Jeremías 48:26 - Qullan Arunaka DC

²⁶ Moab markarux machjayapxam, Tatitutak sayt'asitap layku. Ukapachaw Moab markax pachpa waq'sutapar qurumsuni, taqiniw jupat larusipxarakini.

Aymar Bibliia 1986

²⁶ Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Qullan Arunaca

²⁶ Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Jeremías 48:26 Jak'a apnaqawi uñst'ayäwi

Job 15:25

Diosatak sayt'asiritakix ukhamaw lurasi, taqi ch'aman Tatitur saykatiritakisa,

Job 9:4

Diosan yatiñ kankañapax jach'awa, ch'aman kankañapas jach'arakiwa; ¿khitirak Tatit nayraqatan sayt'asispa, jupar atipjarakispasti?

Salmos 2:4

Ukampis alaxpachan jakir Tatitux jupanakat larusiwa;

Salmos 59:8

8 (9) Jumasti, Tatay, jupanakat larustawa; juchaninakat phiskastawa.

Salmos 60:3

3 (5) Markamarux jach'a yant'anakampiw t'aqhisiytaxa, luqhiptayir vino umantayapxistaxa.

Salmos 75:8

8 (9) Tatitux wali q'apisitawa, mutuyañatakix jank'akiwa. May chuym ch'amakt'ayasin ukkhasti, jan khuyapt'ayasisaw q'apisiñapampix ñanqha lurir jaqinakar mutuyani.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Éxodo 9:17

Ukhamäkipansa, jumax markaxar jark'askaktawa, janiw sarxañapatak antutañsa munktati.

Isaías 10:15

Tatitux siwa: Asiriankir reyix pantjasitawa, hachasa, lawa khuchhuñasa janiw apnaqiripat juk'amp askïkiti. ¡Kawkhansa utjatäna mä thujruxa, khititix apnaqki ukar apnaqatapaxa!

Isaías 19:14

Tatituw jupanakxaru pantjayir ajay churi; jupanakasti Egiptorux pantat thakhinjam irpapxi, taqi kuna luratanakapasa, kunjämatix mä machat jaqix waq'aqjasi, ukat uksar aksar aytilkaraki ukhama.

Isaías 28:8

Mesa patanakapas waq'aqjasitanakapamp phuqhantatawa, janipuniw kawkhas q'umax utjkiti.

Isaías 29:9

¡Jumanakasti, profetanaka, luqhikïsipkam! ¡Jan kuns uñjas juykhukïsipkam! ¡Machantatanakjam liwinaqtasipkakim, janisay vino umapksta ukasa!

Isaías 51:17

Jerusalén marka, sartasim, Jerusalén marka, sayt'asim, jumaw Tatitun phiñasitapat t'aqhistaxa, walpin t'aqhistaxa, jan sayt'kiriw uñjasiraktaxa.

Isaías 63:6

Wali q'apisiñaxampiw markanakarux t'unjta, wilanakapsti uraqinjam llumiyarakta.

Jeremías 48:39

¡Moab markatjam jakhusipxam! ¡Uka markax q'ala tukjatawa! ¡Mä p'inqaw qhipäx uñtxi! Axtaskaña, jisk'achkañarakiw marka jak'anakapatakis tukxaraki.

Jeremías 48:42

Moab markasti jan mayampitak tukjatäniwa, naya Tatitutak sayt'asitap layku.

Jeremías 50:29

“¡Nuwantir jaqinakax jutapxpan, Babiloniar nuwantapxpan! ¡Uka markar muyuntapxpan, ukhamat jan maynis jaltañapataki! Babilonia markax nayaruw saykatitu. ¡Lurataparjam jupanakarux churapxam! ¡Kunjämtix jupax mayninakar lurki, ukhamarak jumanakax jupar lurapxam! Nayätwa Israel markan Diosapaxa, nayax yaqha diosanakat sipansa mayjapunïtwa.

Jeremías 51:39

Janchipan wali junt'jatäpxani ukkhasti, nayaw machjayir umanak churä, ukasti jupanakarux p'iqi muytayani. Ukhamat jupanakax jiwatjam ikirapxani, janirakiw mayampis sartkxapxaniti. Naya, Tatituw uk arsta.

Jeremías 51:57

Reyi, taqi ch'amani Tatitusti siwa: “Babiloniankir jilïrinakarux machjayäwa, yatiñani jaqinakaparusa, marka apnaqirinakaparusa, jilïrinakaparusa, soldadonakaparusa, q'al machjayä, jiwatjamaw ikirapxani, janirakiw mayampsa uka ikit sartkxapxaniti.

Jeremías 51:7

Babilonia markasti nayan amparaxanxa quri tilinkir uñtatänwa, taqi aka uraqpacharuw umjayarakïna. Markanakasti vinopat umantasaxa, q'al machjasipxäna.

Lamentaciones 1:21

Jaqinakax wararitax ist'asipkiwa, ukampis nayar chuymachirix janiw khitis utjkiti. Taqi uñisirinakaxaw nayan aynacht'atax yati, juman nayaru t'aqhisiyatamatsti kusisipxarakiwa. ¡Juman yatiyatäki uka urux purinpanaya, jupanakasti kunjämtix nayax t'aqhiskta ukham t'aqhisipxarakpan!

Lamentaciones 3:15

Tatitux jachañanakampiw phuqhantitu; k'allk'u uma umañ churitu.

Lamentaciones 4:21

¡Edom marka, jichhax larusim, kusisirakim; Us uraqin munañan apnaqiri! ¡Jumarux t'aqhisiñax wakt'arakïtamwa, ukatsti machjata, q'alalaw uñjasïta!

Daniel (hebreo) 11:36

“ ‘Amsta tuqinkir reyisti kuntix jupax munkani uk lurani. Jach'a jach'a tukutapatxa, jupax taqi diosanakatsa juk'amp ch'amanïtap amuyasini, chiqpach Diosatakisti kunayman ñanqha arunak arsuni; taqi kunas jupatakix wakiskiriw mistuni; Diosax jupatak mutuyäwipa apayankani ukapachkama, kuntix Diosax lurañapäki ukxa, luraniwa.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 8:10

Sinti jilantatapatsti, alaxpach warawaranakkamaw purïna, uka warawaranaksti williranïnwa, takisirakïnwa,

Nahúm 3:11

Jumasti Asiria marka, machat jaqjamaw uksar aksar liwinaqtarakïta; uñisirinakamat imantasiñ munäta, ukampis janiw imantasiñ jikxatkätati.

Habacuc 2:16

Jach'añchatäña lantxa, p'inqachjataw uñjasïta, Dios Tatituw mä tilinkit umt'añamatak churätam, ukaw juman q'alalakïtam uñacht'ayätam, jach'a kankañamsa jisk'arurakiw tukuyani.

2 Tesalonicenses 2:4

Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.

Apocalipsis 16:19

Jach'a markasti kimsaruw jaljtäna, akapachankir markanakas q'alarakiw t'unthaptäna; Diosasti Babilonia jach'a markat amtasïna, jach'a q'apisiñapampi mutuyañataki.