Jeremías 48:13 - Qullan Arunaka DC

¹³ Ukapachaw Moab markax Quemós sat diosapat p'inqasini, kunjämatix Israel markax Betel chiqar alkatasïnxa, ukatsti uka chiqat p'inqasirakïnxa ukhama.

Aymar Bibliia 1986

¹³ Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Qullan Arunaca

¹³ Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Jeremías 48:13 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 11:7

Khä urunakansti Salomonax Jerusalenat inti jalsu tuqinkki uka qullun, mä yupaychäwi chiqa Quemós sat Moab markan axtkañ idolopatak luräna, ukhamaraki amonitanakan Moloc sat axtkañ idolopatakisa.

1 Reyes 18:40

Ukat Eliasax jupanakar säna: —¡Baal diosan profetanakapar katuntapxam! ¡Jan khitis jaltpanti! —sasa. Jaqinakasti katuntänwa, ukatsti Eliasax Quisón jawiraruw jupanakar irpäna, ukan jupanakar kunkat khariräna.

2 Crónicas 25:15

Tatitusti Amasías reyitakix q'apisïnwa, ukatsti mä profetaruw khithanïna jupar akham sañapataki: —¿Kunatarak uka markankir diosanakapar yupaychtasti?, uka diosanakax janiw markapar amparamat qhispiykiti —sasa.

Isaías 16:12

Moab markax qullunakarus saraskpan, qarjtañkamas arnaqasiskpan, diosanakapar mayisiris sarasipkpan, janiw kuna yanapsa jikxatapkaniti.

Isaías 2:20

Uka urunsti jaqinakax diosanakapxa, apanukxapxaniwa, qurita, qullqit jupa pachpan lurasit diosanakxa, yupaychañatak lurasipkäna uka diosanakapxa, achakunakaru, chiñinakaruw churxapxani,

Isaías 45:16

Taqi khitinakatix diosanak lurasipki ukanakaxa, p'inqachjata, jisk'achjataw uñjasipxani.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Jeremías 48:12

Ukampis Tatitux siwa: “Mä uruw purinini kunapachatix uñisiripax nuwantkani, ukatsti katuntasaw jaya markar apasxani. Naya, Tatituw uk arsta.

Jeremías 48:39

¡Moab markatjam jakhusipxam! ¡Uka markax q'ala tukjatawa! ¡Mä p'inqaw qhipäx uñtxi! Axtaskaña, jisk'achkañarakiw marka jak'anakapatakis tukxaraki.

Jeremías 48:46

¡Ay Moab, kunakïkan jumatakixa! ¡Quemós diosan markapa, aynacht'atätawa! ¡Yuqanakamarusa, phuchhanakamarusa jaya markaruw katuntat apapxi!

Jeremías 48:7

“Moab marka, jumasti ch'amamaru, qamir yänakamaruw alkatasïyätaxa, ukampis jumax katuntataw uñjasirakïta. Quemós sat diosamasa jayar apatäniwa, sacerdotenakapampi, jilïr jaqinakapampi kuna.

Jueces 11:24

Quemós diosamatix mä kunsa jumankañapatak churätam ukaxa, jumax ukanakxa jumankirit uñt'astaxa, ¿janich ukhamäkixa? Uka kipkarakiw nanakax kuntix Tatitux nanakar churapkitu ukanakxa, nanakankirit uñt'asxapxta.