Jeremías 48:11 - Qullan Arunaka DC

¹¹ Moab markax sumakipuniw jakasiskäna, janipuniw kunapachas jaya markarux apayat uñjaskänti. Mä suma vinor uñtatänwa, mä chiqanakpun suman jakasiskäna. Ukatpï taqi kunas uka markatakix walikipunïskänxa, janirakiw saräwinakapsa chhaqhayaskänti.

Aymar Bibliia 1986

¹¹ Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Qullan Arunaca

¹¹ Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Jeremías 48:11 Jak'a apnaqawi uñst'ayäwi

Salmos 123:4

Qamirinakan larch'ukitax walipuniw t'aqhisipxta, jach'a jach'a tukurinakan jisk'achatapampis qaritäxapxtwa.

Salmos 55:19

19 (20) Wiñay jakir Diosaw ist'itu, jupanakarusti aynacht'ayaniwa, sarnaqäwinakapsa janiw chiqachasiñ munapkiti, janirakiw Diosarus axsarapkiti.

Proverbios 1:32

Jan yatiñan jaqinakarux jan yatitanakapaw tukji, pisi amuyt'an jaqinakarusti jan amuyt'asitanakapaw aynacht'ayi;

Isaías 16:6

Moab markankirinakasti jach'a jach'a tukur jaqinakäpxiwa: taqinitsa juk'amp jach'anakäpkaspas ukham amuyasipxi, mayninakarus jisk'achasiñampiw uñkatapxi. ¡Ukampis pantjatäpxiwa!

Isaías 24:3

Uraqix q'ala tukjatäniwa, q'ala lunthatjatäniwa. Tatituw ukham lurañatak arsu.

Isaías 25:6

Taqi ch'aman Tatitusti, taqi markanakatakiw Jerusalén markan mä suma manq'äwi wakichani, suma manq'anakampi, suma vinonakampi.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 48:12

Ukampis Tatitux siwa: “Mä uruw purinini kunapachatix uñisiripax nuwantkani, ukatsti katuntasaw jaya markar apasxani. Naya, Tatituw uk arsta.

Jeremías 48:29

Moab markan jach'a jach'a tukurïtap yatipxtanwa, jach'a jach'a tukutapa, jisk'achirïtapa, jan axsartir chuymanïtapsa.

Jeremías 51:34

Jerusalén markasti sarakiwa: “Babiloniankir Nabucodonosor reyix jisk'a jisk'a tukjasaw manq'antitu; ch'usa chuwar uñtat jaytarakitu. Jach'a qutankir jach'a laq'ur uñtataw manq'antitu; nayan suma manq'anakaxampiw sist'asi, ukat jilt'irsti liwtxarakiwa. ¡Babiloniax nayar jan wal luratapat jichhax yatpan! ¡Caldeo jaqinakasti, nayan jaqinakax jiwarayatapat kunatix katuqañapäki uk katuqpan!”

Nahúm 2:10

10 (11) T'unjata, ch'usa wasarar tukuyata, jachkañ lurjataw Nínive markax uñjasi. Chuymanakapas axsarañat tukusiwayxiwa, kayunakapas wal khathatiraki, taqinis ch'ama thayjtatkamakiwa, ajanunakapasti q'illuw tukuwayxi.

Nahúm 2:2

2 (3) Tatitux Jacobun jach'añchäwinakapa, Israelan jach'añchäwinakap wasitat kuttayxani, kunjamäkäntix yänakap janïra aparatäkäna, q'ara uva lawanakjam janïra jaytatäkän ukhama.

Sofonías 1:12

“Uka urunakanxa, Jerusalén markarux mä qhanampi qhant'ayasaw uñakipäxa. Kawkïr jaqinakatix jucha luratanakapat jan amthapisis qamasisipki ukanakarux mutuyäwa, chuymanakapansti sapxaraki: ‘¡Janiw Tatitux walsa jan walsa lurkaniti!’ sasa.

Zacarías 1:15

Ukat q'apisiñaxax ninjam aqti, uka jan yäqasir markanakataki, kunapachatix q'apisiñaxax juk'akïkän ukkhaxa, jupanakax ñanqha lurañanak juk'amp lurapxäna.