Jeremías 48:14 - Qullan Arunaka DC

¹⁴ “Moab markax jan siskpati: ‘Nanakax jan kuna axsarir jaqinakäpxtwa, nuwasïwin nuwasir ch'aman jaqinakäpxtwa’ sasa.

Aymar Bibliia 1986

¹⁴ “Moab marcasti jan siscpati: ‘Jiwasajj jan cuna ajjsariri jakenacäpjjtanwa, guerransa nuwasiri ch'amani jakenacäpjjtanwa’ sasajja.

Qullan Arunaca

¹⁴ “Moab marcasti jan siscpati: ‘Jiwasajj jan cuna ajjsariri jakenacäpjjtanwa, guerransa nuwasiri ch'amani jakenacäpjjtanwa’ sasajja.

Jeremías 48:14 Jak'a apnaqawi uñst'ayäwi

Salmos 11:1

Tatituw nayan imantasiñaxaxa. Inamayaw sasipkitu: “Jamach'ir uñtat qullur jaltxam.

Salmos 33:16

Janiw kawkïr reyis jach'a nuwasir tamanïtap layku atipkiti, janirakiw nuwasir jaqis wali ch'amanïtap layku qhispkiti;

Eclesiastés 9:11

Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Isaías 10:13

Asiriankir reyisti sarakiwa: “Nayaw taqi ukanak ch'amaxamp lurjta, wali ch'ikhïtaxät suma luräwinak amtarakta. Nayaw markanakan qurpanakapsa mayjt'ayta, qamir kankañanakapsa katuntasirakta, wali ch'aman chachjamax reyinakarus atipjaraktwa.

Isaías 10:16

Ukatpï jichhax taqi ch'aman Tatituxa, uka lunqhu jaqinakxarux mä usu apayaninixa, reyirusa, reyin ejercitoparusa, uka usux jan ch'aman tukuyani.

Isaías 16:6

Moab markankirinakasti jach'a jach'a tukur jaqinakäpxiwa: taqinitsa juk'amp jach'anakäpkaspas ukham amuyasipxi, mayninakarus jisk'achasiñampiw uñkatapxi. ¡Ukampis pantjatäpxiwa!

Jeremías 49:16

Jach'a jach'a tukutamampi, axsarkañ uñacht'ayatamampiw sallqjayastaxa. Qarqa p'iyanak taypin jaktaxa, qullu patanakat waythapisisaraki. Ukampis pakar uñtatasay alay chiqan tapachasiskam, ukatpach jumarux jaquqanïma. Naya, Tatituw uk arsta.

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Jeremías 9:23

23 (22) Tatitux siwa: “Yatiñan jaqix yatiñapampix jan jach'a jach'a tukpati, munañanisa munañanïtapatxa jan jach'a jach'a tukpati, qamiris qamir yänakapat janirak jach'a jach'a tukpati.

Ezequiel 30:6

“ ‘Tatitux akham siwa: Egipto markar yanapirinakasti nuwasïwin jiwarapxani, Migdol chiqata, Asuán sat chiqakama. Egipton jach'a jach'a tukutapasti jisk'achjataw uñjasini. Naya, Tatituw uk arsta.’

Sofonías 2:10

Ukäniw Moab markampina, Amón markampin mutuyäwipaxa, Tatitun markapar jisk'achapxatapata, uraqinakapsa jach'a ch'aman Tatitun markapan uraqinakapampi jach'aptayasipxatapata.