatanakap ist'twa, Amón markan ñanqha arunakapsa ist'araktwa. Jupanakax markaxaruw jisk'achapxi, markaxan uraqinakap katuntasisax uraqinakapsa jach'aptayasipxarakiwa. Ukat naya jakkiri Tatitux arsta: Moab markasti Sodoma markjamaw tukuni, Amón markasti Gomorra markjamarakiw tukuni, uraqinakapansa ch'aphinakakiw jilxani, jayu uraqiruw tukuni, wiñayatakiw ch'usa wasar uraqir tukuni. Markaxat jilt'ir jaqinakaw uraqinakap aparasin katuntasipxarakini” sasa.

Mateo 26:55

Ukapachaw Jesusax jaqinakar jiskt'äna: —¿Kunatarak jumanakasti mä lunthatarjam espadanakampi, lawanakampi nayar katuntir jutapxtasti? Sapürurakis Tatitun utapan jumanakar yatichasipksmaxä, ukkhay katuntapxitasamänxa.

Mateo 27:38

Jupamp chikasti pani lunthataruw ch'akkatapxäna, maynirux kupïxaparu, maynirusti ch'iqäxaparu.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.